كلامها جرحني وأصابني بالإحباط!

  اخي اتعب و اشتغل على حالك و كبر رح تصغر بنظرك و تكبر بنظرها و بعدها نصيحه اذا رجعتلك لا ترجعلها

  يا اخي بدي احكيلك انه بما انه حبك من طرف واحد و اصلا هي عمرها ما حبتك و انت لازم تنساها و هي حاولت اتفهمك انها ما بدها اياك من المشاكل الي كانت اتساويها و مش عارف كيف لساتك بتحبها و هي بتراسل قرابتك و انا بعرف انه الحب اعمى بس مش لهدرجة انت لازم اتحب وحده ثانية و الاحسن انك تخطب بنت ثانية بتنسيك بنت عمك

  أنت تتألم الآن لأنك احببتها بصدق وستحتاج فترة طويلة لتنسى ألمك، ولكن عليك أن تذكر نفسك انها فعلا"- أي ابنة عمك- فعلا" لا تستحقك لأنها لم تكن صادقة معك وكانت معاملتها لك سيئة ولم تقدر مشاعرك الجميلة نحوك. ولو لم تكن تبادلك هذه العواطف أقل ما يجب منها عمله هو أن تصارحك بذلك بأسلوب حضاري ويبقى ذلك - مهما كان مؤلما"- أفضل من الكذب وسوء المعاملة وفسخ الخطبة.

عليك أن تتجه الى الصلاة وقراءة القرآن وتجتهد في دراستك. ثق تماما" أن الله تعالى لن ينساك وانك ستتعرف على انسانة افضل تستحقك وتستحق وفائك. تحتاج وقتا" ولكنك ستنسى مع الوقت وستحب مرة أخرى. وعندما يحدث ذلك ستنسى هذه الأيام المؤلمة ان شاء الله. ولكن حاول أن تبتعد عن ابن خالك وهو يراسلها ولا تراقب علاقته بها حتى لا تتألم. واعلم انه لو ارتبط بها لن يكون سعيدا" لأنها انانية في تصرفاتها وغير صادقة وسيندم ان ارتبط بها. حاول ان تساعد نفسك على النسيان وقم بزيارة الأصدقاء ايضا" والرياضة والمشي في اوقات الفراغ. كل هذا يساعد على مرور الوقت بسرعة والنسيان. وفقك الله.

  بسم الله الرحمن الرحيم والصلاة والسلام على سيد المرسلين وعلى آله وصحبه أجمعين وبعد:

صاحب المشكلة، يعني اذا افترضنا ما في كذب بهالعالم فيا نيالك بحالك.. يعني شب متلك لساتو صفحة بيضا.. ونصيحتي لاللك لا ترد على هالشيطانة بنت عمّك ياللي ما بتستاهلك وعم بتضحك عليك ..

شكلها غيرانة منك ومن نفسيتك الحلوة وبدها تدمرك!!

اذا بدّك تنساها لا تفكّر بعلاقة أخرى مع اي وحدة..بالعكس انتبه على حالك وطوّر نفسك..يعني تعلّم هواية جديدة.. شوف صحاب جداد يقدروا يأثروا عليك بشكل ايجابي..مارس رياضة المشي أو الركض واللي الها الأثر الكبير لتزيح الهم ياللي في قلبك..لا تنسى الدور الكبير للصوم والصلاة بهيك حالة.

جرّب وشوف .. وزي ما سبق ونصحت الشباب..بقوللك.. وانت كمان:


لا تغلط مرة تانية وتحبّ قبل الأربعين!

  احم احم

عندي اضافة جديدة لصاحب المشكلة..

في فيلم اجى امبارح.. حكى البطل فيه جملة حلوة كتيير رح تفيدك أكيد:

(انا انبسطت انهم تزوجوا بعض لأنهم حيسببوا التعاسة لبعضهم البعض)

اشارة الى حبيبته اللي خانته وصديقه المفضّل..

وانت هيك بنت عمّك!! أنانية وما رح تقدر تقدم شي لحدا وابن خالتك واحد خاين وزي ما راعى مشاعرك .. ما رح يحترمها ورح يشوف وحدة غيرها.

