أول وكالة اخبارية خاصة انطلقت في الأردن

تواصل بلا حدود

أخر الأخبار
حزب الله يستهدف ثكنة زبدين الإسرائيلية إصابة 61 جنديا إسرائيليا بمعارك غزة منذ الأحد الماضي وزير الخارجية يجدد دعوته إلى وقف تصدير الأسلحة إلى إسرائيل الاحتلال يمنع مئات المسنين من الدخول للأقصى أسعار النفط تحقق مكاسب شهرية بأكثر من 7 بالمئة فيتو روسي ينهي مراقبة نووي كوريا الشمالية بلدية غزة تحذر من انتشار أمراض خطيرة بفعل القوارض والحشرات الضارة أسعار الذهب تسجل أفضل أداء شهري في 3 سنوات مؤشر نيكي يسجل أكبر مكاسب من حيث النقاط في السنة المالية أوكرانيا تعلن إسقاط 84 من أصل 99 صاروخا ومسيّرة أطلقتها روسيا تلاسن حاد بين نتنياهو وغانتس باجتماع حكومة الحرب وزارة الصحة في غزة: 7 مجازر إسرائيلية تسفر عن 71 شهيدا فلسطينيا خلال 24 ساعة زلزال الإسكندرية .. هزة ارتدادية من اليونان تفزع سكان عروس البحر المتوسط. الأسهم العالمية تسجل أفضل أداء لربع سنوي أول في 5 أعوام. منح ولاية ماريلاند 60 مليون دولار لإعادة بناء جسر بالتيمور المنهار الجيش الأمريكي يدمر 4 طائرات مسيّرة يمنية. الاقتصاد الرقمي تحجب 24 تطبيق نقل ذكي غير مرخص في الأردن انفجارات عنيفة في مواقع البنية التحتية بأنحاء أوكرانيا المقاومة شنت 70 هجوما على الاحتلال في مجمع الشفاء مسؤولة أممية تبحث مع مسؤولين اسرائيليين توسيع المساعدات الإنسانية إلى غزة
الصفحة الرئيسية مقالات مختارة النعجة العياطة تحمى ولادها من الذيب

النعجة العياطة تحمى ولادها من الذيب

06-10-2014 01:45 PM

ان الأباء زمان .. يتفاخرون بأنهم يدفعون أبنائهم لمواجهة ألحياة وصعابها وحيدين بدون دعم.....
ميشان يتعلموا وتنصقل شخصياتهم ويقوى معدنهم .... خلي الولد يفهم شوي هالحياة.. خليه يلم رسوم دراسته (البكالوريوس ولا الليسانس) لحاله. .......يا حـــــــلاوة...
وهذا كان حل ممتاز .. مهو بشهادة ألتوجيهي كان يقدر يعيش و يوفر و يمكن كمان يتجوز.. و كثير كنا نسمع بانه فلان عصــــامي ....

بس هسه لو بدنا نطبق هالطريقه على نفس الحال .. شو رح يطلع معنا..
لو فكر الولد يشتغل بشهادة التوجيهي **على اساس الشغل مقطع بعضه** بدو عشر سنين حتى يلم رسوم الجامعة .. يا حلاوة....
اما اذا بدو يكمل ماجستير فهيك بدو 15 سنه .. و عالدكتوراه 20 سنة .. يعني بحسبه بسيطة 18 سنة للتوجيهي، و10 شغل، 4 ليسانس،15 شغل، 3 ماجستير، و20 سنة شغل، و3 دكتوراه، انشاء الله على 73 سنة بكمل دكتوراه ... يا حـــــلاوة....
كمان بعد الدكتوراه عشر سنين ميشان يشتري شقة ويؤثثها و سبع سنين ميشان المهر ومصاريف زواج... يعني عالتسعين بقعد على اللوج مع العروسة بدكتوراه وعالسبعين بالماجستير بيتزوج و عالخمسين بالليسانس .. وبلاش خلفة ولا عيال و بلا دوخة راس.. كمان يا حـــــلاوة .....

طبعا الخلل مش في الاولاد ولا في الاباء اللي بدهم يدلعو الاولاد هسه ... الفضل للمختار واسعاره النار و عيش يا *****......
مجبور الوالد يدرس الولد ويجوزه ويمكن يشتريله سيارة ولا شقة.. حتى يلحق قبل الثلاثين يتجوز ويخلف ولد ولا اثنين....

طيب يا مختار هالاب المحظوظ .. من وين بدو يجيب.. ومن وين بدو يلّحق على اسعارك ويلّحق على تطنيشك اله.. التعليم المجاني في خبر كان و التأمين الصحي في الباي باي و لا في شغل ولا ياناصيب....

لمتى هالمسخمط ** المتقاعد ولا الموظف ولا النجار ولا الفلاح ولا المعلم ولا الاعلامي (شوفوا هاللقب ماشاءالله) ولا ولا ** مع قرب حلول كل عيد ولا رسوم جامعة .. يعلن حالة تقشف شخصس و منزلي والغاء المناسف.. ومغازلة البنوك والانخراط في الجمعيات فردية وجماعية .. واللجوء الى المنح و الصناديق الخيريه ان وجدت .. و مسح جوخ للاقارب المغتربين في اميركا اوروبا و استراليا و موزبيق والخليج ان وجدوا.. وملاحقة سراب زيادة الرواتب و ...يا حلاوة .....

زمان اللي يوصل كان عصامي .... هسه اللي بيوصل بيكون اما حرامي او مرتشي او فاسد ....
هل بالغت في ذلك !!!!





تابعونا على صفحتنا على الفيسبوك , وكالة زاد الاردن الاخبارية

التعليقات حالياً متوقفة من الموقع