اريد مساعدة ..

زاد الاردن الاخباري -

الاخوة في زاد لو سمحتوا بدى منكم مساعدة انا موظف في شركة بعمان الشركة ل نسيبى طبعا هو المدير العام كنت اشتغل عنده ايام الجامعة شغل ميدانى لما خلصت حكالى تعال كمل في المكاتب وبصراحة ما قصر هلآ في شغلة مزعجتنى جدا الشركة ضمن مبنى والدور التانى شركة ادوية فيها صبايا هلآ المدخل تقريبا مع بعض الى تقريبا اسبوع بكون باب الشركة الساعة 8 مع العلم الدوام 8.30 عشان مواصلات هلآ البنات لما بيجوا بصبحوا علي ... انا برد صباح الخير هلآ قبل يومين ردت صبحت الصبية مع العلم والله بعامل الجميع باحترام حكيتلها صباح الخير يوم حلو بس تانى يوم بتفاجأ انو شاب بحكيلى من يوم وطالع ما توقف هون لانو الصبية شكت منك انك بتستناها بس عشان تصبح عليك هلآ الشركة بتكون مسكرة ولما يفتح الفراش الشركة بضل تحت لما زملائى يداومو فا بحكى للشاب انو لو بدى استنى اصبح بس كان بفوت الشركة لما همو يطلعوا على مكاتبهم طبعا هاي الشغلة جد ازعجتنى عمرى 30 سنة ولا حدا حكا عنى في شي عاطل لا سمح الله وبحترم الجميع وطبيعتى هيك مع شباب وصبايا كلام حلو حتى العطلة والله ما استمتعت فيها ضليت افكر شو بدو يصير لانو لو المدير العام عرف هاي كارثة لحال لانو نسيب هاي واحد وثانيا ما شاء الله المحترم لما ينحكا عليه ما بقصروا والمصيبة الاكبر انى ما بنسا المواقف هيك لانو والله مو نيتى اتسلى معها ولا اجرحها ولا ولا ... والله روحت على البيت صرت ابكى وصرت افكر انى افنش اتخيلوا مع العلم لحد هاي اللحظة المدير ما بعرف وبجوز انا مكبرها بس المبدأ انو انحكى والله مش عارف شو اعمل وغير هيك اصلا من زمان ما كنت حابب اشتغل معه لانو نسيب وكلكم مفهومية والله تعبان اذا في مجال تساعدونى بجوز تحكوا هاي كبيرة وانتا غلطت او شي بسيط ما بعرف