  على حسب ما فهمت من قصتك انو انت فرضت حالك عليها من غير ما تحس هي شو بدها, من حقها تختار الشب الي بيناسبها,
عموما بكرا رح تنسى وتشفلك بنت تانيه تحبو بعض وبحب اهديلك اغنية(كتاب حياتي يا عين ما شفت زيو كتاااااب الحب في سطرين والبائي كلوو عزااااب) والباقي عندك.

  ally ma testahlak leesh torkud waraha bokra betlaqi ahsan minha wallah yuafqak

  أنا بستغرب الشباب وما اقتنع بهذا الشيء الذي يسمى الحب ودائماً أسأل هم البنات خلصوا ولا ما بقي غير وحده التي هي المحبوبة وأكرر كل دار فيها كتيبة عوانس بشكلوا 10000فرقة عسكرية وأكثر من كافة المرتبات شوفلك وحده أو أربعة على الشرع مو وحده وقال أحبها ( حب أيه اللي إنت تئول عليه)

  انت بتحب من طرف واحد وهذا منتهى العذاب اتركها وكون نفسك واشغل بنفسك بالدراسه والعمل وبعدين ربنا بيرزقك ببنت الحلال اللي تستاهلك
بنت عمك مش مقدره قيمتك اتركها ولاتفكر فيها

  عمووو ما اليك الا هيفا

  الحب هو تبادل مشاعر بين اثنين. فيا اخي حتى لو انت حبيتها وهي حاولت ان تحبك ولكن لا تلومها اذا لم تستطع. الحب يجب ان يكون عفوي وليس فرض

  اهم شي انساها وفكر بحدا تاني وخفف من العادة السرية وحسب فهمي انك لما تركتها كثرت من العادة السرية يعني انك كنت تفكر فيها تفكير جنسي
ملاحظة اذا مسكت ايد البنت بقصد العلاقة الجنسية مستححححححيل تحبها
والله يساعدك

  معلش
الله ببلي وبعين
وبما انك رحت على الحج ودعيت وماصار نصيب
اكيد مافي نصيب
وعجبني راي shiry
لما قال انا حضرت فيلم وقال فيه " البطل "
انا انبسطت انهم تزوجوا بعض لأنهم حيسببوا التعاسة لبعضهم البعض)

مااللك الا الايام هي كفيله لنسيان لانه
ولازم تنجح في دراستك اوعك تخليها دمرك وتشمت فيك الحكي بزياده

وطريقة تانية صلي صلاة استخارة شوف رح يطلع معك

اذا هيك صدمة عملت فيك لازم تكون اقوى لانه رح يتجي صدمات الحياه العملية دير بالك
الشغل اصب من الحياه العاطفية

على فكره زي ماقالو هاي واحدة مابتعرف تحب حب صادق زيك
....

  مرحبا للجميع
الله يساعدك...............انساها

  انا انصحك تكون صداقات جديده وتقابل ناس الهم خبره وتحكي معهم واسمع شو يحكولك ولا تخبي الموضوع في قلبك افضحه احكي لاي انسان تثق فيه لانه رح ينصحك وانا بدي انصحك ركز ع دراستك واذا قادر اتعلم سواقه واشتري سياره اذا انك ما بتسوق وراح تتجوز احسن منها

  لا اعرف ما اقول لك
لكن قصتك مواثره جدا
اعجبني فيك اصرارك وعزيمتك
اذا كنت بتحبها عنجد لازم تخاف عليها وتحاول انها تعيش في اسحن الظروف .
وانت اتمنالها الخير حتى لو انها مش معك .
ونصحيه مني خليك متمسك بالله وديربالك على دراستك وبيجوز هي حابه تعملك اختبار في اللي عم بيسير هلأ ما بتعرف .
بس انت اذا كنت شاطر ادرك لها بالافعال وبالنجاح انك بتحبها وخلي الايام هي اللي تدرك المهم انت ادرس وانجح .
( وكن مع الله ولا تبالي ) خليها هاي العباره دائما في بالك

  انساها والله ما بتستاهل ظفرك يا زلمة

  اعرف يا صاحبي ان البنت الايام هاااي ما بدها الشب الي يكون راكز جدي صموح لا لا انس بدها الشب الي كل البنات بطلعو في بس انا بقولك دام انتى وانا عارف انو الشب اقوى من البنت وراح تنسى وخودها من مجرب بس ركز انك قتل وقت الفراغ الي بذبح البنأدم
...............

