أنصحوني ..

زاد الاردن الاخباري -

اعزائي قراء زاد المحترمين،،،،،،
 
تحياتي للجميع،،،
 
القصة انه انا بحب واحد الشب مو بس بيحبني الشب بيعشقني عشق
 
المهم هاد الشب كان كتير عادي يعني مش متزمت بس من فترة صار كتير ملتزم يصلي يضل يقرا قران ويحفظه
 
صار يمنعني من شغلات  يعني لازم البس معاصم بالنسبة للجلباب او العباي
 
صار يغار كتير علي بشكل مش طبيعي....
 
انا بحبه بس بتصير بينا مشاكل بسبب غيرته يعني مرات غيرته بتوصل لحد الشك
 
بيمنعني من صاحبات الي،،، بيدخل بكل تفاصيل حياتي
 
هلا الشب بده يتقدم لخطبتي بس انا خايفة من كتر المشاكل
 
هو بيحكيلي لانه هلا مو مرتبطين بتصرف معك هيك بس لما نتجوز او نخطب راح اختلف
 
 
يعني راح يخفف غيرة هيك بيحكيلي
 
صديقتي هاي الي معها حوالي 6 سنين بده اياني اتركها هيك بسهولة بس لانه ما بيطيقها و بس لانه ما بيرتاح الها
 
طبعا انا وصاحباتي بنطلع بنتغدا برى و كان يوافق بس كان يوافق بس عشان ما يزعلني
 
بس هلا بيحكيلي صاحبتك هاي(وحدة معينه ما بيحبها ابدا)ما في تطلعي معها ابدا
 
المشكلة البنت وهو ما بيحبو بعض ابدا من يوم ما عرفته وهي بتحكيلي ليش موافقة عليه هاد كتير معقد
 
طبعا ازا بكون عند حد قرايب صاحبات يعني بحكي معه اكتر ما بحكي مع الناس الي انا عندهم من كتر تلفوناته
 
بكون بالتاكسي بيحكيلي خليني عالخط
 
بالشغل خليني عالخط بس مع هيك بحبه
 
ما بعرف لي هيك بيعمل معي يمكن لانه من غبائي حكتله انه انا كنت اعرف شب قبل
 
شو اعمل انصحوني اوافق عليه
 
بالاخر انا حابة استقر واكون عيلة وكمان بحبه
 
 
انصحووووني