احب طليقتي

زاد الاردن الاخباري -

أعزائي القراء بتمنى أنكم تخففوا عني مصيبتيي لكن بدون تجريح

تتلخص مشكلتي انه صار خلاف بيني وبين زوجتي السابقه كان خلاف كثير بسيط بس ما بعرف شو الي صار روحت انفعلت وطلقتها وتركت الدار وقعدت عند أصحابي مدة اسبوع لم اسأل فيها للعلم أنا بغربه بس هون المشكله طليقتي كانت حامل بالشهر السابع ومن كتر ما انقهرت ولدت والله ما كان يخطر ببالي انها اتولد وتنتهي عدتها خلال ٥ ايام وتصير محرمه علي و لازملها عقد ومهر جديدين
أنا بحبها كثير ولو لفيت الدنيا كلها ما رح ألاقي زيها بأدبها وأخلاقها وجمالها والاقي مثلها ست بيت وتتحملني والله اني حاس هلا بندم ونفسي ترجعلي بس هي رافضه و مو قابله فيه لأني جد اهنتها بطلاقي لالها ومو حاسه معي بالأمان صحيح انه انفعلت بس والله هلا ندمان وخصوصا لما انزلت عالاردن وشفتها بالسوق حسيتها ملكت جمال و صرت اكل أصابعي من الندم معقول هاي كانت عايشه معاي وما كنت حاس بجمالها غير هلا معقول ضيعت بنت متل القمر عشان لحظت غباء مني والله من كثر التفكير لا بأكل ولا بعمل اي نشاط الندم ماكلني ومش عارف شو اعمل خايف تتزوج حدى غيري بعرف اني اناني بس مو قادر أوقف عن تفكير فيها وعن الايام الحلوه الي قضيناها مع بعض