"قهوة زاد الأردن" .. أم عواد خارج المنزل وأم وليد تحاول دخول منزلها
صباحكم سعيد
زاد الاردن الاخباري -
اعرفنا من قهوة امبارح أنو ابو وليد وأبو وليد راحوا ليطنوا ع ام عواد ، وبعد ما وصلوا دقوا الباب وما لاقوها ، غريب وين راحت ، خلينا انشوف :
ام وليد بعد ما راحت ايدو من الدق : شو يا ام وليد ،، وين أم عواد ممكن اتروح ،، غريبة والله
أم وليد: والله علمي علمك، مع انها ما ابتطلع مكان ،،
ابو وليد: كيف طيب بدنا نعرف ،، وين راحت..
أم وليد: طيب خلص خلينا انروح عاد .. وبكرة بنشوف ،، يمكن راحت ع ام غسان ،، بس لا ما بتوقع ، نفسية أو عواد الها كم يوم مش بزيادة ..
أبو وليد: لا يكون هي فالدار وصارير معها اشي ..
أم وليد: آآآآآآآآآآآآآآه والله جبتها ، بعد ما اغمي عليها خايفة اتكون صاير معها اشي .
الله يستر معقول أم عواد في البيت وصاير معها اشي ،،
المهم بدخل أبو وليد وأموليد ع الحوش وبوصلو المدخل الرئيسي ، وبالأخير ولحسن حظ أم وليد بتلاقي شباك المطبخ مفتوح ..
ابو وليد: يلا نطي يا ام وليد خليني انشوف شو القصة ..
أم وليد بترفع ثوبها وبتحاول تنط ،، وفجأة ابتسمع صوت من ابعيد: ام وليد شو ابتعملي هون ولويش بدك اتنطي ,,
طبعا أبو وليد جفل ,, وحكى : الله يسامحك يا ام عواد والله خوفتينا عليكي ، دقينا الجرس وما رديتي ، وخفنا عليكي ..
أم وليد: الله يسامحك ، كنت بدي انط اشوف شو صار معك ، والحمد الله ما في شي .
ام عواد : كنت بالحوش ورا والله ، زهقانة حكيت خليني القط مرمية ، قبل ما يجي ابو عواد.
أبو وليد: حكيت معاه ومبسوط عند اختو ام سلطان وناوي يجي هاليومين.
أم عواد انجنت يا حرام وبدها تعرف ليش جوزها ابو عواد لهسا بالمدينة وهو فعلا متجوز ولا لأ.. وحكت : آه مهو حكى معي وطمني ,, طبعا لا حكى معها ولا اشي بس ما بدها تبين انو في اشي قدام ابو وليد وأم وليد..
المهم ابتعزم أم عواد ابو وليد وأم وليد ع كاسة شاي ..
بدخلو عندها .. بكرة بنكمل الحوار ,, صباحكم سعيد