زواجي والاختيار

زاد الاردن الاخباري -

بسم الله الرحمن الرحيم
انا شاب اعزب عمري٢٥ سنة مغترب منذ حوالي ٦ سنوات عن وطني الاردن اعمل في امريكا في المجال الطبي وحالتي العامة ممتازة والحمد لله
اخوتي والاباء في الاردن يعني وحداني لحالي، صلوا عالنبي ياهل الخير،طبعا كل مابحكي مع زملائي اواصحابي اواقاربي في امريكا او الاردن اول سؤال قبل شخبارك ؟وكيف صحتك ؟ تزوجت ولا لسا؟
بصراحة انا ما كنت حاط الموضوع من اساسو براسي لكن لمى بتشوف زملائك في العمل صارعندهم اولاد اولردي ويجيك دعوة لتشوف البيبي شاور تبعهم ببدء الفار يلعب والسؤال بمخي يدور وانا شوناقصني؟؟؟
الان. المشكلة هي اني تعرفت على بنت مسلمة عن طريق العمل وبتامن بالله والجنة والنار والسنة النبوية، وهي من دول اوروبا الشرقية بالرغم من اختلاف لغة التخاطب بينتنا، اللغة الوحيدة للتفاهم هي الانجليزية، طبعا اناما بعتبرها مشكلة، وهيه حابة الارتباط والزواج على الطريقة الاسلامية
راي الاباء بالموضوع انو من طين بلادك حط عخدادك ونصحيتهم لا تلعب بالطينة ياولد لانها وسخة. وانا معاك يامعلم بس المشكلة انو لو نزلت او خليت الاهل يدورولي ،هو انامش بني ادام ولا خشبة يعني؟؟؟
هل تعتقدو انو ميزان او نظرة الوالدة والوالد كفاية لشريكة العمر؟؟؟
مش تفهموني غلط ياجماعة الخيرصلوا عالنبي مرة ثانية اناماعندي مشكلة بالزواج من امراة بالاردن بس حتى وقت الاجازة انطارت ٣ اسابيع مش كفاية للتعرف عليها وما بدي بنفس الوقت اظلمها في بيئة مختلفة تماما كوني بلشت حياتي وعملي في دولة اجنبية وصعب اني اغيرمكان العمل لدولة ثانية . طبعا زي ما بتعرفوا انو امريكا تفتقر لبعض العادات والتقاليد الموجودة في مجتمعاتنا الشرقية
وسلامتكوا يالربع وماخاب من استشار والسلام عليكم ورحمة الله وبركاتة