هل أطلب الطلاق لأتزوجه...؟؟؟

  بدك تتطلقي علشان تتزوجي فيه وبلكي طلع امر فكري قبل ما تتهوري سلام

  في البدايه بدي احكيلك شغلة مهمه موضوع خلافك مع زوجك بنحل ولو كان ابغض الحلال عند الله الطلاق بس مش هون المشكله

المصيبه الكبرى انه كيف بتسمحي لنفسك بمكالمة انسان ما بتعرفيه يعني اجنبي ول نفترض انك مش متزوجه اصلا هاد حرام بعدين وين عقلك انتي بتحكي اني مثقفه ما اتعضتي من تجارب غيرك وما سمعتي قديش النت غرر بنساء على شاكلتك بيتحججو بالضعف وانه الطرف الاخر بيفهمهم وبتنتهي القصه دائما وباكد دائما بماساه

انتي تجدردتي من جميع صفات الزوجة الصالحة بتصرفك هاد واذا كان زوجك اخطء بحقك فانتي اقترفتي اثم اعظم بحق زوجك وعيلتك وشرفك انتي وانا بشك انه الاسباب الي بتخلي اهله يشيلو منك منطقيه كيف ؟
انتي بتحكي انه بتقعدي على النت من 4 ساعات ويمكن اكثر مع الشيطان الاخر الي سمح لنفسه انه يحكي مع حليله مسلم اخر واشك بان تكوني انتي وهو تمتو للاسلام باي طرف ولاكن ان الله تواب غفور وذلك كله في الحالة التالية

1- تنسي موضوع الشخص الثاني هاد نهائيا وبتمنى انك ما تكوني شفتيه ولا بيعرف اسمك وعنوانك
2- تنتبهي لمشكلتك مع زوجك وانتي بتقولي انه في البدايه كانت حياتكم سعيده يعني في اسباب كانت موجوده دوري عليها
3- اذا ما القيتي حل مع زوجك وتم الفراق بالطلاق اتركي الموضوع على الله واذا الك قسمه بتتزوجي احسن منه

4- وهاد اهم شي توبي الى الله توبه نصوحه وردي الى زوجك والى نفسك بالبداية كرامتك وشرفك الي قبلتي تاجري فيهم بارخص شي وين على النت

صدقيني انا مش حامل عليك بس هادي الحقيقه الي ممكن الشيطان بزيفها الك

الراجع عن الذنب كمن لا ذنب له واتمنى انك تكوني بس حكيتي مع الشخص الاخر على النت وبس

الله يهديكي ويرحمك

  اختي صاحبة المشكلة بعدك صغيرة وباتقدري اتجددي حياتك والمثل بيقول خد الي شاريك واترك الي انت شاريه فما بالك وزوجك اصلا مو شاري نصيحة اتاكدي من مشاعر حبيبك واذا هو جاد اطلبي الطلاق وابداي معاه من جديد وطمنينا ايش بيصير معك

  وتطورت العلاقة لحد ما صار يحكي معي 3 او 4 ساعات باليوم وكل كلامه نصائح وما فيها شي خارج عن الادب وزادت العلاقة اكتر واكتر لدرجة حكالي اطلبي الطلاق عشان يتزوجني ... وانا عايشة حاله ما بعلمها الا الله ....

لا تعليق لانو شي من الاخرررررررررررررررررررررر

  لاتغلطي هيك غلطة وتضحي بكل شيءفي سبيل وهم انتبهي لنفسك وحاولي ترضي زوجك وصدقيني رح تندمي كتير لو طاوعتي الشاب الاخر

  هذا الجنون بعينه و الخيانة بعينها

  اوعي اوعي اوعي.يعني بحكي معك وانا خبرة نت وشات وحب على الانترنت بس طبعاالحمدلله كانت قرارتي بالاخير تتحكم فيها عقلي .ما تخسري حياتك عشان انسان تعرفتي عليه بالنت.ازا بدك تنفصلي عن جوزك انفصلي بس لازم تستني فتره بعدها تراجعي امورك وتهدى نفسيتك.وبعدين صلي كتير استخاره.وما بتعرفي يمكن ازا انفصلتي فتره برجعلك جوزك وكمان يرجع بشروطك انت الي بتريحك ان شاءالله.فما تتسرعي بقرارتك الله يرضى عليكي.الله يهدي ويطمن بالك يا رب.

