أول وكالة اخبارية خاصة انطلقت في الأردن

تواصل بلا حدود

أخر الأخبار
الحجاوي : "كورونا" ثقيل الظل وباستطاعته دخول المنازل التي لا تلتزم بالتعليمات وزير الإدارة المحلية: البلديات مستمرة بتنفيذ خطتها لتعقيم المناطق كافة لجنة الأوبئة: لا صحة لإغلاق أي مستشفى تم اكتشاف إصابات كورونا بها تفاصيل الوفاة الخامسة بكورونا في الأردن 348 إصابة جديدة بكورونا في اسرائيل اليابان تحول 100 مليون دولار إلى موازنة الأردن العضايلة : دراسة اصدار تصاريح مؤقتة للحالات الضرورية الصحة: 5 حالات وفاة بكورونا و9 إصابات جديدة الدفاع المدني يتعامل مع ٦١٦٨ حالة مرضية و٣١١حالة غسيل كلى خلال ال ٢٤ ساعة الماضية فتح باب تصدير جميع أصناف الخضار والفواكه الهياجنة: لا إصابات بين مخالطي الطلبة المصابين بالصور .. الملك: بدي أطمن على تزويد محافظات الشمال باحتياجاتها خاصة إربد وأهلها الغاليين علينا جابر: نصنع دواء الملاريا والملك أهداه لـ7 دول عربية إغلاق محلين للمعجنات وتوجيه 6 مخالفات لأخرى في اربد الجيش: إخلاء 3337 من المحجورين اليوم وغدا سيتم إخلاء البقية نقابة المعلمين تتبرع بمبلغ نصف مليون دينار لوزارة الصحة الأمن: ضبط 182 مركبة و 148 شخصا خالفوا أوامر حظر التجول الحكومة توضح آلية إصدار التصاريح الإلكترونية لاستمرارية العمل حماية المستهلك تدعو المواطنين لعدم الخروج من المنزل إلا للضرورة إطلاق صافرات الإنذار إيذانا بمنع كافة أشكال الحركة والتنقل في الأردن
بردان يا جـــــــــدي لفني بعباتك
الصفحة الرئيسية آراء و أقلام بردان يا جـــــــــدي لفني بعباتك

بردان يا جـــــــــدي لفني بعباتك

03-12-2019 11:03 PM

امبارح المسا وانا بفكر ليش تاخر المطر وشو رايح يصير بالارض وتمثلت الي السنابل بترقص ولوتها مثل الذهب والحصادة بتسن بمناجلها ولوح الدراس والبيدر والهيجنه واعاني بتفرح القلب ...تلقيت دعوه قال بدها العشيرة تجتمع وتصدؤ قرارات وماعرفت باي ديوان وباي مضافهبعد ماصار النا اثنين ةعشرين مضافه كل باسمه والخير لقدام وماحد احسن من حدا تذكرت جدي وبديت اهوجس واقول

ياجدي... اشتقت لك وانا ماشفتك بحياتي.... حكوا لي عنك وبعيش على اسمك بحياتي وبمماتي... ياجدي لفني بعباتك بردان كل من طلع من تحتها مثلي بردان ياجدي ....بسالوني عنك ومابعرف شو بدي اجاوب بحكوا لي عنك غرايب وعجايب وانك كنت الاب لكل الحبايب والقرايب ...بتجمعهم برفعه ايدك وبتقضي بينهم والكل بامرك ...دفا وعفا ومحبة وعيشه هنا

واليوم الكل بقول انا . القلب تعبان يابو فايز والصدر ضايق وشابه فيه الحرايق لمين اشكي وماحد سامع... ياشخ ويابو المجاهدين والامرا ...يابو الشهيد ديوانك كان مبارح للملهوف والمستغيث.. للجاي والرايح . مفتوح للضيف والزاير والمار اليوم صار يشتاق للزوار وصحابك بتسال ياجدي عن مرابط الخيل عن السيف والفرس.. بتسال عن بيت الكرم والنخوه ...شو بدي اقول يابو فايز . قلت لهم رحلوا وبيوت العز سكرت ابوابها من بعدهم وصارديوانك ينفتح بالفرح والترح والشيخة تامروا عليها اولادها. وراحت وماعادت الا ذكرى.. والجمعه الحلوة تفرقت صغارها وكبارها وماعاد يتجمعوا المغرب ويسمعو القصص والحكايا.. ولاعادالشيوخ تتسامر وتتامر وتغير وتبدل قضايا ..ولاعاد يملى الدار صوت الصغار ولا تتفتل الصبايا بالدار وجوه مثل المرايا بكل ناحة بالسرايا .

