هل هو غدر أم نصيب أم ماذا؟؟؟؟؟؟؟؟؟؟؟؟

زاد الاردن الاخباري -

ساطرح لكم  قصتي التي ممكن تستغربوا من موضوعها لانه من المعتاد ان تكون العمليه عكسيه  ,منذ سنه  ونصف تعرفت على بنت  كانت تعمل بشركه قريبه من عملي حيث اعمل بوظيفه مهندس وعمري30  والبنت عمرها 24 وكنت في اثناء الاستراحه  المحها في الخارج بوقت الاستراحه ولا ادري  كم كنت اشعر بالفرح  من رويتها انسى همومي واحزاني  كانت ارى فيها  كل حياتي والمستقبل والحياه وسعادتي

صارحتها بحبي لها واخبرتها عن مشاعري تجاهها  وشعرت بانها تبادلني المشاعر بدات علاقه الحب بينا  وكنت باليوم الي تتغيب فيه امرض لاني مابشوفها كانت كل ما املك بالدنيا .اتفقنا على كل شي بحياتنا على تفاصيلها الممله  بنيت مستقبلي معها كنت اتخيل اطفالنا معنا وجدت فيها  زوجه وام اطفالي وصديقه وحبيبه  ,استمرت علاقتنا مده السنه  كان الاحترام بينا واجمل اللحضات قضيناها معا  . كانت تحكيلي ماممكن اتخيل حياتي بدونك وكاني انخلقت لاجلك وكتير  كانت تضل تبكي على الايام اللي انقضت من دون بعض وتحكيلي لازم نعجل الزواج حتى نوقف هدر الايام والساعات ونعيش اجمل لحضات العمر الي كنا نحلم فيها .ماتتصورو شو البنت اخلاق وادب وجمال وحنان وكل الصفات الحلوه ربنا اكرمها فيها ,بعد مضي سنه خبرت اهلي عنها واشتريت بيت بناء على رغبتها وعلى زوقها وبالمكان الي بتحبه  ,اجاني عقد عمل بالخارج كتير منيح  وخبرتها انه بدي اسافر حتى ابني مستقبلها لمده فقط عده  سنوات حتى نحقق احلامنا وكتير توافقت معي وشجعتني على الموضوع وفعلا سافرت ,لما سافرت دموعي وانا راكب الطياره ماتوقفت على البعد عنها وهيه كمان بس حكت احسن حتى نعيش الحياه اللي بنتمناها لازم نضحي واتفقت معها بعد سفري  ب3 اشهر اني رح اجي اخطبها  وكتير فرحت  ومن شده الفرح صارت تبكي ,جهزت نفسي ورجعت لعمان بعد سفري حتى اخطبها وبعدها ارجع لعملي وكان هدا تنسيق مشترك بينا وبناء على اتفاقنا,المهم وصلت عمان وحكيت معها وحكيت الها رح ابعت امي لعندكم حسب الاصول اول يوم وبعدها بجيب جاهه وباجيكي ,لحضتها صرت احس ببرود من جهتها حكت لا اجل شوي الموضوع  عندي ضروف خاصه بالبيت مع انه انا جاي اجازه خصيصا الها وبدي اخطبها لانه بدي نتوج الحب بالخطوبه واحقق حلمي وحلمها وانتهت فتره اجازتي وحكيت الها رح امددها حتى اخطبك حكت الي لا سافر  وبالوقت المناسب بخبرك ومضت شهور حسيتها بدات تبعد عني  وتخف كلامها معي حكيت الها رح اترك شغلي وارجع للاردن  بدي اعرف ليش صرتي هيك صارت تبكي وتحكيلي انا مش الك مش الك بتمنى اكون الك بس مش قادره وما بقدر اخبرك في ضروف واشياء بتمنعني ,حكيت الها مهما كانت ظروفك انا قابلك لو مهمها كانت الظروف وحكت الي لا انا مابستاهلك  واترجتني ابعد عنها  حكيت الها مستحيل انتي بتطلبيني اعدم نفسي ونعدم حياتنا حكت الي البعد افضل لاني مابناسبك ,ماوضحت السبب الي وكل مااحكي معها تبكي وتحكي ارجوك ابعد عني.......

مش عارف شو اعمل بحالي الي فتره مابقدر احكي معها غيرت تلفونها  وبطلت اقدر احكي معها ولا بترد على ايميلاتي

وطلبت مني انساها للابد

مابعرف هو سهل النسيان وين الحب وين الوعود وين العشق اللي بينا وين الاحلام  وين راحت الذكريات البيت الي اشتريته على زوقها  خططنا للمستقبل وين كله راح مش عارف شو اعمل جد مش عارف  شو اسميه غدر ما اتوقع اسميه هروب مش عارف اسميه انها كانت تتسلى  ماشعرت بهيك شي وكنت اشوف الحب الصادق فيها والبنت المتزنه

ساعات بفكر انه حلم او كابوس مش عارف مش عارف داير متل المجنون مصدوم ماقصرت معها نهائيا  شو اسميه شو اعمل انا هلا وين اروح وين وين وين وين .........................