أول وكالة اخبارية خاصة انطلقت في الأردن

تواصل بلا حدود

أخر الأخبار
اليهود الحريديم يتمسّكون بلاءاتهم الثلاث ويهدّدون بإسقاط حكومة نتنياهو الغذاء والدواء تطلق خدمة منصة بلا دور الامن العام للنشامى: صوتكم في صمتكم أكثر من 70% من المساكن بغزة غير صالحة للسكن إلزام بلدية الرصيفة بدفع اكثر من 15 مليون دينار لأحد المستثمرين وول ستريت جورنال: هدف القضاء على حماس بعيد المنال طلبة أردنيون يقاطعون مسابقة عالمية رفضا للتطبيع القسام: تفجير منزل في قوة صهيونية وإيقاعها بين قتيل وجريح الأردن يرحب بإصدار محكمة العدل تدابير جديدة بشأن غزة لليوم الخامس .. طوفان شعبي قرب سفارة الاحتلال نصرة لغزة الجيش السوداني يعلن السيطرة على جسر يربط أمبدة وأم درمان 2488طنا من الخضار وردت للسوق المركزي لامانة عمان اليوم الكويت تعلن تقديم مليوني دولار لأونروا فرنسا ستقدم 30 مليون يورو لأونروا هذا العام “لن أسمح بالتحقير مني كمسلم” .. روديجر يصدر بيانًا شرسًا للرد على اتهامه بالإرهاب العدل الدولية تصدر بالإجماع أمرا جديدا لإسرائيل الآلاف يؤدون صلاتي العشاء والتراويح في المسجد الأقصى. إلغاء جلسة لمجلس الحرب كانت ستناقش صفقة التبادل الاحتلال يجري مناورة تحسبا لحرب مع لبنان. الاحتلال يستهدف مباني سكنية شمال مخيم النصيرات
شحادين ياحكومة

شحادين ياحكومة

21-02-2020 02:14 AM

شحادين يا بلدنا ... قالوا عنا شحادين نشالين يا بلدنا ... قالوا عنا نشالين
محتالين يا بلدنا قالو عنا محتا لين
عطشانين يابلدنا قالو عنا عطشانين
والحقيقة تتلخص بسطرين ... نحن شوية مساكين
مظلومين يا بلدنا و حياتك مظلومين
عطشانين يا بلدنا ... وتنك المي بخمس و عشرين جوعانين يا بلدنا ومافي لا رز ولاطحين ...
طفرانين يا بلدنا وهيكله الحكومة للرواتب وزياده الدينار ناطرين .... بالحسرة صدورنا مليانين محتارين يا بلدنا ...ليش نشكي محتارين لمين نشكي
أراضيناصارت ان ظل منها شي للبيع كلانا صارت للبيع قلوبنا للبيع حتى. ضمايرنا صارت للبيع .. جرايدنا للبيع .. .. يا بلدنا على أونا .. على دوّي .. مين بدو يشتري من نحن يا أهل المروة ...صرنا للبيع وصرنا نستحي علي حالنا

