اكره زوجي

زاد الاردن الاخباري -

اخواني واخواتي السلام عليكم ورحمة الله..
اود ان تساعدوني في ايجاد حل لمشكلتي من خلال اقتراحاتكم،،
انا امراة متزوجه عمري 21عام تزوجت من خمس سنوات ولدي طفلين،
،تزوجت وانا في 16 من عمري،يعني في سن مبكره جدا،
،زوجي يكبرني بتسعة اعوام،،مشكلتي كانت من اول يوم زواج فزوجي لم يستطع ان يقوم بالدور الذي يوجب عليه قيامه لمده اربعة شهور!
بعدها اخذني الى دكتور نسائي بخصوص عذريتي ،،هو ما عنده ضعف ابدا لكن الدكتور حكا انه صار عنده خوف ورهبه،،مو هاي مشكلتي لكن هذا الموقف خلاني ابعد عنه او بمعنى آخر حسسني اني اعيش مع رجل ضعيف،،مع مرور السنه الاولى عانيت من مشكلة انه بخيل جدا،يعني اقسم بالله انه كان يمر عليي يوم كامل بدون اكل،،لدرجه كانت امي تبعتلي اكل على البيت لأني اسكن بالقرب منها،،ماكنت اشعر اني متزوجه ما كان يحسسني ابدا بوجوده،غير هيك بغار عليي من الهواء الطاير،واذا تزاعلنا كان على طول يروح يحكي لامي او لاخواني،يعني حتى ما بحاول يحلها هو،،جميع هذه الامور والاحداث خلتني اكرهه كتير لدرجه اني بطلت اهتم بحالي وصرت انطوائيه وما بحب اشوف حدا ولا حتى يجي عندي حدا على البيت،،
تمنيت لو اني طلبت الطلاق قبل ما اجيب اطفال،،لكن فكرة الطلاق كانت صعبه بالنسبه الي وعشان كنت صغيره بالعمر ما كان عندي وعي كامل،،وهاي طبعا غلطه كبيره انا بدفع تمنها.
طبعا صار خلافات بينا كتيييير وعلى امور تافه يعني اذا اخوه ناداني باسمي،بزعل وببطل يحكي معي لانه بغار عليي،،واذا كنا ماشيين بالسوق لازم يكونوا عيوني بالارض،،لدرجه انه صار عنده شك،بحكيلي انتي بتحبي زوج اختك!!بس لاني حكيتله انه زوج اختي رجل محترم ومعاملته منيحه مع اختي،،وانا من النوعيه الكتومه كتير،يعني مش ممكن احكي لامي اللي بصير معي،ووالدي متوفي من زمان،،انا الان بحاله يرثى لها،وصلت لمرحله اني مش قادره اشوفوا،،شو الحل افيدوني..