أريد جوابا ..

زاد الاردن الاخباري -

السلام عليكم بداية بدي اشكر موقع زاد على هاي الزاوية الجميلة اللي بتيح لكتير ناس طرح مشاكلها وكمان بدي اشكر القراء اللي بشاركو بارائهم فيها انا اسف عهاي المقدمة وبدي يا سادة اطرح عليكم هاد السؤال وبتمنى من اي واحد بقرأو انو يتمعن في السؤال عشان اتساعدوني في مشكلتي طبعا قبل ما اطرح السؤال بدي احكيلكم مختصر شديد عن الموضوع..

 

 انا مريت بتجربة حب كنت صادقا فيها لابعد الحدود وكانت فترة العلاقة اكتر من 5 سنوات طبعا حدثت الكثير من الاحداث لن استطيع ذكرها لان لكثرة هذه الاحداث ومرارة ذكرها ولكن مايهم ذكره انني قد تقدمت لاهل الفتاه ولان والدها كان يبحث عن الجاه قد رفضني مع ان الوضع المادي لعائلتي افضل منه والحدث الاهم هو زواجها دون علمي ودون اي ضغط من اهلها وهذا ما جعلني اطرح السؤال التالي وطبعا بعيدا عن الناحية الدينية مش اغفالا الها بس لانو راي الدين اكيد كلنا بنعرفو بهاي الامور وحتى لو كانت المشاعر صادقة  بس المعظم مر بها التجارب  والسؤال(( هل الزواج يمحي المشاعر والاحاسيس الصادقة وان كان الجواب نعم ؟اذا لماذا نحب ؟ لماذا لا نقوم سواء شاب او فتاه بالعبث بمشاعر الطرف الآخر وفي النهاية نقول مهو رح يتزوج او تتزوج ورح ينسى؟ اذا هل يوجد حب ؟؟  

 

  في النهاية انا اسف اني طولت عليكم بس صدقوني مرارة الاحداث اللي سارت في هاي التجربة استدعني اطرح الموضوع  وشكرا الكم وبتمنى من زاد انها تنشر الموضوع وبتمنى من القراء انهم يردوا شكرا الكم مرة تانية..