الكبار ماكلفو خاطرهم يوم يسالونا
ليش منسرق وليش بنبيع وليش بنموت واقفين وليش وليش .. ما سألونا .. بنسرق لأنه سرقتونا .. ليش بنبيع لانه بعتونا وليش عطشانين لانكو بدكو تعطشونا وليش بنهاجر لانه هيك بدكو منا ,وللمر ,بتدفعونا
سرقونا الكبار ... باعونا الكبار الحرامية الكبار.. صنعوا منا حرامية صغار بس قاعدين وحياتكو بنكبر وبنكبر ويمكن نصيرمثلهم كبار ويصير لنا انياب. جوعانين ومساكين .. صغار .. صغار والله بعدنا صغار والصغير اسنانه لبن مابتنهش بعد .بس راح تقسى وتنهش مثل الكبار وماحد احسن. من حد .
وزرا و نواب للبيع ..مدرا ء و حجاب للبيع .. شعرا و كتاب للبيع .. في الاخبار اعداد كبيرة من تجارنا قاموا بتخزين كميات كبيرة من المواد الاستهلاكية والاخرين من المحروقات قبل حلول شهر رمضان للاستفادة من فرق السعر عند صدور القرار المنتظر اعلانه برفع الاسعار واللي تعودنا على مثل هيك قرارات حكومية بدون انذار تسبق التنفيذ لان حكوماتنا الاقتصادية والحافظ الله عجزت عن ترتيب الاولويات ومضطرة نتيجه لتخبط القرارات وفساد السياسات الاقتصادية انها ترفع الاسعار وبتعلن عن الرفع وحفنه من تجارنا بستغلوا الظرف وبشغلو الضمير الفاسد وقت العازة
نعم رجعت الشتوية وانتهىت شتويه الحكومة بسرعة وكانوا يقولوا ايام الزيت اصبحت مسيت لهيك متحسينا بطولها بس حسينا ب مرارتها مافي يوم كامل اليوم قالت اذاعة الحكومة انه عاد النفط من جديد يرتفع سعره والذهب ولع والدولار طالع نازل والسكر صار سعره مثل الذهب حتى علبه السردين ولعت والدجاج طار واللحوم بستنوا ضحايا الحج والعدس باللوج وبعدجارنا بقول بحته ومجدرة وجعده واذان الشايب وكبة مهبله واقراص َالحكومه شملت الخس والخبيزه والبقله والاقلام اللي ماعاد حد يستعملها زمنها ولي وعلب الهندسه َاللوين. بس بالرخص
، والفقير صاراليوم يشوف المي بالقناني والمواد الغذائية والفواكه والحلويات والسكر والشاي والسردين والرز والحليب كل شي مجفف وبالبترينه والمؤسسة اللي انشت لخدمه الغلابى بسعر دكان ابو العبدوغسان وابو قاسم رغم اللعب بالنوع و بالاوزان وسوق الخضرا ماعاد مثل زمان ازمة والواحد مش ملاقي يحط رجله بروح يتفرج الخضرة والفواكه بتخرب بمحلها وماحد شايلها واللحمة كل يوم بسعر والناس بشتروا بالدين لابهم مرض ولا سل ولا انفلونزا خنازيرولاطيور والله الوكيل مش جاسرة تفوت علينا خايفه من هالحال وبتقول محال والعيشه صارت مرة والحنظل والدفله والحرمل صار طعمها احلى

