محتارة

زاد الاردن الاخباري -

اول شي مسا الخير
يمكن مشكلتي الي محيرتني مكرره شوي بس انا رح احكيها باختصار انا بنت عمري 29 سنة ومخلصة جامعة وبشتغل وشغلي كتير منيح وكمان راتبي عالي كمان الحمدالله غير هيك انا انسانه ملتزمه مثقفة وكمان حلوه الهدف من هالحكي اني احكيلكم انو بنظر اغلب الناس انا كاملة والكمال طبعا لله عز وجل وحده

المشكلة انو في انسان كتير منيح هو كان زميلي بشغلي السابق عمره 49 سنة هو مطلق وضعه كتير منيح هو مدير وعنده ولدين 7 و6 سنين وهو من كم سنة لحد هلأ عم بحاول يخطبي قبل سنتين اجى عنا البيت بس اهلي ما وافقو بالمره حتى ما سألو عنه ولا اعطوه فرصة وبصراحه انا اقتنعت بوجه نظرهم انه عنده ولاد وهاد ممكن يسببلي مشاكل بالمستقبل فانا كمان ما قبلت هلا هو رجع كمان مره وباكدلي انه ما رح يصير مشاكل وانه رح يقنع اهلي انا ما رديت عليه حكتله بدي ارجع اسأل اهلي ازا بيرضو يستقبلوك ... انا بدي رأيكم خصوصي الي ممكن يكون مر بهيك تجربه شو مساوؤها خصوصي اني الحمدالله عايشة حياة مرفهه عند اهلي وما بعمل شي بالبيت طول عمري لاني اصغر بنت هل ممكن اني اتحمل لو اجوا اولاده يعيشو معنا ؟! وبالمستقبل لما يكبرو كيف رح يكون وضعي وانا مثلا بعد عشر سنين رح كون لسى صبية وهو صار بالستين تقريبا ؟!