صامتة رح أنفجر

زاد الاردن الاخباري -

مساء الخير شكرا لموقع زاد وارجو منهم نشر مشكلتي انا بحاجه لمواسه لاني رح انتحر ون القهر وارجو من القراء مساعدتي

 الى جميع الفتيات والشباب ارجو ماحدا يفهمني غلط براي جميع الشباب والبنات ودايما راي البنات اصدق من الشاب في هاد الموضوع انا بنت حلوه كتيييييييييييييير اقسم بالله مش مدحا بحالي بس بشهادة كل الناس كلهم بلا استثناء وحياة صيامي انا مش مغروره ومتعلمه وشغلي كتير منيح رئيسة قسم وعمري صغير 26 سنه والله العظيم بلا مبالغه بشهادة الناس وانا بكره هاي التشبيه بس يشوفوني بالمولات نسوان وبنات وشباب بضلهم يطلعو على وجهي بس ياحسره شو الفايده من كل هاد انا من عمري 16 سنه كل يوم عريس شكل هلا من كتر مارفضت عرسان طلع عليه اني مغروره وتكبره وصار اي حدا يشوفني قبل مايحكيلي كيف حالك يسألني ليش لهلأماتزوجتي شو اعمل جاوبوني عداكم عن التجريح بالحكي الي بقهر انا مابعرف ليش كنت ارفض بس السبب الرئيسي كنت اساعد اهلي وهلا الحمد الله بطلو بحاجتي انا مجروحه من الناس ومن لؤمهم علما انا بحياتي مادخلت بحد ولا خصوصياتهم انا تجرح فيه كتير وصرت بين الجيران والاقارب مضرب مثل ياحرام لهلا ماتجوزت ليش هيك انا زي الفراشه ومش حاسه عندي مشكل بس العالم بتجرح فيه كتيييييييير والسبب ما بتروح الا على حلاوات هاي الجمله الكل بحكيها من ورى ضهري ساعدوني نفسيا شو اعمل بالعالم انا مخنوقه كتير كتير من الناس انا الوحيده بالعيله ماتجوزت الاكبر والاصغر تجوزو وللاسف انا احلى وحده الناس مش راحمنتني حاسه حالي عامله عار صرت انعزل عن الناس عشان ما اسمع حكي بالموضوع

الله يخليكم الي بعرف الطرق الشرعيه لكشف السحر واللاعمال والنفس خبروني انا بامس الحاجه مش دايما الجمال نعمه انا حاسه بالنقمه ساعدوني ساعدوني ارجوكم