خسارتي لأعز إنسان أثر على حياتي

زاد الاردن الاخباري -

السلام عليكم ...
اول شي نشكر زاد على هذه الزاويه والقائمين عليها ..

مش عارف شو بدي اعمل محتار وياريت تساعدوني فيها ..
اول شي انا شب ب 27 من عمري عندي اصحاب ويلي حولي كتيرين والحمد لله …من سنه توفت ماما الله يرحمها ما عم اقدر انساها بالمره بالاضافه انو عم اشعر بالوحده كتير كتير وبالاخص انو عايش وحدي بالبيت الفاضي ..
صعبه واخسرت كمان اعز انسان ع قلبي هالشي اثر بمجريات حياتي هالسبب هدا خلاني ابعد عن عن كل شي بدنيا مو بس هك صرت عم عاني من قله نوم باختصار انا ما بنام بالمره يا دوب ساعه ونص يلي بناهم كل يومين وان كترت بطبشها لساعتين دائما باستمرار بفكر بيلي خسرتو بحياتي ..

صرت اتمني متل الخلق نام واقعد متل الناس ما بعرف لا ليل ولا نهار هالشي مخليني قلق كتير.. الحمدلله انا عندي شغل وبحبو ومخلص ل ئلو وترقيت اكتر من مره والمشكله كمان انو حتى بشغل من بظل فكر كتير وبخطء بشغل ب اكتر من مره وبرجع بصلح خطاي بس انا تعبت بدي انسى كل شي والمشكله اكبر انو انا بقطع بصلاه كتير ..

 

يا ريت تساعدوني ويشكركم كتير ..