  لوسمحت تعليق18 مابصير تجمع عالبنت بهاي الايام لاني انا بنت وفي كتير متلي, بدنا شب بمواصفات الشب كاتب القصه بس يكون صادق بس مش اكتر
شكلك مريت بنفس تجربة كاتب القصه وحده من البنات عملت فيك هيك ما بصير تجمع البنت بهاي الايام هيك هيك
ما انتو الشباب نفس الشي مش كلكم متل بعض صح
عكلا الحياه تجارب المطلوب منك تتعلم بس لا تعمم ومليانه الدنيا بنات
برايي ما بنسيك حبك الاول الا حب جديد يكون صادق طبعا حب طاهر خلاصته الزواج

  يا زلمه انا عمري 27 سنه وشايفها بكير اخطب هلأ شو مالك مستعجل هيك عيش حياتك وفيع وبعدين اتجوز. وعلى فكره البنات هيك حبهم كتير بطنشوك بس ازا طنشتهم بموتو عليك

  والله يا مان شكلك ابن عم مهند..لأنه إنتو التنين كتير رومانسيين و وبتبكوا عالبنات..نصيحتي إلك اختلط بشباب أكتر و شد حالك و بلا دلع..وبالمناسبة,شو دخل العادة السرية بالموضوع؟

  ان تختار شخص يحبك افضل من تختار شخص تحبه

  عمي
اللي بيستحي من بنت عمه ما بيجيه ولاد

روح عليها قلها بدك ياني ولا لا
اذا ما بدها ياك انساها و في غيرها كثير
بعدين على شو مستعجل
لاحق على الهم

  يازلمة هو ظل في حب هالأيام؟
روح عيش حياتك ظلك لف ودور لتقرف، بعدين لعلمك بنات الأيام مابتحبوا الشب اللي بحبها كثير وبخلصلها بدها واحد يظل ماسكها من دانها هيك بتحترموا وبتقدروا، واسأل مجرب.

انا شب عمري 21 سنة ويمكن تحكي صغير بس الحمدلله الحمدلله (وللأسف الشديد) عشت 5 تجارب والآن بوحدة فيهم، وكل مااترك وحدة احكي هاي نهاية المطاف بعد الثلاثة فهمت القصة D:، وبالنهاية بطل عندي قناعة لابحب ولاببنت.

وبعدين انا شايف انكوا غير مناسبين لبعض كونك
حكيت في سياق موضوعك انه ابوك زلمة ملتزم وابوها مش هيك يعني في اختلاف في البيئة المعيشية او الوضع الاجتماعي عشان هيك لو تزوجتها رح تلاقي معانا معها. فنصيحة انسى وعيش حياتك من اول وجديد.

  اخي العزيز النصيحه الاولى اسمعها وطبقها اكبر واتعب على حالك رح تكبر بعينها وتندم انها تركتك وتصغر هي بعينيك
هون العفو عند المقدره انت حر يا بترجع يا لأا
التفت لدراستك خلصها وابني حياتك اشغل وقتك بالاشيا لمنيحه وطلعها من راسك لاترتبط بحد هلأ اوصل للي بدك اياه وبعد ما تجهز ارتبط بوحده تانيه والله يوفقك .

  الله يقويك يعموووووووو شكلها بتحبك بس ما بدها اتغلبك معها يا انطونيو

 

لازم تعرف إشي واحد هي ممكن إنها تحبك ، بس مرات الحب بموت إزا ما إنسقى
يعني الوحده منا بتحب حدا يحكي ، يتغزل فيها ، ويحس فيها
مو دايماً كلمة بحبك ... بحبك ....
زهقت هي صبية وبدها تسمع كل يوم إشي جديد غير كلمة بحبك
عمره الحب ما كان بس بكلمة الحب إحساس ومشاعر
فشكلها هي تعبت من الحب اللي بخلي الواحد يكره الحب .
بعدين ،،
ما تنسى إنك إنت صغير بالعمر وهي لسه أصغر منك بدها تروح وتيجي و تشوف هالدنيا فالحب بالنسبة للإلها لعبة ...
فإنت لا إديق حاللك و لا عبالك بالنهاية بتنسى وبتصير زكرى بحلوها ومرها ... .

