قهوة "زاد الأردن" .. ما ردة فعل أم عواد عند قدوم المرأة المحتاجة؟!!
صباحكم سعيد
زاد الاردن الاخباري -
صح النوم يا ابو عواد .. اعرفنا انو صحي من النوم متل الغزال ليخلص من نق مرتو ، ودق الباب فجاة ، خلينا انشوف مين ع الباب ...
أبو عواد: روحي شوفي مين يا ام عواد .
أم عواد : أصبحنا وأصبح الملك لله ..
أبو عواد : انت بدك تقلبيها دراما يا ام عواد ...
أم عواد : هيني قايمة افتح طول بالك بس ..
أم عواد تذهب لفتح الباب ,, وترى سيدة كبيرة في العمر ،، تحمل طفلة صغيرة ,, تفاجات أم عواد من المنظر ، وسألتها المرأة: آسفة جدا ع الإزعاج ... موجود أبو عواد ..
أم عواد ,, بلعت ريقها وحكت : مين حضرتك بالله ,,,وهي معصبة طبعا .
المرأة : انا وحدة محتاجة بساعدني ابو عواد ونحرقت الدار الي انا فيها وجاية أشوفوا... وصارت تبكي يا حرام ...
أم عواد: اتفظلي يا ختي انا مرتو ،،
أبو عواد أجى بسرعة ع صوت المرة ,, ونادى ام عواد ،، واجتو بسرعة وسألها : مين الي أجى ؟!
أم عواد والدمعة بعينها : سبحان الله يا ابو عواد ,, كنت حابة اروح عند المرة وهيها اجت لعنا .
أبو عواد مستغرب : أجت شو جابها من الصبح.
أم عواد بينت انها متعاطفة مع المرة ،، وسبحان الله مغير الأحوال ،، حكتلو : يا زلمة دارها انحرقت ،، تعال شوف قصتها ..
يعني الله يعين الناس ع بلاويها ,, صباح الخير .. قراء "زاد الأردن" الاحد بنكمل معكم اتحملونا