  بكره بنات الحمى كتير زنخات وبدخلو بكل شي اكيد عاملينلو حجاب او شكلو الكبير ما انا جوزي الكبير بس شو بطلع قدهم وقدود وحماتي مصريه بس ما بطلعو معاي براس لاني قويه وانتي كوني قويه لاني من اولها حطيت الهم حد

  يا بنت الحلال شو متدينه شو انتو كيف فاهمين التدين

التدين نظام حياه

التدين يعني تعرفي الله وتخافيه وتصبري

التدين انك تراقبي الله في تصرفاتك

التدين انك ما تخوني

بتفكري الخيانه بس بالزنا

الخيانه انك تفكري مجرد تفكير بواحد تاني وانتي محصنه ومتزوجه

الخيانه مش بس جسديه بتكون

يعني ما بعرف متدينه يا بنت الناس وبالساعات بتحكي مع واحد عن اخص خصوصياتك عن زوجك

هاي اسمها بالدين دياثه والعياذ بالله

مش بس الرجل بكون ديوث والمرأه كمان

والله اني حزينه على اللي بدر منك شو ذنبه زوجك الغفلان ؟؟؟؟؟؟؟؟؟؟

حتى لو مش سعيده وبدك تتطلقي هاد الحكي بكون قبل ما تعملي علاقه خارجه عن حدود الدين والاخلاق وبعدين لما تتطلقي اعملي اللي بدك ياه .

خساره يطلع منك هيك توبي لربك واستغفريه وابكي ندم على عملتك السوده بلكي ربنا سامحك .

ولو اطلقتي صدقيني برميكي برجله انتي مجرد تسليه ولهو ولعبه بلعب فيها وبعدين بياخد غرضه وبدير ضهره وعمره ما بفرجيكي ضهره .

لانه حيقول متل ما عملت مع زوجها بتعمل معي لو اخدتها

واحكيلك والله بكون عنده كل الحق .

اقهري شيطان نفسك وروحي صلي ركعتين واطهري من هيك اثم والله يسامحك خساره

  اول اشي العلاقة اللي بينك وبين الشاب على النت حرام وفيها اهانة الك ولزوجك ولأهلك سميها شو ما تسميها هاي علاقة غلط وحرام 100% ويمكن الشب مش صادق ، أنا بنصحك تتذكري حسنات زوجك واللحظات الحلوة بحياتك الزوجية وتقطعي علاقتك مع الشب فورا واذا ما استقرت امورك اطلبي الطلاق وانقذي زوجك المخدوع ، وتأكدي ما حدا بيستاهل يعمل علاقة معك الا زوجك اللي تعب ودفع مهر وتكلف وبنا بيت وجاب أثاث لانه عمل كل هاي الأشياء عشانك بس الشب اللي على النت شو عمل ؟؟؟؟؟؟؟؟؟؟

  نسوان قليلات عقل الله الشافي .. واذا اللي انت بتحكي معاه رماك زي ... وتركك وراح شو بتستفيدي بتكوني خسرت كل اشي في الدنيا.. يا عمي مالهم الرجال هالايام غير مبالين ما يهتموا في بيوتهم اكثر علشان النسوان ما تفلت لبرا

  الله يهدي زوجك و يهديك انت كمان شو تتطلقي ؟؟؟؟؟؟؟؟
ما تصدقي حدا و خليك مع زوجك اكيد رح تفرج عليك و خليها تيجي من زوجك احسن

  هو بيلعب بعقلك وإذا تطلفت من زوجك سيلعب معك أكثر وأكثر وسيطلب منك ألكثير ويتخلى عنك وستندمين على ألماضي ورايحه تقولي ياريت ماحصل إللِي حصل حينها لاينفع ألنَدم إعقلي وتحمَلي وعصفور باليد أفضل من من عصفور كل ساعه بهديء على شجره, وتوقَفي عن مكالمته بل أنصحك بتغيير رقمك ألهاتفي والَذي سيتحوَل إلى رقم هادمي, هوَ موش ناقصه بنات حتَى يتزوَج إمرأه مخلِفه بنتين وأقبلي نصيحتي قبل فوات ألأوان ويعرف زوجك بالموضوع

