بلاشوا توقعات !!!!!

الأردن على موعد يوم الأربعاء بمنخفض جوي مصحوب بخير وبرق ورعد وثلج ..
حرام عليكوا دخلتونا بالحيط من كثر التوقعات على الشاشات.
وكل منخفض أكبر من يلي قبله وما شفنا إشي عبر الأجواء لوين الله العليم.
والمصيبة بعدهم بتوقعوا ونحن بناظر قدوم منخفض يعيد التوزان للبشر والحجر والشجر وربكم كريم ننتظر ونتجهز ومنجهز متطلبات المنخفض عدس وبرغل وفجل وبصل وخبز مشروح وكرابيج وعوامه وهريسة بتعرفوا السهر بعبور المنخفض رعد وبرق هيك أجواء تحتاج سهرة ليلية وصوبة ومسلسل واخبار يالطيف شو نص الأخبار العربية بتغص البال ارتفاع أسعار تهجير قتل تجويع غلاء حروب وهات كل ساعة اطلاله لمسؤول يالطيف ببرق...
وآخر القول رحل المنخفض معقول غير الاتجاه بسبب الأفعال والأنفعال.
خلص البوشار واسطوانة الغاز والجيبة تعبانه ياليلة فستق مافيش خلينا بتعليلة الدرويش بدون ريش وخبزنا عويص لا فلافل ولا بطيخ خليكوا على الحصيره بس قولوا استغفر الله العظيم يرسل عليكم السماء مدرارا غيث مبارك ..
خلوا الامور بالكتمان بلاش يغير الاتجاه!!!!
تحية للقايش وبورية الجيش والأجهزة الأمنية ومملكتنا والهواشم...
والمرابطين بفلسطين جنود الله على أرض الأنبياء والمرسلين ..
كاتب شعبي محمد الهياجنه

---