قسمة و نصيب

زاد الاردن الاخباري -

بسم الله الرحمن الرحيم
انا بعرف ان مشكلتي راح يعتبرها الجميع ليست بمشكلة وانها قسمة ونصيب لانها باختصار تتعلق بالزواج .
بداية انا حبيت افضفض الكم لما رأيت فيكم اناس طيبيون ومتعاونون وكلامهم يثلج الصدر

لاموضوع انني فتاة ابلغ من العمر 30 متواضعة بكل شيء وشهادتي دبلوم واعمل بوظيفة مناسبة ومحترمة ومحبوبة واجتماعية جدا والجميع يحبني .
مشكلتي بكل بساطة (انني من عمر 18 عام ولغاية هذا العمر اتعرض لمواقف زواج ولا ينجح اي موضوع زواج سواء اكان من طرفي ام من طرف العريس ) مع العلم ان جميع افراد عائلتي تزوجوالاكبر مني والاصغر مني والذكور والاناث الا انا فلم تنجح اي علاقة زواج ابدا ومع العلم انني اتعرض للكثير من العرسان بطريقة الزواج التقليدي لكن لا علاقة نجحت.

يمكن الجميع راح يحكي لي انو كل شي نصيب واصبري وما بيدك تعملي شي صحيح لكن انا حبيت اطرح هيك موضوع وانشاءالله مايكون مشكلة لانني اصبحت اتعرض لكلام الناس متل معمولك عمل او حدا نافسك او من هالكلام

فشو رأيكم من خبراتكم بالحياة لماذا لم تنجح اي علاقة زواج لي ؟؟ مع انني اتعرض للكثير من الناس الي بيجوا للبيت وبعلاقة رسمية للزواج ولكن الفشل لازم يكون حليف كل طلبة زواج لي

ياريت تعطوني رأيكم مع انو متأكدة انو اغلبيتكم راح يحكوا شو بدك يعني عريس ... مو كل شي العريس لكن الحالة النفسية الي بيوصل لها الانسان تصبح سيئة للغاية .

واشكركم واشكر اسرة زاد الكريمة