  أعتقد أن الذي يطلب منك تطليق زوجك لا يقدس الحياة الزوجية والطلاق عليه سهل فإن تزوجتيه عايرك بالمستقبل ووصفك بالمشكلجية وسهل عليه طلاقك منه ، فلهذ أنصح بأن تغيري مكان سكنك وياريت في مدينة أخرى حتى تبتعدي عن مشاكل الأهل فقد قيل بالأمثال : الباب اللي بيجيك منه الريح سدوه واستريح ، فأنا لا أفضل الطلاق من زوجك لاسيما وأن لديك طفل منه ، اصبري وحاولي أن تكوني ودودة وحنونة معاة فالقلب يدب محل ما يحب وادعي ربك بالهداية له دون أن يسمع هو وإن شالله بتتصلح أمورك

  لا يابنت الحلال وحدي الله شو هالكلام الفاضي


انا فاهمة كلامك بالنسبة لبيت حماكي والاستفزاز


بس انسي وطنشي


بعدين ماتنسي عندك طفلة والله بتتقلديها


بكرة بتربى عند بيت حماكي اللي انتي اساسا ما بتحبي تصرفاتهم او لاسمح الله الله بيبليها بمرة اب ظالمه


يا اختي تروي واتقي الله في ابنتك وفي نفسك


تحسبيلله وادعي صدقيني الاتهدأ نفسك


حاولي اقطعي علاقتك مع الشاب


نصيحة نصيحة نصيحة

  طيب فكري ببنتك ؟؟؟؟؟
و الي بتحكي مع رجل غير جوزها خاينة

  اعقلي ياحرمة


حطي عقلك براسك

والله لو اتزوجتي التاني راح يعايرك


كل الزلام هيك


وانا زلمه وبعرف



مشان هيك روقي وروقينا

وحاولي غيري جو تسوقي مثلا

اذا بدك عنا عروض بتجنن اشتري 3 كيلو ورق دوالي واحصلي على كيلو ونص كوسا


طبعا الحكي للجميع........

اخوكم ابو العبد -فرع سقف السيل

  اذا حياتك مع زوجك مستحيلة بنظرك يبقى من حقك تفكري بالإنفصال
لكن ان يكون هدفك تطلقي لتتزوجي من الأخر فهذا مرفوض, الموضوعين منفصلين, بإمكانك الإنفصال و بعدها يبدأ التفكير بمسار جديد لحياتك

  انضبي بدارك والله لو انك عندي لخلي الخيزرانة تعلم على جنابك .

  هاي خيانة و فعلا ما الك الا زوجك
و بقترح انك تقنعي و زوجك و ترحلو من البيت اللي انتو فيه يعني تبعدي عن دار حماكي
و نصيحة الك و لكل الأخوات اللي بدها تحافظ على حالها عمرها ما تصدق أي شب على النت لأنو الطريق الصحيح واضح فهو لو فيه خير ما بحكيلك اتركيه و خلينا نتزوج. فاتقي الله

  مش عارفة شو أحكيلك صراحه استخيري ما الك غير الله بتخافي يطلع الشب كذاب خاصة انك عرفتيه عن طريق النت وعندها بتكوني خسرتي كل شي ،
حاولي تقربي من زوجك واحكي معو بصراحه واحكيلو عن اللي مضايقك منو بلكي الله هداه ورجعت علاقتكم زي الأول
مش عارفة ليه الزواج ببدى بالحب الكبير بعدين بسير فتور بالمشاعر وبختفي هذا الحب مع الوقت

  انا بصراحة كوني مرشدة واحمل درجة الدكتوراة في الارشاد النفسي اتمنى ان تطرحي على نفسك السؤال الاتي : ياترى ما مدى ثقته بك بعد الزواج هل تعتقدي ان الرجل الشرقي يستطيع ان يغفر لزوجته الماضي ؟ وانت قبل دلك مشكلتك بالاساس مع اهل زوجك وليس زوجك لما لاتقترحي عليه العيش في مكان اخر ؟ وايضا الطفلة ما دنبها ان تعيش مع زوج الام او زوجة الاب !

