من يعرف بالقوانين الجامعيه؟؟

زاد الاردن الاخباري -

مشكلتي ممكن تكون سخيفه ولا تقارن بمشاكل غيري ولكن قد اجد الحل من بعضكم ..
انا طالب هندسه بالسنه الاخيره كنت خريج على الفصل الثاني ولكن تم تأخيري للفصل الصيفي وهذه هي المشكله …

 

مره في احد الامتحانات وفي بدايه الامتحان وباعتراف من المراقب طلب الموبايل مني اعطيته الموبايل ..اعطى لمسئول القاعد الي قام بدوره بفتح الموبايل والتفتيش فيه ووجد اشياء متعلقه بالماده ..طبعا انا جن جنوني كيف يفتح التلفون ويفتش في ولكن اخذوا الاجراء بحقي بحرماني من الماده فقط وانذار وطلب مني ان اكتب اعتراف بالغش لاعطائي الهاتف فرفضت ان اكتب لاني لم اغش فجأه بسأل عن التلفون التلفون انسرق من مكتب نائب العميد الأخ كان واضعه على المكتب وبحكي معي والمكتب كله طلاب وين التلفون التلفون انفقد ولكن بقي الانذار بحقي ومافي اعتراف مني شخصيا بالغش ومافي دليل ممسوك علي ..

 

طيب انا مقهور لاني ما غشيت ولسا كان الامتحان يادوب مبلش وغير هيك تاخر تخريجي بالعلم انو كل زملائي راح يتخرجوا ع الثاني وهذا يلي قاهرني بزياده كنت حاب افرح معاهم ومش حاب حقي يضيع فكرت اوصلها لرئيس الجامعه مع انو البعض راح يحكي انها مش مستاهله كلها صيفي ولكنى انا ما بحب حدا ياكل حقي وما بحب اكون مظلوم وياريت تعطوني ارائكم وتفيدوني اذا بتقدروا بالقوانين والانظمه..

الرجاء النشر باسرع وقت وشكرا لكم زاد ..