بضربني على الطالعة والنازلة

زاد الاردن الاخباري -

مرحبا 

انا امراه اردنيه متزوجه من 5سنوات وام لثلاث بنات اكبرهم 4 سنوات واصغرهم 5 شهور. 

متزوجه من شاب غير اردني .تزوجته رغم معارضة اهلي وتحديتهم وتزوجته قد ماكنا نحب بعض .المشكلة انه هو بطبيعته ايده طويلة وبيضرب بشكل اجرامي ومابيحسب حساب لحدا حتى مابيحترم حدا .وبتصير بينا مشاكل كتير تقريبا كل يومين الثالث ومرات بتكون على امور تافه بس هو بيستخدم ايده على طول وبيأذيني ومره من المرات فتحلي رجلي وبيخبطني بأي اشي قدامه ومابيسال حتى انه قدام بناته . وبنتي الكبيره كتير ذكية وبتفهم كتير اللي بيصير لدرجه انها بتقولي ماما اشتريلنا بابا تاني بس مابدي بابا هدا يوخدنا نسافر .وبعد مايضربني تخيلو بتقولي البنت تعالي اعملك مساج ماما عشان بابا كتير ضربك . 

هلا انا مرات لساني طويل وبغلط عليه ومابحترم انه رجال لانه هو بطل يحترم وجودي .غير انه بيصرف كتير على حاله بيشتري اواعي بمبالغ كبيره وانا مابيتذكرني بأشي بالعكس لما بطلب بقطع ايده وبيشحد.ومابحكي 

المهم بفكر كتير بالطلاق بس المشكلة انه رح يوخد بناته ويرجع عبلده واذا رجع صعب يرجع ورح انحرم من بناتي طول العمر 

تدخلوا اهلي كتير بينا بس عالفاضي بيرجع بينعدلو كم يوم وبيرجع بيضرب ووصلت فيه الامور يضربني بالشارع قدام الناس .انا قرفت شو اعمل ؟ ومابدي احمي اخواني لانه والله بيقتلوه قتل م