حب النت ،،،

زاد الاردن الاخباري -

السلام عليكم الى قراء زاد الاعزاء انا بعتت مشكلتي قبل فترة على موقع زاد قبل شهر وللاسف زاد مانزلتها وهلا حبيت ارجع اكتبها وابعتها مرة تانيه واخد رأيكم هل انا على صح ام على خطا

انا فتاه عمري 26 سنه متعلمه وامورة ومؤدبه كنت بقرأ على النت مشكله لاحد الاشخاص وحبيت اساعدو في المشكله وفعلا كتبتلو ازا طلبك جدي انا بساعدك وكان الموضوع بتعلق بالزواج وانا كنت راح اشوفلو بنت الجيران لانو حسب العمر اللي طلبو المهم كتبت ايميلي للتواصل بعد فترة اجاني ايميل بس مش من صاحب المشكله من احد المعلقين انا بالبدايه فكرتو هو وصرت ارد عليه بعد فتره اكتشفت انو مو هو وانو هو حابب يتعرف علي لانو عجبتو طريقه كتابتي وفعلا حكينا شوي عن طريق النت وبعدها عالتلفون مابنكر انو الشب خلوق جدا وماطلع منو اشي وحكالي انو ارتاحلي وانو حابب يكمل معي ويرتبط وانا كمان ارتحتلوالسؤال لحضرتكم انو هل انا اللي عملتو غلط وانو حب النت مجرد علاقه وبتمضي بس هو من البدايه حكاانو مابحب الزواج التقليدي وهو فعلا متحفظ هل اكمل معاه او اني اترك من البدايه قبل مااتعلق فيه كتير للعلم هو حكا مع والدتي عشان تكون بالصورة بتمنى تساعدوني لمن مر بهالتجربه او عندو ايه فكرة تريحلي بالي ومشكورين على مساعدتي