اللي عندو حل لا يبخل علي

زاد الاردن الاخباري -

السلام عليكم ورحمة الله

هذه اول مره اشارك في هذا القسم وحبيت استشيركم واطرح عليكم مشكلتي واتمنى انو احد يجد لي الحل.

انا الحمدلله أملك بيت من سنة ال95 البيت حلو كبير وكانت المنطقه اللي أنا ساكنها تقريبا شبه فاضيه.

المنطقه هلأ طبعا مليانه بيوت وعمارات وصار الكل يأجر.
المهم مشكلتي هلأ خفيفه بس كمان شهر لما انصير نفتح الشبابيك ونطلع على البلاكين بشوف العجب.

بالعماره اللي وراي وحده مطلقه كل يوم بتضرب ولادها وبتضل اتسب عليهم وعلى ابوهم وصوتها معبي الحاره وشباكها على غرفة نومنا (أقسم بالله كنت احزن على ابنها من كثر ما أكل قتل)
جيراننا من ناحية المطبخ ما بعرف شو جنسهم بس لهجتهم عراقيه والله وكيلكم الزلمه دايما مشوب بالملابس الداخليه وعلى بلكونتهم وصوته عالي كثير حتى لما بحكي تلفون بكون سامعه.

يعني لا بنعرف نقعد عبلكون المطبخ ولا مرتي بتعرف تنشر الغسيلات.

جيراننا اللي قبالنا دايما يحطو كياس زبالتهم جنب كراج البيت والله ما بعرف ليش؟؟

وكل ما أحكي مع الختياريقولي هذول اولاد ولادي وبصراحه بستحي منو قطعة الأرض اللي جنبنا بلش صاحبها يحفر فيها لسه ببلش بنى قولو الازعاج ما بلش عالمزبوط.

الله وكيلكم كنت حاطط عالبرنده مدخل الدار كراسي وطاولة سامبا (هاي الشتويه انسرقو) صدقوني مو زعلان عليهم بس زعلان ليش؟ وكيف الوقاحه انو يسرق من الدار في إلي جار قبالي وعندو ما شالله بيت حلو بضل يراقب فيي (في صلة قرابه بعيده شوي) وشو ما أشتري بسألني شو اشتريت وشو جبت وبكم اخذتهم ووو على الرايحه والجاي صايدني والله هالسكنه قرفتني وولاد الحاره مثل القرود ما خلو زيتونه عحالها. المشكله اذا بدي أبيعو وين بدي أتلطم أنا و5 ولاد وإمهم

بالله عليكم اللي عندو حل ما يبخل علي