زاد الاردن الاخباري -

كشفت "كلوديا عقل" ابنة شقيقة الفنانة الراحلة صباح عن وصيتها لكل محبيها قبل رحيلها فجر الأربعاء 26 نوفمبر الجاري.

ونشرت "كلوديا" وصية صباح لكل معجبيها عبر صفحتها الرسمية على Facebook:

"بتودعكن وبتقلكن ما تبكو وما تزعلوا عليي وهيدي وصيتي الكن

قالتلي قوليلن يحطو دبكة ويرقصوا بدي ياه يوم فرح مش يوم حزن

بدي ياهن دايما فرحانين بوجودي وبرحيلي متل ما كنت دايما فرّحن

وقالتلي قلكن إنه بتحبكن كتير وإنو ضلوا تذكروها وحبوها دايما".

ورثت "كلوديا" خالتها: "يا أحباب الصبوحة الصبوحة ما عادت موجودة معنا بجسدا في هاللحظة الساعة 3 فجر الاربعاء طلعت روحا الى الخالق وهي نايمة حتى في رحيلها كانت هنية ومتل النسمة وما زعجت حدا ولا تعبت حدا الصبوحة رحلت بالجسد بس رح تضل موجودة بقلوبنا الى الابد رح نشتقلك كتير كتير كتير يا حبيبتنا يا ريت كان بايدنا نعطيكي كل لحظة من عمرنا ونخليكي معنا اكتر واكتر بس هاي ارادة ربنا ..

منحبك صبوحة منحبك للأبد وما رح ننساكي ابداً ابداً إله يرحمك يا صبوحة ويغفرلك وتكون نفسك بالسما مع الأبرار والقديسين".