اليكم تفاصيل مكالمة لبنانية اتصلت بالخطأ على اردني كركي

29-01-2022 08:33 PM

زاد الاردن الاخباري -

اتصلت فتاة لبنانية بالدكتور عبد الرحمن الشمايلة ، وشرح لها الاخير الاوضاع التي وصل لها الاردن بعد التعديلات الحكومية الاخيرة .

وتاليا تفاصيل المقطع الصوتي الذي دار بينهما:

دلال ... مرحبا بونجور .

عبد .... وشوه ماجور هاض .

دلال .. معي الدكتور عبدالرحمن الشمري اخصائي التجميل ؟.

عبد. لا والله يبنت آخي انا الدكتور عبدالرحمن الشمايلة اخصائي حجابات ومركبات فضائية وفch طلاسم .

انتي منتني انتي؟ .

دلال شو يعني انتي منتني انتي ؟.

عبد... يعني مين انتي بس بتجي ضمير ملزق في بعض خية .

دلال .. اه انا دلال من ليبنان ومخربطه بالرقم مسيو .

عبد... هسا انتي لبنانية لبنانية ولا لبنانية ؟ .

دلال ... اه لبنانية من لبنان .

عبد... والله ومليون نعم من اخوانا اللبنانية .. والله يا بنت أخي على قد ما بنسمع عن مشاكلكوا في في لبنان على قد ما بنتمى تجوا علينا ... ما البلد صارت عبارة عن كوكتيل بس ناقصها فراولة .... يعني لو طلبتكي بتوافقي .. انا كركي من الكرك .

دلال .. مش عارفة بس انو حياتكم بالاردن صعبة بس بلدكم حلو كثير .

عبد .. اه والله بتهطل هطل ..والله اذا بتوافقي الا اوخذكي على اماكن في لبنان والوطن العربي ما بتشفيها .

دلال .. احكيلي وين بدك تاخذني ..

عبد ... اول ما نخطب بنوخذكي على محمية الاقراض الزراعي .

دلال ... ليش انتو كم واحد بدكم تخطبوني ..

عبد ... يغيه ... انا لحالي بس احنا الكركية بسولف بصيغة الجمع .

دلال ... اه وبعد الخطبة .

عبد ... بوخذكي على متحف صندوق المرأة .

وبوخذكي على وادي القروض تحضري لحظة الغروب واشعة الفواتير .. قصدي الشمس.. وبوخذكي زيدا على مدرج الديون ..هاض مدرج كل العشاق عنا في الاردن بقعدوا فيه

دلال .. اوك وبعد الجيزة وين بدك توخذني...

عبد .. ان شاء الله على معهد المعونة الوطنية ... واخيرا على سينما المحكمة الشرعية ... اما في جناح لفنان تشكيلي بعرض افلام قصيرة عن النفقة ومشاهدة الاطفال وكانها اشي طبيعي ...هاي كلها افلام حازت عنا بالاردن على جائزة نوبل للهمطان.

دلال .. حلو كثير .. شوقتني لبلدكن ...

عبد انتي من وين من لبنان ..

دلال .. انا من البقاع ..

عبد .. يغبرانه احنا في الكرك عنا كمان منكقة البقيع .. شنار معه محورين ما بقدر يهدي فيها .

دلال .. ماشاء الله حلو كتير .. سمعت انو جايكم منخفظ هادا الاربعاء ..احكيلي عن الشتاء ببلدكم حلو زي عنا بجل الشيخ .

عبد ... اه والله زاكي شثير .. مافي قارص ...هاض احلى اشي فيه .

عبد يخية يا دلال .. ودي اسألكي ما انحلت مشاكل الوزراء عندكو في لبنان ...

دلال .. والله ما بتابع السياسة .

عبد .. احنا كل ثلاث اشهر تعديل وزاري .. عشان الشعب ما يزهق .. الوزير بقعد اسبوعين بنشف وبوخذ تقاعد وبموت لحاله .

عبد .. طيب اجي عليكو على لبنان .. واتاكي ولا ما واتاكي .
دلال ..شو انت بتحكي ياباناني .

عبد .. يعني ودكي ولاما ودكي .

دلال .. ليش انا فهمت الاولى حتى افهم الثانية .

يعندي بدك ولا بدكي

دلال .. ياريت بنرحب فيك وبكل الشعب الاردني الحبيب .

عبد... علواه اهاجر عليكو لانو نفسي اجرب مرارة الغربة عنه طبني سكري من حلاوة الوطن ..ودها بخت ..

دلال ... معلش مسيو عبدود هلا صار لازم اعمل الاكل لبستي وفيني فل بعد ازنك

عبد ... الله معكي يا بنت اخي ... يعطيكي العافية ودها تسوي امل لقطها واحنا هان هامطنا البرد والجوع.. الله معكي خية ..سلمي على سنيوره .