حازم مش لازم

زاد الاردن الاخباري -

حازم حازم حازم حازم
لأ مش لازم لأ مش لازم
مش لازم أفضل مع حازم
ولا لازم أفضل مع حاتم
يعني افطر ولا افضل صايم
ولا اغرق ولا افضل عايم
مش ممكن اعيش واقف نايم!
مش لازم حازم مش لازم
علشان نحقن دم مسالم
علشان نكشف وجه الظالم
ويبان لنا كدب اللي اتلائم
مش لازم حازم مش لازم
أجمل شيء أني أكون فاهم
وافهم مين لازم يتحاكم
مين بيعادي ومين بيسالم
المخلوق عمره ما كان دايم!
علشان كدا مش لازم حازم!
مصر تعود دا اللي اسمه اللازم
ويعود ليها الوجه الباسم
مصر ما تغرقش عشان حازم
فوقوا يا ناس للخطر القادم
وانت يا أجدع مصري مسالم
خليك بس لبلدك خادم
واحفظها تعيش آمن سالم
خلي الحكمة لعقلك حاكم
خاصم همك ولا تتخاصم
قبل ما تبقى فتن ومظالم
حازم حازم حازم حازم
لأ مش لازم لأ مش لازم

محمد محمد على جنيدي