دخيلك يادنيا.... اولادنا بطلت تعجبهم العيشة ضبو شناطيهم وبدهم يرحلوا من البلد حتى ابني بقول له يابا لمين تاركني راح زمن اللي بنقول فيه نرفض نحنا نموت قولولون رح نبقى
وقاعدين بهربوا ومعهم الاحلام والطموح والامال والاحزان للغربه وقلوبنا معهم وكيف بدنا نعيش بعدهم ولمين وعلى مين نستند واشي جد علينا اسمه( البي تولف) صار عزانا بننسى
لكن كيف بدنا ننسى تغيرت الدنيا وصار وقت اللي عامل حاله مؤمن بيكفرك ويتهمك انك منحرف لانك بتشوف التلفزيون و المعارض بيقول لك انك خاين وموالي وياويلك لو مشيت مع مسؤول ولا استدعاك مخفر او حد حتى ليوبخك و الموالي بيقلك انك مش منتمي و اصحابك بين قسموا... شي بيروح تحت الارض وشي بيروح بالسرطان وشي بيروح بلعبة المخدرات والحبوب اللي توزعت بالشمال والجنوب ولكل اللي مامعهم بي تولف
وا شي صار عبد للمال وناس مابتنحسد عاالحال... بلدنا سكرت ابواب الرزق بوجهنا وبوجه اولادنا اللي رجعولها بعد غياب بشهادات وامال واحلام وتحولو لصفوف البطالة وصاروا بوقفوا بالطوابير على باب ديوان الخدمة وبالاخير( كش بره ودبر راسك ) واللي ماله واسطه الله مع دواليبه وصار الواحد منا عصبيته فوق فوق... لابتحمل ابنه ولاجاره ولاصديقه والواحد منا صار لما بعتذر لشخص بالطريق بتصير خروف ولا أرنب.. ولما بتحاول تاخد حقك فانت واحد مشراني.. كولما ما بعرف لوين رح اوصل لبكرا لوين وعيني مو نايمة ولا قلبي لما بتروح المحبة ، الاحساس
وبسرقوا حقك ووظيفتك ومهنتك ونظرك وبيصير العالم غربة والناس طايرة... لما عيشتك ببلدك صارت اصعب من الهم نفسه... ولما جامعة برا بتقول لابنك اهلا وسهلا انا جاي وتارك اهلي ابوي وامي واخوي والبيت والحاكورة والجيران جاي بعد ماسكرت جامعاتنا بوجهي وصارت الرسوم ضرب من المحال والدستور ظل يقول التعليم الزامي للنسا والرجال واولاد الكبار مستثنيين مكارم وهبات ودعم والفقير اله الله وكرت المؤن بلكي بلاقي صدر احن
كلمه حق ياوطن... ماراح يلاقي احن من صدرك ياوطن بلكي جهنم اللي رايحلها اولادنا بتكون احن عليهم... مابعرف. يمكن.... صرنا ببلدنا غرباء وصار الضيف يقول عنا شحادين وصرنا نستاجر السم ونشتري خبز من الفرن وماعاد عندنا قمح ولاطحين وولادنا صارو الصبح يشتهو رغيف ساخن وكاس حليب طازه وحبة زيتون والببور ماعاد فيه كاز حتى صوته يغطي على هوشاتنا وصراخنا ولما نطفيه نتشاهد وبنقول اشهد ان لااله الا الله وبنصير نسمع همساتنا وسناه برسم النا شوارب ولحى ونسينا كلمة شمبر اللوكس والنكاشة وكبريت ثلث نجوم ونسينا البيل اللي بضوي لنا الطرقات بالليل بعد السهرة وسراج وبنوره 4ياسين ونسينا الضحك ونسينا الجوفية وحذر بذر وكمستير ونسيت الصبايا اني اه اني من يجديه سافر سا سافر عالبحرية ونسيت مسيكم بالخير ياعمار العماري ونسينا ونسينا كثير الجوع كافر والعطش كافر والحاجة كافرة وماعاد في مونه ولافزعة ولاعونه... ماعاد يقول لك جارك تفضل ياجار ولا الصديق وين صار لي يوم ماشفتك ومامريت عالدار صرنا نسمع بالعسكر والحرامية وصارت فاتورة المي والكهربا والتلفون شحده والوظيفة شحدة والاكل شحدة والعلاج شحدة وطلع النا قانون المالكين غول بتهدد الملايين... وكثرت الحرامية وانتشر الظلم والجرايم والسرقات ليش يابلدنا ليش... ياناسنا ليش صرنا نشحد ونستجدي الخبزة والوظيفة والدوا والتوصيله وحكومتنا بتطلع فينا وبتقول شو بدكم احسن من هالعيشة... انتم كافرين وجاحدين بالنعمة يارب وين هي النعمة اكيد قلت من لايشكر لايستاهل النعمة بس وحياتك ماشفناها حتى نكفر فيها وانت اعلم..... ملعونه العولمه وملعون التكنولوجيا وملعون المشتري والبايع وماسالونا ليش منسرق .. ما سألونا . ..ليش منبيع .. ما سألتونا .. منبيع لأنو بأعونا !!سرقونا الكبار ... باعونا الكبار ونحنا حرامية دراويش .. صغار .. صغار .. صغار وبعد بدكم منا نبقى ومن اولادنا تبقى ومن شناطينا تهدا على الخزاين وتحتها مابعرف كيف والحالة من سئ لاسوا ، وحكومتنا مطنشة وعامله حالها مش عارفة وانحصر همها بالتغيير وبالتعديل والاستقبال والتوديع وتوزيع لحمة الضحية قبل مايفلو الوظائف على مستحقيها والمكافات على اللي طبلو زمروا وبكره بتيجي حكومة بتلعن اللي قبلها وبتقول اللي قبلي مسؤول. واولادنا بكونو طلعوا وصرنا عالحديدة وبدور الكرسي وبتروح الحكومة وتيجي حكومة والهم بعده الهم يامنترى بنشوف يوم جديد وبنفرح احفادنا ...

شحادين يا بلدنا
شحادين يا بلدنا…قالوا عنا شحادين
نشالين يا بلدنا…قالوا عنا نشالين
نحنا مين يا بلدنا…نحنا شوية مساكين
مظلومين يا بلدنا…ايه و حياتك مظلومين
عطشانين يا بلدنا… و المي بخمس و ستين
جوعانين يا بلدنا… و ما عنا رز و لا طحين
طفرانين يا بلدنا…و بالتعتير مليانين
محتارين يا بلدنا… ليش بنشكي..محتارين
أراضينا للبيع للأغراب يا بلدنا…
جرايدنا للبيع للسفارات يا بلدنا…
ضمايرنا للبيع للجواسيس يا بلدنا..
على اونا…على دوّي…مين بدو يشتري مين…
نحنا يا أهل المروّه مساكين…مساكين…
***
وزراء و نواب للبيع…
مدراء و حُجّاب للبيع…
شعراء و كتّاب للبيع…
كلو.. كلو للبيع…
ليش بنسرق ما سألتونا….بنسرق لأنو سرقونا..
ليش بنبيع ما سألتونا…..بنبيع لأنو باعونا..
سرقونا الكبار…
باعونا الكبار…
و نحنا حرامية دراويش…
صغار…..صغار…..صغار…

pressziad@yahoo.com





تابعونا على صفحتنا على الفيسبوك , وكالة زاد الاردن الاخبارية

التعليقات حالياً متوقفة من الموقع