هل من المعقول ؟

زاد الاردن الاخباري -

بصراحة انا شاب عمري 24 سنة دارس جامعة و بعد ما تخرجت سافرت على السعودية والحمد لله كرم ربي علي بزيد أكثر وأكثر 

طبعا انا الحمد لله بصلي و بار بوالدي والحمد لله واصل لرحمي يعني بحاول جهدي اني أكون انسان مستقيم.... 

أثناء تواجدي بالجامعة تعرفت على بنات لدرجة أنه صار معارفي من البنات أكثر من الشباب بس الحمد لله بحياتي ما كنت الا أخ لكل وحدة فيهم....الا وحدة 

طبعا اتا ما بحكي اني حبيتها بس هي كانات غير عن كل البنات....من أدب لأخلاق لسلوك سوي حتى صا حباتها كلهم بنات بس بحكم التخصص كان لازم تتعاطى مع بعض الشباب و أنا واحد منهم.... 

بصراحة لفتت انتباهي و عشان اختصر عليها وعلي المشاكل و كثير شغلات طلبت منها انها تحكي لاهلها عني لاني بدي اتقدم الها 

طبعا البنت حكت لأمها بالبداية.......طبعا الام كان عندها اعتراض واحد اني لساتني بدرس و مصروفي لسا من أبوي....طبعا انا كنت عارف اني رح اسافر وبالتالي اجلت الموضوع لغاية ما يمر سنة علي هون بالسعودية .... ونيتي هي هي ما تغير عليها اي شي بدي هاي البنت بالحلال 

طبعا طريقة التواصل الوحيدة الي بيني و بينها النت لاني ما بدي اعمللها اي مشكلة مع حد من أهلها....طبعا لا بسمع صوتها ولا بشوفها..... 
طلبت منها انها تحكيلي اذا تغير بشكلها اي شي و ياريتني ما طلبت....انقلبت الدنيا فوقاني تحتاني وكان ردة فعلها الاولى انها اختفت من حياتي من حوالي اربع ايام.... 
انا ما بدي اسأل اي حدا شو أعمل لانو شي بيرجعلي 


بس الي شاغل بالي هل من المعقول اني طلبت شي مش من حقي؟؟؟؟ 

لا تنسو انو بدها تكون زوجتي وانا والله ما بهمني شكلها على قد ما بهمني جوهرها.... 

رجاء من المشاركين تذكر قول رب العالمين ما يلفظ من قول الا لديه رقيب عتيد 
يعني لو سمحتو بدون حكي ما الو داعي 

شكرا للجميع