  السلام عليكم
يا ابن الحلال انت غلطان من الاول ليه روحت خطبتها وانت ما بتعرف اذا بتحبك او لااا وزمن اول حول نادر تلاقي حب صادق وشريف وبنت عمك ما بتستاهلك لأنك كنت مخلص معها وحبيتها وما بدها واحد يحترمها ويحبها ويصونها بدها واحد متل قرابتك يضحك عليها وهاي حكمه من ربنا بعدك عنها لأنها ما بتستاهلك وبطلب منك تخلص تعليمك وتبني مستقبلك وانشالله الله ببعتلك بنت حلال متلك وتحبك اكتر من ما بتحبهاوما شاء الله عليك بتستاهل كل خير وعندك طموح وخلي الثقه بنفسك دايمآ موجوده وانسى حبك الها وعيش حياتك وفكر بعقلك مو بقلبك وعاطفتك ولا تزعل وتضايق حالك مشانها لأنها ما بتستاهل صدقني ما بدها تنستر بدها واحد يضحك عليها ويلعب بمشاعرها وبنصحك بالصلاة والاستغفار المتواصل والدعاء لله ليستجب لك ما تريد والله يوفقك ويصلح بنت عمك وخلي قرابتك ينفعها ولا ترجعلها خلي كرامتك فوق كل شي.

  اخي وعزيزي ،
بكل صدق انت انسان رائع جدا ً ، احببت حبا شريفا وخطبت وصدقت .....الخ
هناك شيئا ً في الحياة يدعى التناسي فعليك به ، اعرف انك لن تنسى ولكن بامكانك ان تتناسى ، فكلما خطرت ببالك اقطع تفكيرك واشغل نفسك بشيء اخر ، وعليك بالبرمجة الايجابية لنفسك بأنك افضل منها وسوف تخطب في المستقبل افضل منها ، ولا تنسى ان الله تعالى قال : الطيبون للطيبات .
فسوف ترزق انشاء الله بفتاة طيبة مثلك ، عليك بالصلاة واكثر منها فانها تريح في جميع الامور ،
أنشئ علاقات جديدة واسكن مع اشخاص اخرين في سكن العزوبية ، وانظر الى الحياة بابتسامة ، فاجعل عيونك تبتسم ، ابدئ حياة جديدة واعرف قدر نفسك
ولا تستخف بنفسك ، انا لا اعرفك ، ولكن بدى لي مما كتبت انك انسان رائع .
والله ولي التوفيق .....

  وعس أن تكرهوا شيئا ويجعل الله فيه خيرا كثيرا

  مممممممممممممم
منشان مشكلتك او سوري لا بتقدر تعتبرها مشكله لأن الدنيا اخد وعطا وكل شخص بهالدنيا مر بهاي المرحله منهم يلي فشل بل اغلبهم والقليل يلي نجح بهيك علاقه
الحب متل ما بحكي محمد عبدو ( وتصدقين ما اخترت انا احبك ما حد يحب اللي يبي ) يعني لمن حبيتها كنت بتتمنى انو تبادلك نفس المشاعر او من كتر حبك الها توهمت انها بتحبك بس مع الزمن تبينلك العكس
بس ثق ان الله سبحانه وتعالي رح يبعتلك بنت حلال واحسن منها ومو تحبها من طرف واحد رح يكون حب متبادل

الله يوفقك للاحسن وانسى او بالاحرى حاول تتناسى واشغل حالك قد ما بتقدر بدراستك باهلك باصحابك هيك ما رح تلاقي وقت حتى تفكر ولو دقيقه فيها

حاول تتعرف على اصحاب جداد يفرحوك ويساعدوك لما هو افضل


يلا كترت عليك بالحكي
سلام
S.A

  انت شب كتير منيح ومافي كتير شباب متلك نصيحتي الك اللي باعك بيعو وما تندم عليه وهاي بنت عمك ما بتستاهلك لانها ما بتقدر الحب ولس انت صغير دير بالك على دراستك احسنلك خلي علاقتك بالله وتوكل على الله انشالله الله ببعتلك بنت تقدر معنى الحب لانو مش كل البنات زي بعض وانساها ما بتستاهل

