كيف أغير زوجي؟؟

زاد الاردن الاخباري -

مرحبا للجميع ..

 انا عرضت مشكلتي من فترة انه زوجي باختصار ما بيحترمني لكن بعد فترة زاد معي الحد ورحت رفعت قضية  نفقة عليه لاني خلص بطلت اتحمل وبدي اطلق وبعد ما عرفو اخوانه بالموضوع حكولي اختصري ونحنا اليوم جايين نرجعك ويصير اللي بدك اياه رحت انا حكيت خلص يا بنت الناس ما الك غير بيتك وجوزك وولادك وارجعي انستري في بيتك ووافقت ارجع ومن  لما رجعت وهو صار ازفت يعني بصراحة كانه حاط في باله يرجع يذلني ويروح ينام لوحده ويحرمني من المصروف ويعطي اخته مصروف البيت تشتريلي لكن انا تحملت حكيت بعدين بروق باولها اكيد بكون معصب لحد ما صار عنا مناسبة في بيت اهلي وهية خطبة اهلي ولما حكيتله بدي اروح صار يحكيلي ممنوع  ضليت مكبرة عقلي وحكيت لاخوي انه يتصل فيه يحكيله بدي اجي اخد اختي ...
وهون كانت الصدمة صار يحكي لاخوي انا بدي مرتي تضلها بالبيت تنضفه وتعمل اكل ما في تطلع اخوي سمع هاد الحكي وانجن حكاله انت مرجعها مرة والا شغالة واتصل في وقلي اضب اواعيي واجى اخدني ونحنا بالطريق لبيت اهلي اتصل في بيحكيلي وينك حكيتله رايحة لبيت اهلي... اتصل باخوي يشكيله عني حكاله اخوي انا اللي رايح اخدها عبيتها لانه بيتها عنا مو عندك صار يهدد باخوي انه ازا رجع وما لقيني ليقلب الفرح عزا اخدني اخوي عالشرطة لناخد احتياطاتنا لانه هاد بيطلع منه اي شي ولما عرفه اخوانه اتصلو يترجو وتنازلنا عن الشكوى ورجعت اكمل في قضية النفقة ولما وصلو البلاغ اجو وحكولي الي بدك اياه رح يصير وهاد الكلام ما حيصير منه ورح يحترمك كان موعد جلسة المحكمة بعدها بيومين وبس رجعت حكالي روحي تنازلي عن القضية حكيتله ماشي بس ما تنازلت ولما راح موعد الجلسة اللي هو امبارح رجع نفس الشي انا هلا شو اعمل اعطيته فرصة اولى وتانية وعاشرة هلا شو اعمل انا اسفة اني طولت عليكم لكن كان لازم نحكي التفاصيل.............

ارجوكم بدي حل  ....