كاميرا

قبل ايام قليله تذكرت ان موعد ترخيص سيارتي قارب على الانتهاءفقررت جمع اوراقي و نقودي والذهاب اولا الى الترخيص ثم التاْمين, والي صار انو عرفت ان مخالفات السير الى ارتكبتها بجهلي. خطايا مميته لا تغتفر بل يدفع ثمنها عدا ونقدا وهي على علاقه طرديه من سعر التاْمين حيث كلما ارتفع عدد المخالفات ارتفع عدد المصاري المدفوعه. احلى علاقه طرديه, زي العلاقه بين ابو محمد جارنا الدكنجي وزبائنو الكرام نحن .حيث نحن ايضا تربطنا مع ابو محمد علاقه طرديه فكلما تاخرنا بدفع ديون المحل كلما زادت الفاتوره الاصليه, وهناك الكثير من العلاقات الطرديه بين الاسعار العالميه لسلع الهامه وبين ارتفاع اسعارها محليا من الدواء الى الذهب مرورا بالنفط والقمح و... الخ
الي مبسطني اكثر من كل الي بصير فينا هو انتشار مرض انفيلونزا الكميرات المزروعه بطرق خفيه في شوارعنا الجميله حتى في بعض الانفاق, شيء حظاري وجميل والاجمل منه ذلك الحيوان الاليف جرو مدام كلود صديقة اخت ام طوني صاحبي احسن من ميت كاميرا يا حبذا لو قسم مراقبة السير في الاردن استعانوا فيه, لانه عنجد كلب ابن كلاب طيبين ولكن الحق حق عندو ما بجامل ابن مسؤول او ابن جاه وعشيره الكل سواسيه عندو زي ما بقول شفاف وناصع ونبيحو من زمان واحد ما بثني نبحتو.
اطلت الشرح ولكن الي بدي اقولو انو الجرو المذكور بالخير صاحب كاميرا غرائزيه ماسك الحاره بقبضه من حديد بيشوف كل واحد مسرع بعرف انو في اشي خطير بتركو اما اذ حس انو سرعتو ولدنه وزعرنه يا ويلو يا سواد ليلو بهري عض حتى يحرم يعيدها, اي ردع السلوك الخاطيء.
اخيرا اريد التنويه الى ان العلاقه الوحيده العكسيه في حياة المواطن الطفران هي ارتفاع دخله مع ارتفاع الاسعار, حيث كلما ارتفعت الاسعار كلما نقص دخله.