أنصحوني

زاد الاردن الاخباري -

عطيكم العافية شباب و صبايا زاد
اختكم بالله ارمله و عمري 33 عام , عندي ولد عمره 6 سنوات.

طبعا من يوم وا توفى زوجي الله يرحمه و الكل من حولي بيقنعني اتزوج لاني لسه باول عمري.
صراحه انا جد نفسي اتزوج و خصوصا اني عشت مع المرحوم سنه واحده زواج قبل ما يتوفى بحادث سير.

انا متعلمه و امراه عامله و الحمدلله مؤخرا تقدملي شخص عمره 36 سنه من دون سابق معرفه , الكل بيحاول يقنعني انه مناسب و انا مو شايفه فيه اي عيب.

لكن رفضي بسبب ابني . انا كتير خايفه من اني اكون سبب تعاسته وقد ما كان زوجي رح يكون مش ابوه رح يكون زوج امه .

ما بعرف شو بدي احكي ....بس حبيت افضفضلكم شوي.