أول وكالة اخبارية خاصة انطلقت في الأردن

تواصل بلا حدود

أخر الأخبار
الجيش الأمريكي يدمر 4 طائرات مسيّرة يمنية. الاقتصاد الرقمي تحجب 24 تطبيق نقل ذكي غير مرخص في الأردن انفجارات عنيفة في مواقع البنية التحتية بأنحاء أوكرانيا المقاومة شنت 70 هجوما على الاحتلال في مجمع الشفاء مسؤولة أممية تبحث مع مسؤولين اسرائيليين توسيع المساعدات الإنسانية إلى غزة تطورات حالة عدم الاستقرار الجوي والأمطار القادمة للمملكة اليوم الأغوار .. الركود يخيم على الأسواق و 50 % تراجع الحركة الشرائية اليابان تعتزم استئناف تمويلها لأونروا قريبا روسيا : أدلة على صلة مهاجمين مجمع تجاري يموسكو ومجموعات أوكرانية 4.3 مليار دينار حصيلة المدفوعات الرقمية في شهرين. الأردن ثاني أكثر دولة عربية يستفيد اللاجئون فيها. ساعر: إذا لم نغير الاتجاه فإننا في طريقنا لخسارة الحرب محتجون يقاطعون بايدن: يداك ملطختان بالدماء (فيديو). قبل هجوم موسكو .. واشنطن تتحدث عن "التحذير المكتوب". 33 قتيلا في غارات إسرائيلية على حلب. إطلاق صواريخ باتجاه ثكنة إسرائيلية جنوبي لبنان. 45% من الإسرائيليين يرون غانتس الأنسب لرئاسة الحكومة. تفاصيل خيارات أمريكا لغزة بعد الحرب. اشتباكات مع قوات الاحتلال في رام الله والخليل رئيس الأركان الأميركي: إسرائيل لم تحصل على كل ما طلبته
الصفحة الرئيسية تعليم وجامعات لا أريد ان أؤذي أحداً

لا أريد ان أؤذي أحداً

07-07-2010 11:39 PM

زاد الاردن الاخباري -

السلام عليكم ورحمة الله وبركاته
انا بشكر موقع زاد وكل القائمين عليه انا عندي مشكلة كبيرة ومأثرة على نفسيتي كتير وبشكل مو طبيعي
انا يا أخوان بعرف ربنا ومتدينه متزوجة من 4 سنين وعندي بنت عمرها 3سنين
مشكلتي اني بصيب بالعين بالشكل مو طبيعي انا مابدي تستغربو لانه والله مو بايدي
يعني اذا شفت شي حلو والله العظيم بحكي 100 مرة ماشاء الله ولا قوة الا بالله ولا حول ولا قوة الا بالله
لكن بنفس الوقت بخرب هالشي
اسمحولي افضض شوي لاني كتير متدايقة مثلا زوجي ما شاء الله ولاقوة الا بالله كتيييير منيح معي ورجل بمعنى الكلمه لما اسمع وحدة وضعها مأساوي مع جوزها بصير احكي ببالي انه الحمد لله جوزي منيح معي واول ما بنشوف بعض بتصير مشكلة كبيرة بدون اي سبب والله بدون اي سبب
كمان مثال يعني اذا رحنا باركنا لعرسان ا ول ما أفوت عليهم بحكي اللهم صلي على النبي وماشاء الله متل العصافير والله تاني يوم بسمع انهم تزاعلو وبدهم يتطلقو !! انا متدايق لان هاي الشغلة تكررت مع كتير ناس نفس الموقف
مرة جارتنا خلفت ولد وماشاء الله عنه اول ما روحت من عندها دغري نقلوه على المشفى وبات فيه اسبوع
والله بدي ابكي من كتر ما تعبت من التفكير اني بسبب الاذى للناس مع اني والله موقصدي وانا حلوة ومتعلمه وجوزي مو منقص علي شي ووضعة ماشاءالله ممتاز كتير بس ما بعرف ليش هيك بصير معي
اخواني مرة سمعت انه جارنا بده يرحل ومرته صحبة معي كتير بس حكالي زوجي بدنا نروح عندهم  نباركلهم انا دغري حكيت ماشالله خلصو بيتهم وتاني يوم بالضبط بخبرني زوجي انه بنتهم الصغيرة انحرقت والبنت التانيه دخلت المشفى وصارت مشكلة بالحارة وكسرولهم الباب الخارجي كله هاد بيوم
حتى مرة قرايب الي عملو عرسهم بفندق كبير انا والله حكيت ماشالله راح يطلع عرسهم حلو وبس حضرناه صارت مشكله كبيرة بالحفلة وكان بده ينقلب عزا بعد ما اغمى على ام العريس
آآآآآه شو احكي لاحكي امثله كتيرة بمر فيها متلا بنتي بس احسها بتلعب ومبسوطة بحكي ماشالله لاقوة الا بالله بنفس اليوم بترتفع حرارتها وبتمرض
والله يا أخواني انا مو مزودها بس اللي بصير معي متعبني مع اني بقرا الايات واذكار وطبعت كتاب تحصين كل فترة بقرأه
بس والله هالشغلة مو متغيرة معي وبحس حالي بأذي وبسبب مصايب لغيري
 
ساعدوني بالله عليكم اذا بتعرفو حل لهالمشكله





تابعونا على صفحتنا على الفيسبوك , وكالة زاد الاردن الاخبارية

التعليقات حالياً متوقفة من الموقع