صديقي

زاد الاردن الاخباري -

مشكلتي قد يراها البعض تافهه و لا تحتاج لتسمى مشكله لكن حبيت أخذ رايكم و ما خاب من استشار

مشكلتي ببساطه انو عندي صديق أعرفه من 6 سنوات هو اصغر مني ب 3 سنوات انا عمري 23 سنه ,,
طبعا أعامله مثل أخوي و لا ارقض له طلب ,, لكن هذه الصحبه أشك انها مبنيه على المصلحه حيث انه لما يحتاج اشي برن علي واذا لم يكن يحتاج اشي ما برن ولا بســال طبعا كل اسبوع
تشتعل بينا النقاشات حول هذه الاسباب و دائما يبرر لي و الحجه موجوده انه كان بدو يرن لكن انشغل شوي او ما في رصيد او التلفون مغلق و ان اصحابه هما الذين جاءوا عليه ,,
يعني حتى لو كان حاكي لي انه بعد ساعه بدي امر عليك و جاء احد عليه فهو بطلع معه عادي و لما ارن عليه الحجه موجوده انو في موضوع ضروري او شوي و برجع ارن عليك او بسكر تلفونه لليوم التاني و لما اشوفه بحلف خلص الشحن و انه عادي و انا بكون معصب

طبعا شو ما صار و بدر منه في النهايه راح انسى الموضوع و كأن شي ما صار ,, حتى اني اعتقد انه اصبحت لديه قناعه انو مستحيل انهي او ابعد عنه حتى لو هو كان غلطان ..
طبعا طول صحبتنا انا ما قصرت معه , يشاركه بكل مشاكله و عمري ما رقضت له طلب دائما ما يطلبني مصاري او اي اشي ثاني .... حتى اني سمعت من شباب المنطقه انو اللي بينا مش بس صحبه انو انا مبلي بهذا الولد و ما بقدر ابعد عنه (( تكبيـــد )) الي صارت منتشره بالبلد بكثره
بس انا مااللي ع هذه المواضيع و عمري ما حسبتها هيك ...

طبعا في ايام بكون ما في احسن منه ... بس انا زهقت من تصرفاته و من نظرت اصحابي عندي و اصبح نقطه ضعف اتعير بها