بالتفاصيل: معركة محمد رمضان ووليد منصور تصل إلي النيابة العامة اليوم

بالتفاصيل: معركة محمد رمضان ووليد منصور تصل إلي النيابة العامة اليوم

زاد الاردن الاخباري -

نفّذ الفنان محمد رمضان تهديده وتقدّم محاميه صباح اليوم ببلاغ إلى النائب العام المصري، ضد وليد منصور منتج فيلم "البدلة" للنجم تامر حسني، بسبب ورود عبارات داخل بيان الأخير بحق رمضان، اعتبرها المحامي تتضمن "سبًّا وقذفًا"، وهي جنحة يعاقب عليها القانون المصري بالحبس والغرامة.



وعلم  أنّ محامي محمد رمضان توجه بالفعل إلى النيابة العامة المصرية صباح اليوم السبت، لاتخاذ الإجراءات القانونية بحق المنتج وليد منصور، بعد سب وقذف موكله عبر صفحته الشخصية على موقع الفيس بوك، مؤكدًا أنه سيطالب بالتعويض المدني لما ورد في البيان من عبارات تسيء إلى شخصية رمضان.



يُذكر أنّ المنتج ومنظم الحفلات وليد منصور، أصدر بيانًا يردّ فيه على الفنان محمد رمضان، بعدما أرسل الأخير بيانًا للصحافيين يكذّب فيه إيرادت فيلم "البدلة"، ويستهزئ من وليد منصور، وكتب منتج "البدلة" عبر حسابه الشخصي بموقع الفيس بوك قائلًا: رساله موجهة من المنتج وليد منصور إلى محمد رمضان، وصلني إنك بتبعت رسائل من تليفونك الشخصي تتهمني فيها بتغيير أرقام الإيرادات، مكنشِ نفسي أرد على شخص زيّك رمز للإسفاف علشان مخرج العمل ومنتجه أصدقاء محترمين، بس إنت زوّدتها قوي يا حمادة.



وأضاف: أولًا إنت اسمك لازم كل مصر تغيّره لمحمد مرضان، لإنك بتفكرني بالمجانين اللي ماشيين في الشارع ومش عايزين يصدّقوا إنهم مجانين، فارتاح يا حمادة محدش عاقل هيصدّقك، عمرك ما كنت رقم ١ في الإيراد، وعمرك ما كنت أحد نجوم الصف الأول، وإنت عارف إنّ السبب إنّ فنك هابط يا مرضان، وملامحك للأسف متعرفش تعمل غير دور المدمن أو البلطجي أو إرهابي أو حرامي، أنا كان نفسي متكلمش عنك لأنك أصلًا بالنسبالي وبالنسبة لكل الشعب الراقي المحترم أكذوبة، وإنت عارف كويس إنّ أفلامك طول عمرها بتفشل قدام النجوم المحترمة، زي السقا وعز وتامر، وأستاذ عادل إمام، نصيحة يا مرضان روح إتمرن تمثيل بدل ما انت أداءك واحد في كل أدوارك.



وتابع : يابني إنت طبعًا هتموت عشان مش عارف تشتري فيوز (مشاهدات) زي أغانيك الهابطة، فمفضوح قوي قدام الغلابة اللي مصدّقينك اللي بينقرضوا واحد ورا التاني، يا ولا قسمًا بالله لو لقيتك بتهرتل على أيّ حد تاني هيكون ردي أعنف من كده، وأصلًا أنا لسة مخلّصتش ردي، إنت هتموت من الغيظ عشان البدلة علّم عليك ولسة هنعلّم أكتر، وإنت عارف هتتمسخر إزاي الفترة اللي جاية، زيّ ما اتمسخرت فكل أفلامك اللي فاتت.