زوجي أم حبيبي؟

زاد الاردن الاخباري -

أنا سيده أبلغ من العمر ٢٨ سنه، متزوجه منذ ٧ سنوات وزوجي يبلغ من العمر ٣٣ سنه، ولدينا ٣ أبناء، تزوجنا عن حب ولكن مع مرور السنين اكتشفت أنني لا أحبه ولا أستطيع أن أحبه مع أن زوجي شخص رائع ومخلص وملتزم ويحبني كثيرا ... و زي ما بيقولوا ألف بنت بتتمنآه، و مو مخلي إشي ناقصني، لأنو مفكر إنو أنا بحبه زى ما بحبني. من بعد مولودنا الأول بلشت المشاكل بيننا، و حياتنا صارت متوتره، فانا بطبيعتي لا أجيد التعامل مع أبنائي وهذا يسبب الكثير من المشاحنات بيننا.

بعد كم سنه من زواجنا سافرنا إلى بلد مجاور بسبب طبيعة عمله، و مع الوقت صرت اوعى عالدنيا و شفت الحياه زى ما بقولوا، تغيرت شخصيتي و متطلباتي، صرت أشوف إني تسرعت لما وافقت على الزواج ....

و في يوم تعرفت على شاب عن طريق إلفيس بوك من تقريبا ست شهور، حبيته من كل قلبي و حبني، و عم فكر فيه طول الوقت، بنحكي تقريبا كل يوم إما عال شات أو بالموبايل, و لما يكون زوجي بالشغل بنحكي بالساعات، بس و مع كل هاد ما إلتقينا إلا مره وحده. وصرت بكره زوجي حتى أولادي ما بتحملهم، و صرت أتمنى خروج زوجي لشغله حتى أحكي مع حبيبي.

في البدايه كنت أحس نفسي عم بخون زوجي، إلي ما عمره إطلع على بنت أو حكى مع غيري، و مع مرور الأيام صارعندي قناعه إنه إلى بعملو حقي و أنا لازم أحب، و كل ما أقرر أطلب الطلاق بفكر بأولادنا و بزوجي لأنو مريض و وضعه صعب شوي، و غير هيك إنو الشب إلي بحبه لسة مو جاهز من الناحيه الماديه، و زوجي كلما يشعر أني لا أكن له أي مشاعر أو أني أبعد عنه بتقرب مني أكثر لأنه بفكر أني بحاجة إلى الحب ... و هاد الشي بعذبني أكثر و بصعب انفصالي عنه... و صار دايما بتمنى أحكيله كلام الحب مثل ما هو بحكيلي أو حتى أحسسه بحبي بس أنا ما بقدر مع إني بحكي شعر مع الشخص إلى بحبه ...

محتارة و حاسه حالي مو عايشه و مو عارفه شو أعمل...هل أنا خائنه ؟ لا أعرف الجواب! محتارة بين حبيبي وزوجي وأولادي ،،، ساعدوني أرجوكم ، بآراء غير متحيزه.