فريال يوسف تكشف عن المرض الخطير الذي أبعدها عن الفن

فريال يوسف تكشف عن المرض الخطير الذي أبعدها عن الفن

زاد الاردن الاخباري -

أعلنت الفنانة فريال يوسف خلال لقائها مع برنامج (الحياة اليوم)، عن سبب غيابها عن الساحة الدرامية منذ أكثر من عام، قائلةً: "لما اتنقلت للمستشفى يوم 16 نوفمبر 2018، كتمت على الموضوع تمامًا وحتى عيلتي مقولتلهومش، عشان مكنش ينفع أخضهم، هما عايشين في بلد تانية، فاتحجزت 10 أيام في المستشفى، وبدأت رحلة العذاب".

وأوضحت أنها لم ترد حينها أن تكشف عن هذا المرض، ولا عن تفاصيل رحلة علاجها منه، التي قضتها بين مصر وألمانيا، لأنها تراه أمرًا شخصيًا، على حد تعبيرها، مؤكدةً أنها الآن عادت إليها صحتها بنسبة 80 %

وتابعت يوسف: "الحمد لله بقيت بنسبة 80 % أحسن، ورجعت لشغلي، لأن وقت المرض مكنتش قادرة أعمل مسلسلات، لأنها بتاخد وقت كتير".

وأوضحت أنها رفضت المشاركة في بطولة مسلسل (القاهرة كابول)، قبل (ورا كل باب) بسبب هذا المرض، مضيفة: "رغم إني مبحبش أرفض أعمال بس كان ضد إرادتي، والدكاترة كانوا منعوني إني أنزل اشتغل وسمعت كلامهم، والحمد لله بمجهودهم ودعوات أهلي بعد ما عرفوا الحمد لله خفيت".

وواصلت: "اخترت التكتم على الموضوع واتعالجت من سكات، وفضلت شهور رايحة جاية على بره، والحمد لله دلوقتي رجعت للمسلسلات، ومستعدة أرجع أقوى من زمان وأقدم حاجات أحلى من اللي قبلها".

واختتمت: "عايزة الناس تشوف فريال دايمًا في أفضل صورة، مش عايزة الناس تشوف فريال اللي بتشتكي من حاجة أو عندها حاجة، الحاجات دي بخليها لنفسي، لأن الناس عندها فعلا مشاكلها".

---