أول وكالة اخبارية خاصة انطلقت في الأردن

تواصل بلا حدود

أخر الأخبار
زلزال الإسكندرية .. هزة ارتدادية من اليونان تفزع سكان عروس البحر المتوسط. الأسهم العالمية تسجل أفضل أداء لربع سنوي أول في 5 أعوام. منح ولاية ماريلاند 60 مليون دولار لإعادة بناء جسر بالتيمور المنهار الجيش الأمريكي يدمر 4 طائرات مسيّرة يمنية. الاقتصاد الرقمي تحجب 24 تطبيق نقل ذكي غير مرخص في الأردن انفجارات عنيفة في مواقع البنية التحتية بأنحاء أوكرانيا المقاومة شنت 70 هجوما على الاحتلال في مجمع الشفاء مسؤولة أممية تبحث مع مسؤولين اسرائيليين توسيع المساعدات الإنسانية إلى غزة تطورات حالة عدم الاستقرار الجوي والأمطار القادمة للمملكة اليوم الأغوار .. الركود يخيم على الأسواق و 50 % تراجع الحركة الشرائية اليابان تعتزم استئناف تمويلها لأونروا قريبا روسيا : أدلة على صلة مهاجمين مجمع تجاري يموسكو ومجموعات أوكرانية 4.3 مليار دينار حصيلة المدفوعات الرقمية في شهرين. الأردن ثاني أكثر دولة عربية يستفيد اللاجئون فيها. ساعر: إذا لم نغير الاتجاه فإننا في طريقنا لخسارة الحرب محتجون يقاطعون بايدن: يداك ملطختان بالدماء (فيديو). قبل هجوم موسكو .. واشنطن تتحدث عن "التحذير المكتوب". 33 قتيلا في غارات إسرائيلية على حلب. إطلاق صواريخ باتجاه ثكنة إسرائيلية جنوبي لبنان. 45% من الإسرائيليين يرون غانتس الأنسب لرئاسة الحكومة.

أنا حابة أستقر

23-06-2010 11:57 PM

زاد الاردن الاخباري -

السلام عليكم
 
انا بصراحة أول مرة بشترك في زاد الاردن لانو عجبتني طريقة طرح المشاكل علشان هيك اتشجعت وبدي احكي مشكلتي،انا فتاة من مواليد 1981 جامعية بكاريليوس تخصصي لغة عربية انا عمري 28 سنة بس صدقوني مو موبين علي امبين اني لساني 23 سنة انا زي اي بنت كنت حابة استقر ويكون الي بيت واولاد علشان هيك لما اتخرجت من الجامعة واشتغلت بشركة بسنة 2005 وفي يوم اجا شخص زار مدير الشركة بحكم انوا كان يشتغل معو بس هدا الشاب لما شافني اعجب في من المرة الاولى وسأل عني وعرف اني مش مرتبطة  المهم تاني يوم اتصل على تليفون الشركة وانا رديت على التليفون واتفأجت بأنه بيعرض علي الزواج فأنا رديت عليه وحكيتله انو الاصول يحكي مع بابا في الموضوع وفعلاً اتصل فيه وحددوا يوم يجي هو واهلوا عنا هو كان اكبر مني ب 11 سنة، واصلاً حكالي انو ما كان مهتم بالزواج الا لما شافني، المهم سأل بابا عنه واحد من اقاربنا ساكنين بنفس المكان في السلط بس للأسف عرفنا بعدين انو هادا الشخص ما بيعرفوا هادي المعرفة، المهم خطبت بشهر 3/2005 ومن يوم الخطبة صدقوني ما كنت مبسوطة كل ما يجي عنا بصير نكد وانا كنت بدي افسخ الخطبة بس اهلي صاروا يحكولي انو بتصيري اسمك مطلقة لانك كاتبة الكتاب، المهم اتزوجت بشهر 9 وكان في الحفلة طاير في طير ومبسوط قدام الناس بس هاد كلو اتبدل لما اوصلنا البيت صدقوني حتى شهر العسل رحنا اسبوع على مصر بس كان اسبوع نكد اكتير لانو ضربني واحنا في بلد غريبة ما بنعرف حدا فيها ولما ارجعنا على الاردن انا طبعاً ما حكيت لأهلي علشان ما اضايقهم وصبرت علية شهرين بس اللي اتضحلي انوا بدو يعمل في زي ابوه ما بيعمل مع امه هو على كل مش دارس للتوجيهي المهم عشت عندو سنتين قضيت نصف المدة عند اهلي وفي المحاكم المهم صار الانفصال وصدقوني اني ما كنت بدي اوصل للانفصال لانو مش سهل بس ما قدرت اتحمل الاهانات والضرب مرة الاقيه امنيح ومرة يتغير فجأة، المهم انا صارت عندي حساسية من الناس كل ما شوف البنات مبسوطات مع ازواجهم صدقوني بتحسر على حظي وهلا كل اللي بيتقدمولي متزوجين وعندهم اولاد وانا بصراحة بخاف اكون زوجة اب بس انا بنفس الوقت حابة استقر ويكون عندي اولاد زي باقي البنات انا الحمد لله مش ناقصني اشي حلوة و متعلمة بس مشكلتي اني اتسرعت واتزوجت شخص مش مناسب الي من حيث التعليم  بس التعليم مش شرط لانو اختي اصغر مني ايضاً جامعية وزوجها مش مكمل توجيهي بس ما شاء الله عنهم، صدقوني انا ما بيهمني الوضع المادي قد ما بيهمني اني اكون متفاهمة مع زوجي مع العلم اني مع عندي اولاد،رجاءً ما تفهموني غلط بس انا ما لقيت غير هادي الوسيلة اللي احكي فيها مشكلتي والسلام عليكم





تابعونا على صفحتنا على الفيسبوك , وكالة زاد الاردن الاخبارية

التعليقات حالياً متوقفة من الموقع