الزلمه : يا اولاد ...وطُّوا صوت هالتلفزيون ,,دوشتوني ..مش عارف اكتب ...والله اذا بصير قايم لأكسره على روسكوا وراس أُمكوا ...!!!!
...يا مره ...سكتي هالاولاد ...مش عارف اكتب ..قرقعوا مخّي اولادك ..!!!!...
المره : ..يا زلمه ..وحّد الله ...هدّي اعصابك الدنيا ما طارَتِش ..اولاد شو بدِّك تقول ..اذا منزعج فوت على غرفه ثانيه ,واكتب براحتك ,
ما انت عارف ..هاي غرفة الاولاد ,وقاعدين بتفرجوا على افلام الكرتون ....!!!!
الزلمه : ..اسمعي يا مره ترى انا موحّد الله قبل ما اشوف شكلك واشوف اولادك ...واذا ما رحتي من زَقمي َ, لأرَوحِك على دار ابوكِ هسع...ترى اليوم شايف الديك ارنب ....ّوشايف كل قرود الدنيا بِنِطّن فوق راسي...!!!!
المره : ..طيب ماشي يا زلمه ...مالك بدُّب كلامك مثل المهدّه , هاينا رايحين من قدّامك ..النا الله ...شو نقول حكم القوي ...!!!!
المره : بس قٌلِّي خيّوه قبل ما اروح , شو هالمقال اللي قرقعتنا فيه من امبارح ...!!!!
الزلمه : ...انتي شو معرفك ومفهمك شو بكتب ...!!!!
المره : مشان الله انطق هالجوهره واحكي شو بتكتب ...
الزلمه : انا قاعد بكتب مقال عن الديمقراطيه وحرية التعبير...!!!!! .
ملاحظة : ( فكرة المقال مأخوذه من لافته للشاعر احمد مطر )