الساحة تغيرت ياجدي وماعاد يعرف طريقها الفرسان ولا الغريب النعسان ..ولا يطرقوا بابها من بعدك ياجدي لا الجوعان ولا العريان ولا البردان ولا اللي انقطع عن اهله واحتار وين بده ينام ولا اللي بدور تايلاقي فطوره بيوم الصيام ..حطوا شبك وقفل عالباب وصدا القفل وتغير لون الدهان والكل بعدك عريان بعد ما راحت عباتك ياجدي وتوزعت عالنسوان ...ز ياجدي بعدك ماعاد الضيف يلفيهم و يلاقي نومه هنية ..ولا عادوا يلعبوا الضيوف بالسيجه و الصينيه ويوكلوا اللقمه الهنية ولا المخشرم والراحة الطرية والفيصليه ولا المنسف ابو لحمه طريه ...يا جدي بقولوا ديوانك طريقه متغير ولون حجاره متبدل ..وبقولوا صارباب الدار ناسي الوجوه اللي كانت دوم تدخل وتخرج منها ...واللي بذكرها بقولوا عنه معتوه ورجعي وعشائري وعتقي .... باب دارك يا جدي كان وبظل الاحلى على العتبه حجار بنتباهى فيها لانها اقدم احجار بالاردن ,,وواحد منها اسود نايم من يوم مارحت ومرتاح فوق اللي رايح واللي جاي وياما من تحته مرق ملوك وامراء وشيوخ وشعرا ومحفور عليه تاريخ ميلاده بس هب الهوا وطير اوراق الذكريات وغيروا شكل العتبه والباب ياجدي بحجة التقدم والعصرنه وبدينا نسال عن الباب وعن المفتاح وعن الديوان وعن بيوت الحريم ومرابط الخيل والابيار .

راحت دار جدي تغيرت فيها العتاب والابواب بس بعد الكل بسال عن اللي سكن الدار وعن اللي حط واللي طار... بسالوا عن عباه جدي عن مفتاح الديوان وعن العجايز والشيوخ والنسوان ومين فتح التبان... ومين عبى الغمر.. ومين زبل الفرن ومين ودى للحراثين ...ومين نشل ميه من البيار... ومين اقرى الضيف وين صا روا وشو جرى وبرددوا قول اللي سبقوهم شو هالزمن ال... وظل شاعرنا ينده ويقول ( كله من ايدينا ياحسرة علينا ضاع المفتــاح وإبواب تبكي على اللى راح ما ظل طعم ولون وقلي شلون.... يابيت جــدي ماتت فيك الافراح ليش الغدر و الحقد عبا الكآس و الآدمي كل يوم عم ينـداس . سامحني ياللي قلت هالابيات

استعرتها منك تااحكي عن بيت جدي اللي راح وماعاد حد معه نسخه من المفتاح ولاعاد بصلاة الصبح الديك فيه صاح وماعاد حد ييجيها إلا بالافراح والاتراح , شو بدي اسولف لك ياجدي الديوان ياجدي.... صار دواوين وعنوان بيتك صار عناوين . ملعون هالزمن ياجدي اللي كل ديك على مزبلته صياح واللي مابعرف الخامين من الملاح... واللي ماعاد فيه الخلق والكرم والتواضع سلاح . ...ملعون الزمن ياجدي اللي صار بيتك مضافات وحجار صوان بعد ماكان ملقى الاصحاب والاحباب ومربط الفرسان.

بخاطرك ياجدي ماظل حد ياجدي كلهم راحو وماعادوا يجتمعوا ولاعاد صوتك يخيفهم ولا يجمعهم ولاعادت الحجه عذرا تناديك ولا صبحة تبكيك ولا جواهر تستغيثب ييك حتى شما وشريفه كلهم راحو راحوياجدي وسكر الديوان وصرنا بريته بردانين بردانين ياجدي ....وعباتك ماعاد عرفنا راحت لمين.. ولا عاد نار موقدك شعلوها ولا قهوتك قهووها... ياجدي,, ياجدي ...خذني عندك بردان ياجدي لفني بعباتك اللي مابدفا غير فيها... ضمني لجناحك اغراب ياجدي صرنا حتى ببيتك من لما رحت الكل تفرق.

يا سامعين الصوت وين الناس صار الأصيل بحارته ســايح عتبان قلبي على البشر كلها.. نسوانها ورجالها وكبارها وزغارها. شايلين حبالها و اللى زرع فينا البلاوى هج وتخلى.... رضيان قلبي بس على اللى تبسمروا بالارض ..ز لافرطوا ولا تورطوا لا داوروا ولا ناوروا فيهم جمال الكون يتجلى ...عتبان قلبي على البشر كلها كله من إيدينا ياحـــــــسرا علينا ...سكرنا بواب المحبه وعلى الغربة تربينا... كنا يا دنيا حيطان وبواب تساند حيطان... بحارة كبكــوبة خيطان ملفوفه علينا ...هجوا ياللى هجوا وعاتبونا وضلوا ياللى ضلوا يحمونا..

أتاري كل شيئ بيشبه كل شيئ تهمونا جنينا وكله من إدينا .... بدنا بيت يسع الكل بلكي يداوينا من الذل ونرجع ناس وما تنداس الكرامه اللى فينا يا حسره علينا ياحسره علينا يا بيت جـدي ضع المفتاح.. ,وبعد ابوابك تبكي عاللي راح .

pressziad@yahoo.com





تابعونا على صفحتنا على الفيسبوك , وكالة زاد الاردن الاخبارية

التعليقات حالياً متوقفة من الموقع