خطيبتي تقارنني بخطيبها السابق

زاد الاردن الاخباري -

أنا شاب عمري 29 سنة، قبل 7 اشهر تعرفت على صبية وكانت مخطوبة لشاب من بلدي وبعد فترة تركو. وانا وياها تعرفنا على بعض فترة شهرين وبعدين تقدمتلها بشكل رسمي وخطبنا.

صرلنا 5 اشهر مخطوبين وانا بالمرة مش منقص عليهاشي وشو ما بتتمنى بجبيلها حتى قبل ما تطلب مني وما بعجبها ودايما بتبينلي اني مقصر فيها. وانو الشب الي كان خاطبها قبلي احسن مني. انا مقصر بحقها وهو ما حارمها من اشي. مع اني والله حاطيتها بعيوني وشو بتتمنى كل بنت واكتر بجبلها، خايف تكون بعدها بتحب خطيبها الاول عشان هيك بتضل تقارن بيننا وعشان هيك بتحس انو هو احسن مني واكرم مني. مش عارف ايش اعمل عشان اخليها ترضى وتحبني متل ما بحبها. من غير ما تقارني بخطيبها الاول لاني عنجد بحبها وما بقدر اعيش بلاها.