ريتا حرب: علاقتي بابنتيّ استثنائية لأنني ربيتهما وحدي

ريتا حرب: علاقتي بابنتيّ استثنائية لأنني ربيتهما وحدي

زاد الاردن الاخباري -

عبّرت الفنانة اللبنانية ريتا حرب عن سعادتها الكبيرة بالمشاركة في مهرجان الجونة السينمائي، مشيرة إلى أنها تعتبر وجودها في مثل هذه الفعاليات الفنية فرصة ثمينة للتلاقي مع زملائها من مختلف الدول ومتابعة أعمال جديدة ومتميزة.

قالت ريتا حرب: «مبسوطة كتير أنه عم بكون موجودة بمهرجان الجونة، لأنه في كتير مهرجانات بيكون وقتنا ما بيسمح، فبزعل لأني بحب شارك بالمهرجانات، وبحب هالجمعة الكبيرة ونشوف أعمال غيرنا ونجاحات غيرنا، ونتلاقى ببعضنا كمان بكل بساطة ونتلاقى فيكن كمان كصحافة».

وأضافت: «لما بيكون في شي معاكس وقت مهرجان معين بزعل، بس الحمد لله هالمرة قدرت كون موجودة».

تحدثت ريتا حرب عن عملها الفني الجديد، موضحة أنه تجربة مختلفة عن أعمالها السابقة من حيث النوعية والأداء. وقالت: «هلا في عمل جديد، مسلسل طويل معرّب، وكممثلة هو شي جديد لأني بمثل لأول مرة عمل كوميدي، وهو رومنتيك كوميدي، بس طريقة التمثيل مختلفة».

وأشارت إلى أن العمل يحمل عنوانًا مبدئيًا «أنت أطرق بابي»، وقد يتم تغييره لاحقًا، لافتة إلى أنه مأخوذ عن النسخة التركية التي تحمل الاسم نفسه. وأضافت: «المسلسل المعرّب تجربة بحبها كتير، خصوصًا أني بحب الدراما التركية، وما عندي أي مشكلة فيها، لأن هالمسلسلات طويلة بس ممتعة، والعالم بتحبها، وحتى لو أوقات بتحس بطول الأحداث، بتضل ناطرة تعرف شو بيصير بعدين».

وأوضحت أن المسلسل يتميز بإدخال شخصيات جديدة وخطوط درامية مختلفة تجعل المشاهد في حالة ترقب دائم، مضيفة: «المشاهد ما بيزهق، وبيضل ناطر للتسعين ليعرف شو عم بيصير، وهالمرة ما قدرت سافر معهم، بس ناطريني بإسطنبول لأني راجعة أكمل التصوير قريبًا».

تحدثت ريتا حرب عن علاقتها القوية بابنتيها، مؤكدة أنها علاقة استثنائية مبنية على التفاهم والود. وقالت: «كل أم بتحب بناتها، والبنات بيحبوا أمون، هيدا شي طبيعي، بس عندي علاقة شوي زيادة مميزة لأنه ربيتن لحالي، وبما أني عمري قريب لعمرهم، صار بينا رابط قوي».

وأضافت: «كنت أقدّم برنامج "عيون بيروت" على قناة Orbit، وكان برنامجًا متنوعًا، ومن خلال الضيوف اللي كانوا من مجالات مختلفة تعلمت أكتر كيف ربي بناتي بطريقة صحيحة، فبحس أنه هيدي نعمة، وأنا فخورة فين كتير، وبقلن دايمًا بحبكن كتير».

وفي ختام اللقاء، عبّرت ريتا حرب عن تقديرها الكبير للفنانين المصريين أحمد زكي وعادل إمام، قائلة: «بحب كتير أحمد زكي، الله يرحمه، وبحب كتير عادل إمام، الله يطول بعمره».

وعند سؤالها عن الشخصية التي كانت تتمنى رؤيتها في المهرجان لو كانت على قيد الحياة، أجابت: «لو كان معنا، يبقى أحمد زكي، مش عارفة هيقول إيه، بس بتخيله لابس البدلة وبيعمل النظرة دي».

واختتمت حديثها بتوجيه الشكر قائلة: «شكرًا، بحبكن كتير».

---