  مرحبا يامحبط انا اخوك محبط اكثر منك
انا عارف كل الي بعطوك حلول منها البنات اكثر من الهم على القلب شوف حب ثاني
بس انا عارف الي بحب وخاصة اول مرة بكون حبة لدرجة الجنون
انا مشكلتي تقريبا نفس مشكلتك وفترقت عن الي بحبها
أنتابدك واحد يحكيلك حاول مرة ومرتين وعشرة
بس يا صاحبي والله كل شي نصيب واذا إلك فيها نصيب صدقني لتوخذها كان اليوم ولا بكره
بصراحة حاب أتراسل انا وإنتا وهي إيميلي
ameralghwairi@yahoo.com

  جمله وحده بدي احكيلك اياها
وتمعن فيها كتير
الناس الكبار بحكو حكم :
فخدلك الحكمه هاي
ونصيحه اسمعها من اخوك

لاتبكي على حبيبك وابكي على نصيبك

وشكلها بنت عمك مو من نصيبك
فلا تندم او تزعل على اشي مو الك

تحياتي
0795229802

  يا اخي انا قصتي مشابهه لك ولكن الحب كان من الطرفين وصارت مشاكل بين اهلي وهيه بنت عمي نص موافق ونص لا واستمرت المشاكل لمدة 8 شهور بعدها سافرت الى ابو ظبي لكي ارجع معي فلوس واقف على ارض صلبه دون الحاجة الى مصاري اهلي وسافرت وبعد شهر واسبوع خطبت بنت عمي شخص اخر وانصدمت مثلك ولكن ليس لفترة طويلة لانني رجل اولا ولا تهزني النساء مهما كان المي وبقيت في ابو ضبي لحد الان منذ سنين واصبحت في مركز مهم وناجح , يا اخي انسى الحب والسوالف هاي والي يبيعك بيعو وركز بمستقبلك ترى الحياة صعبة واتمنا لك السفر عشان تعرف معنى الحب وتصبح تضحك على نفسك وتقول مثلي كم كنت انا اهبل في تلك الفترة , وسامحني على ذلك لاني اتحدث معك كاخ

  مرحبهانشالههله تكون احسن.انا بنت ومريت بفتره زيك.احسن انك تنساها وهي من البدايه ما حبتك.وانت لساتك صغير وهي كمان فأحسن انتبه لدراستك وكون حالك .وبصراحه انت صغير على هيك اشياء.اكيد الله معك

  الحب من طرف واحد ناقص.....
ما حتحس فيه ولا رح تعيشه......

احمد ربك انها جت منها وهيه الي اختارت الرفض.....
انا مستغرب كيف متألم عوحده متلها....ولا بتستاهل تفكر فيها..ولا تحزن لساتك صغير والحياة حتفرجيك كتير ياما....

اخوي احمد ربنا انه الي حبيتها ما فقدتها غصب عنكم يعني ما تجوزت غصب وانته عاجز.......
او ما ماتت وانحرمت منها وهيه بتحيك....لو هيك بحكيلك ازعل واحتار

لكن مع احترامي لك وليس لها ((بنت عمك ما بتستاهلك ابدا ورح توخد واحد متلها))
سيبك منها وانساها لانه كان بسببها الفراق وهيه باعتك .......فبيعها وبلرخيص

وسلم امرك لله

  يا ابني هذه الفتاة لم تكن صادقة معك حاول تحكيم العقل على العاطفة واشغل نفسك بشيء مفيد وبدراستك وانساها، الله يعوضك بأحسن منها ان شاء الله، ولا تنسى اهمية الصلاة والدعاء. وفقك الله.

يرجى النشر للافادة وشكرا"

للتواصل: dreyyad@gmail.com

  واضح يا اخي الكريم ان هذه الفتاة لم تكن صادقة معك، حاول تغليب العقل على العاطفة ونسيانها، واحمد الله انك اكتشفتها على حقيقتها الآن قبل فوات الأوان، اهتم بدراستك، وقم بالدعاء والصلاة وان شاء الله تعالى يرسل لك فتاة افضل من هذه وتكون سعيدا"، كن قوي ولا تيأس وفقك الله.

ارجو النشر وشكرا".