أحلامي البائسه

زاد الاردن الاخباري -

السلام عليكم ورحمة الله وبركاته ...بصراحه أنا حآبه أكتب من باب الفضفضه مو أكتر وأكيد في منكم مارح يعجبوا كلامي ومع هيك رح أفضفض...أنا فتاة عمري 27 سنه متزوجه من سنتين ...قبل ما أتزوج تعرفت ع شب وحبينا بعض وأتفقنا على الزواج وأخد موعد مني ليبعت أهله لكن بآخر لحظه حكى معي وقلي إحنا مو لبعض وخلي كل واحد فينا يشوف حياته أنصدمت كتير وحاولت أعرف السبب بس ما رضي يحكي أي شي ..بعد فتره رجعت رنيت عليه وسألته إزا كان سمع عني شي أو عن أهلي حكالي والله ما سمعت عنك إلاً كل خير بس ما بقدر أرتبط فيكي لإني إزا خطبتك رح أخسر شخص عزيز علي وأكتر من هيك ما حكى ...حاولت أتقبل الموضوع تعبت ومرضت ونفسيتي تحطمت ...بعدين قررت أنساه وأعيش حياتي وبعد سنه تقريبا خطبت زميلي بالعمل وتزوجنا...طبعا أنا قبل ما أخطب وبعد أنتهاء علاقتنا كنت أتفاجىء إنه يضل واقف ع باب البنايه ليشوفني وأحيانا كنت أشوفه وأنا مروحه من دوامي ع باب الشركه بس ما كان يصير بينا أي كلام وأعمل حالي مو شايفته ...وكنت أتفاجىء إنه لهلأ مو ناسيني ...قبل فتره أتصا فيي عالشركه وسأل عن أحوالي وما أعطيته لا حق ولا باطل بس كان بعرف كل أخباري وتفاجئت إنه بعرف إني مو مبسوطه مع زوجي وطلبت منه ما يرجع يحكي معي عالشركه وهددته وكنت كتير قاسيه معه وفعلاً ما رجع أتصل من يومها...هلأ المشكله إنه ما عم يروح من بالي بتذكر كلامه والأحلام اللي كنت اتمنى تصير حقيقه ويمكن اللي بخليني أتذكره إنه مو مبسوطه مع زوجي بضربني وبهملني أنا والله العظيم ما بدي أكون خاينه وأنا ما عمري حكيت مع هداك الشب من يوم ما أفترقنا بس أنا مشكلتي قلبي ما عم بقدر أطلعه منه...بنساه وبنسااااه وبس زوجي يقسى علي ويحطم آمالي بتذكره شو أعمل والله تعبانه ما بحب أفكر فيه ومجرد إني أتذكره بحس بتأنيب الضمير لكن هالشي مو بيدي ...بدي أعيش وأستقر كيف ؟؟؟ يارب منك الهدايه