بدأت أخشى من الوحدة

زاد الاردن الاخباري -

مرحبا للجميع أنا مشكلتي يمكن بتمثل شريحة كبيرة من فتيات الأردن انا بكل صراحة بنت عمري 36 سنة وما تزوجت لأنه ما في نصيب مع انه ربي والحمد لله اعطاني كل شي صحة وجمال واخلاق ووظيفة وانا ما بكتب هذا الحكي عشان تفكروني اني بطلب الزواج عن طريق النت بالعكس انا هاي الطريقة ما بآمن فيها ولا بصدقها لأنها قائمة على الكذب والخداع بس انا طرحت مشكلتي هون لأني عنجد حاسة بالقلق وخايفة كتيييير من الوحدة في المستقبل هو صح كل شي بإيد ربنا وكل شي نصيب بس انا بشر وخايفة من الأيام الجاي وخايفة لأضل وحيدة طول عمري وما الاقي حدا جنبي لما اكبر كمان شوي ... ارجو من المعلقين عدم التجريح والاستهزاء يمكن مشكلتي ما الها حل عندكم بس اعتبروها فضفضة ودردشة أو اعتبروها قضية مطروحة للنقاش مع العلم اني موظفة وقتي مليان وبحاول اشغل نفسي طول الوقت بس هذا ما ببعد عني الشعور بالخوف والقلق من المستقبل والتوتر الدائم بسبب الخوف من المجهول .