حياتي دون معنى

زاد الاردن الاخباري -

قرّاء زاد الأعزاء ..

أنا فتاة متزوجه من سنتين وقبل ما اتزوج كنت بعرف شب وكنا ناويين نتزوج بس ما صار نصيب لأسباب ما بدي أذكرها لإنها طويله ومعقده ...المهم هلأ أنا تزوجت وهو تزوج لكن مازال بينا أتصالات بتصل فيي عالتلفون الارضي بالشركه في البدايه كنت اسكر الخط وما ارد عليه ...طبعاً أنا مو مرتاحه مع زوجي وهو كمان مو مرتاح نهائياً بزواجه ...حياتي مع زوجي تعيسه كتير زواج بدون أستقرار أو أمل أو أمان أنا ما بدي أبرر موقفي بس من بعد ما كنت أسكر الخط وما ارد عليه صار لما يرن علي أحكي معه عادي عن أمور الحياه بشكل عام وهو كان يفضفض ويحكي عن مشاكله وأنا ما كنت أحكي شي عن حياتي مع زوجي بس أسمع كلامه ...أنا بعرف حالي غلطانه بس مو بيدي حياتي تعيسه وأنا بس أتذكر الماضي ببكي وبحن للماضي وبحتاج لحد أفضفضله ...زوجي كتير مهملني وحياتي بدون معنى شو أعمل؟؟؟ كتير حاولت مع زوجي بس دايما بحسسني معه بالخوف والتعاسه ...

أدعولي الله يفرجها علي