المجتمع الذكوري

زاد الاردن الاخباري -

انا احد متابعي هذا الموقع من ما يقارب السنه انا احمل افكار خاصه بي و لكن قرأتي الدائمه لهذ ا الموقع و لاراء المعلقيين جعلتني اصر على بعض ارائي و لا اغيرها انا فتاه ابلغ من العمر  30 عام اكملت دراستي و معي شهادة ماجستير و اعمل الحمد لله وضعي المادي متوسط يعني بلعاميه مكفيه حال و زياده زيي زي اي شخص عندي احلام كتير بس ممكن مختلفه عن بعض البنات يعني مثلا الزواج و الارتباط عمره ما كان حلمي و لا راح يكون ليش لأنه مش مقتنعه و خايفه من الزواج في ظل الي عم بسمعه لي شخصيتي و كياني و محافظه على نفسي من كل النواحي و حياتي ما فيه اروع منها بس مشكلتي مع المجتمع الذكوري

الكل بيحكي انه البنت زي الورده و  بدها معامله خاصه و  انها انثى بدها رعايه وحنان  بس انا بشوف انه هدا كله حكي  يعني مع احترامي للجميع بعد كل الاشياء الي المجتمع بيعملها بلانثى شو متوقعيين منها يعني اكيد راح يوصل عمرها لل 30 و تبين كبيره اكيد اذا اتزوجت على ال 25 و جابت اطفال و زوجها غلبها و ما دار بالها عليها بعد 5 او 10 سنين راح اتبين تعبانه و كبيره و الله يعينها و زوجها راح يصير يقارنها بلاصغر منها او حتى بلبنات الي متريحيين و مبسوطيين يعني بدكم البنات حلوين و متفهميين و حنونيين بدكم الزوجه اتطبطب على زوجها و تتحمله و تشتغل بره و جوه و ما بدكم تعاملوها بحنيه و عطف و هي بأمس الحاجه لهدا الشي ... بتطلبوا منها فوق طاقتها مع انكم بتحكوا انكم الاقوى و الاقدر على كل شيء بس بتطلبوا منها كل شي ... نقطة  قوتكم انه البنت راح تكبر قبل الشب و انه البنت الي عمرها 35   و مش متزوجه مش زي الشب الي عمره 35 و انه الشب بعمر ال 60 بيقدر يخلف بس الست بعد ال 45 على احسن الاحوال و بعدها بتروح عليها  ... اذا بنت عمرها 30 سنه و ما بدها تتزوج بتحكولها راحت عليكي و لا تتدللي كتير و لحقي حالك و اذا شب  وعمره  45 بتحكوله بعدك  بعز شبابك و موضوعك تمام و بنت ال 20 سنه بتقبل فيك  طيب سؤال شو  المنطقيه بكلامكم و الادهى انه فيه بنات بتتأثر و بتصدق و على اثره ممكن تقدم على خطوه تغيرلها كل حياتها و هدا حرام

بفكر مرات انه الست صارت تقدر تعمل كل شي تشتغل و تجيب فلوس و شخصيتها قويه و جذابه اكتر من كتير شباب هل يا ترى لو اخترعوا شغله بتخلي البنت تستطيع الانجاب لعمر ال 55 و عملوا ادويه و مستحضرات تخليها تحافظ على شبابها و جمالها لبعد عمر ال 50 و اكتر  شو راح يصير بلرجل انا متوقعه انه راح يخسر كتير راح يخسر شغله كبيره و باني عليها قوته 
لا حد يفكر انه انا بحكي هلحكي لأنه عمري وصل 30 و انا مش متزوجه لا لا لا

 المجتمع الذكوري الي بيحكي انه المرأه ضعيفه و عاطفيه و بنفس الوقت بيحملها و بيطلب منها اكتر من طاقتها بكتير و بيقتلها نفسيا و بعدين بلومها و بيحكيلها ليش انتي هيك و ليش انتي هيك
انا حياتي ممتازه و وضعي ممتاز لهيك بقدر اقرر لكن بحزن على فتبات بينجبروا يتخذوا قرارات و هم مش فاهميين شي  شكرا لزاد و لكل المعلقين و بخص بلذكر الاخت شيري و قارئه و المختفيه المتفائله و السيد النمر و الاخطبوط و الجميع