أول وكالة اخبارية خاصة انطلقت في الأردن

تواصل بلا حدود

أخر الأخبار
إخلاء وزارة الصحة الأميركية بسبب قنبلة .. انخفاض إنتاج السيارات في بريطانيا للشهر الثالث على التوالي رئيس الوزراء السوري يزور محافظة درعا الملك: ضرورة وقف الإجراءات الإسرائيلية أحادية الجانب 11 الف وفاة بكورونا في الاردن الامن العام : بدء العمل بترخيص غرب عمان في منطقة مرج الحمام الاسبوع القادم فحوصات كورونا الايجابية اقل من 5% تسجيل 17 وفاة و 1892 اصابة جديدة بفيروس كورونا في الاردن التوصل لصيغة نهائية لتزويد لبنان بالكهرباء الأردنية مجاهد : ظهور واضح لكوكب الزهرة في سماء المملكة الجمعة تحويلات مرورية جديدة الجمعة ارتفاع أسعار الذهب عالميا اتحادات العاملين في "أونروا" تطالب بتثبيت عمال المياومة أو العقود المؤقتة البنك الدولي يبدي استعداده لدعم الاحتياجات الفنية لقطاع النقل في الأردن وزير النقل : هدفنا رفع سوية الخدمات المقدمة للمسافرين في مطار الملكة علياء الملك يلتقي رئيس مجلس العموم البريطاني ليندسي هويل في لندن الزعبي: 880 مليون دينار دخل الحكومة من النفط سنويا المركز الوطني للإبداع يقيم ورشتي عمل في الجامعات الأردنية أمطار قادمة إلى المملكة والأرصاد تحذر ضبط شخص اعتدى على حدث في الزرقاء
الصفحة الرئيسية مقالات مختارة النواب الكرام ارجعتو من سويسرا

النواب الكرام ارجعتو من سويسرا

29-04-2011 12:52 AM

النواب الكرام ارجعتو من سويسرا
حسان علي عبندة
حمدالله عالسلامة، كيف حالكم، رجعتوا من سويسرا هلاهلاهلاهلا .
كيف سويسرا يا جماعة ايش عملتو هناك ، رحتوا عالجبال والمنتجعات وعملتوا اللازم، نزلتوا بخمس نجوم وحكيتوا للجرسون بنجور، والله يا جماعة انكوا بتجورو انتو، هلا هلا هلا .
حكولنا كيف الرحلة بالطائرة كيف الخدمة انشالله عجبتكو، حكيتوا للمضيفة ميرسي ويسلموا وحياكي الله يا نشمية مشان تحكي عنكوا نشامى مثلها.
صدقوا انو بنضرب فيكو المثل عجهودكو الجبارة الله يكون بعونكو من طيارة لطيارة ومن بلد لبلد يعني ايش بدكم تعملو هيك الخدمة العامة بدها، الله يصبركو.
بالله يا اخوان تحكولنا عن نزلتوكو عالشوبينق انشاله الاسعار رخيصة والمواد التموينية السكر والرز والعدس والشاي والكافيار والعطور متوفرة واسعارها رخيصة، يا اخي في مؤسسة مدنية هناك؟.
صح الرحلة كم كلفت ؟ صح انسيت انو مش عحسابكم ، يعني ترا يا اخوان اذا الحمل توزع بنشال ، يعني من حبراص 100 ليره ومن ذنيبه 100 ومن ساكب ومرو والزنية ويرقا وعين البيضا وحصان ومحنا وغريسا وعيرا وأوصرة والغوير والفرذخ ومنيشير والمزرعة وطيارة وغيرها. يعني من كل قرية 100 ليرة ما حد بشعر بشي.
عسيرة الطيارة يا نوابنا الاكارم طيارة المذكورة هاي قرية في عجلون، أما طيارتكم اشي ثاني، صح أكيد ركبتو بالدرجة المخصوصة ، اه لعاد بالسياحية هو انتو رايحيين سياحة، رايحيين خدمة عامة وتركبو بالسياحية والله هزولت.
عسيرة المزرعة في ناس متشائمين بحكوا انو البلد عبارة عن مزرعة ايش رايكو بالحكي؟ قال مزرعة قال ، يعني شو الي بخليهم يحكوا انو البلد مزرعة مش فاهم، لازم الواحد يقدر انو نوابنا لخدمتنا بروحوا عسويسرا وبلفوها من جنيف لبرن لمونترو لنترلاكن الى لوفانو مشان مين ؟ حكولي مشان مين؟ مش مشاني ومشانك ومشان الملتعن حرسو ومش ملاقي دوا لجدو وطبيب مش مضرب لابنو، ليش المزاودة يعني الشمس ما بتتغطي بحرام ، الجماعة جهدهم أكبر من فهمنا بكثير.
صحيح انشاله انو الميزانية كفتكم؟ لانو انتو بجوز سمعتو انو الميزانية شوي متبهدلة وبتعاني شوية عجز يكفاكو شرو، يعني لو تتكرمو وتقبلو مياومات كام الف بتعملو معروف.
وعسيرة معروف هو الو دخل بطلعتكو ولا بتطلعو خاوه؟ ترا احنا لا تواخذونا هاي الاشياء ملناش عليها ومنعرفش وين قبلة ... .
ممكن اذا سمحتولنا نسألكم ولا نسألكم عن ذنوبكم كيف جبتوا الانجازات ؟ في شوالات أم في أكياس أم في ملفات أم حفظتوها عن غيب، احنا متأكدين انكو حفظتوها عن غيب وأول اجتماع للمجلس على خير رح تنزلوا طس انجازات في سفرة سويسرا.
عنا اقتراح لحضراتكم بخصوص السفرات الجاي، صح احنا ملناش علاقة بطلعتكو وجيتكو بس من فضلكم انكم بتسمعونا، يعني منقترح عليكو التعاقد مع مندوب شركة سياحة وسفر مقيم في المجلس ، بدل غلبة الحجوزات وغيرها ترا كثرة العروض بتحير، المندوب بشرحلكو عن بلاد الله الواسعة وجمالها وبختارلكو أحلى وأجمل المناطق، آه صح المندوب معندوش خبرة بالسياسة، افرض وداكو عمنطقة طلع فيها اضرابات وثورات منتو بجوز سمعتو عن الثورات العربية، المهم نقترح عليكو مع مندوب السياحة مستشار للثورات ، وحتى تكمل صح مش غلط يكون معو مندوب أرصاد جوية ومحاسب وكاتب ومترجم وأمين أسرار وبودي قارد مشان السلامة العامة.
سمعتو اخر الاخبار ؟
تعلن لجنة شباب لواء ذيبان عن تنظيم مسيرة حاشدة بعد صلاة الجمعة في بلدة ذيبان، وذلك للمطالبة بمحاسبة الفاسدين، وللتأكيد على مطالب أبناء اللواء، وأهمها إيجاد فرص عمل في ظل الارتفاع الحاد في نسبة البطالة بين أبناء اللواء
Hassan_abanda@yahoo.com





تابعونا على صفحتنا على الفيسبوك , وكالة زاد الاردن الاخبارية

التعليقات حالياً متوقفة من الموقع