زاد الاردن الاخباري -
أكدت الفنانة السورية تولاي هارون عن رصدها لفسادٍ ثقيل في سوريا مشيرةَ إلى أنها قامت بالإبلاغ عنه لمسؤولين الذي ردوا بأسلوب "سخيف جداً" على حد وصفها.
وقالت تولاي هارون خلال مقابلة مصورة إنها:"ستقوم بخطوة لا تحمد عقباها إن لم يُحل ذلك الفساد ".
وتابعت الفنانة تولاي هارون:"هاد الشعب الفقير بدو يعيش، بدو ياكل، ما بيحرق تياب ليدفي ابنو، ما بيدور ع كيلو سكر غالي ليشرب كاسة شاي".
وأكملت: "تعا قلي شلون بدو يعيش أغلى بيوت عالمياً هي سوريا بالعقارات ليش؟ وجدولنا حل".
وتابعت تولاي هارون الحديث::"العالم عم تتقلع من بيوتا، أنا ما عندي بيت، أنا مستأجرة، أنا عم حاول اعمل شغل لأقدر اكتفي، أوجدوا لنا حلاً وين لي هيك عم يصير بالعقارات، راح بيتي وراحت سيارتي".
وأردفت القول: "نحنا رحنا برا البلد انبسطنا ورجعنا هدول الجيل شو، هلق صرت عم فكر سفر ابني”.“ما بكفيني عذاب أنا وحرقة من الناس بعدت عني، شلون بدي سفروا لابني يجيني عذاب تالت".
وعن الأوضاع في سوريا قالت تولاي هارون: "أنت بتصفن هالناس كيف رح تعيش مازوت ولا بنزين ولا ولا شو هاد وجع الشارع".
وقالت تولاي هارون: "يطلع مسؤول متل العالم والخلق يجابهنا، يقلنا يعطينا مبررات نتعاون مع بعض يكون قريب من وجعنا".
وأضافت: "قد ماكان المسؤول قريب من وجعنا إذا ما داق الي عم يدوقوا الفقير لا يمكن يقدر يلاقي حل". وفق (ترند العرب)
وختمت تولاي هارون الحديث: "أنا ما عم لاقي حلول عم لاقي تنظير حاج نحط الحمل على الحرب فهمنا خلصنا عطيني حلول".
ومن أبرز الأعمال الفنية التي شاركت فيها تولاي: "بقعة ضوء"، "خان"، "طوق البنات"، "على حافة الهاوية"، "أشواك ناعمة"، "الصمت"، "التائه"، "الهروب إلى القمة"، "اللحظة الأخيرة".
وشاركت تولاي هارون في مسلسل "الخشخاش"، "كان يا ما كان"، "النخوة"، "كنا أصدقاء"، "عيلة أكابر"، "جواهر"، "سر الكنز"، "البادية السورية" وغيرها.