  خافي الله

  حبيبتي انا حاس فيكي وانسى موضوع الطلاق ابدا ولا تنسي انه عندك بنت وهيه رابط بينكوا احسن حل التفاهم اقعدي مع زوجك واطلبي الرحيل من البيت واقطعي علاقتك باهله واستقري ودير بالك ع بيتك وزوجك واولادك ودعيله بالهداية واوعي تخونية " الخيانة اصعب شي بالدنيا "

  طيب بلكي هاد الشب تبع النت بضحك عليكي انتي اتطلقتي من جوزك وهو تركك ساعتها بتخسري الاتنين وبتروح عليكي انتي,,,احكي لجوزك يشتريلك بيت بعيد عن اهله هيك بترتاحي لانو السكن عند اهل الزوج ما بجيب غير المشاكل

  يااختي كل انسان لما بيكون عندو مشكلة بحب يلجأ لشخص اخر سواء كانت صديقة او صديق او جيران مثلا عشان يسمعلو و يخفف عنو من هموم هالمشاكل بس مو معناتو كل ما بدنا نفش قلبنا لحدا بدنا نتطلق و نتجوز واحد تاني .

بدي احكيلك شغلة انو لازم تفكري في المشكلة تاعتك و وضعك مع جوزك بتفكيير بعيد عن علاقتك في الشب هادا يعني بدك تتاكدي انك مو قادرة تستحملي جوزك و تستحملي الوضع الي انتي فيو و انك قادرة تعيشي حياتك من بعد الطلاق من دون زواج تاني لانو يا اختي ممكن ما يكون الك نصيب مع هالشب و ما بتعرفي شو ممكن يصير مثلا يمكن امو للشب ما ترضى انو ابنها يتجوز وحدة مطلقة عشان هيك يا اختي نصيحة الك انو فكري منيح من دون ما يكون في اطراف داخلة في تفكيرك .

تاني شي ليه مااطولي بالك على زوجك صدقيني بتفرج بس انتي غيري اسلوبك و طريقة تعاملك معو و ما اضلك تشكيلو عن اهلو لانو والله بكرة بيزهقك و بيزهق اهلو كمان لانهم اكيد بيشكو عليكي و بيسمعلهم ، كوني انتي الاشطر مهما عمو استحملي عشان لما يجو اهلو يشكو عنك يشوف انو والله مرتو هايها ساكتة و ما بتحكي شي فهيك بتكسبيه لصفك .

والله الموفق

  شو ما كان زوجك ما تتهوري وتطلبي الطلاق وتروحي لواحد غيره وانتي ما بتعرفيه حتى لو كل يوم بتحكو 3 - 4 ساعات هل بتعرفيه متل ما بتعرفي زوجك؟؟؟ وبعدين ما تنسي انه عندك بنت يعني ممكن لما تتزوجي يرفض انه بنتك تعيش معكم- ولو رضي بالاول ممكن بعدين رح يعايرك فيها ويحكيلك هاي مو بنتي ويعملك برضه مشاكل وتصيري تحكي والله زوجي كان زمان ارحم منه!!!؟؟؟
توكلي على ربنا واصبري مافي احلى من الصبر الا ما الله يفرجها عليكي واعتبريها ابتلاء من ربنا وبده يشوف قديش انتي بتصبري وبتتحملي- احكي الحمد لله عكل شي وحاولي تقعدي وتتفاهمي مع زوجك باسلوب هادي ورايق
والله يوفقك يارب بحياتك ويفرجها عليكي 

  طيب بلكي هاد الشب تبع النت بضحك عليكي انتي اتطلقتي من جوزك وهو تركك ساعتها بتخسري الاتنين وبتروح عليكي انتي,,,احكي لجوزك يشتريلك بيت بعيد عن اهله هيك بترتاحي لانو السكن عند اهل الزوج ما بجيب غير المشاكل
الرجاااااااء النشر مش سبب مقنع تم الحظر بسبب تكرار المحتوى!!!!!!!!!!!!!!!!!!!

  اذا انتي كنتي متاكده انه حياتك مستحيله مع جوزك فجربي حظك مع التاني لانه الغريق لا يخشى من البلل ولانه مجتمعاتنا المتخلفه في حاله الطلاق تدمر المراه وتجعلها في حاله عزله والم دائمين
بس لازم تكوني متاكده انك بتقدري تعطيه الاولاد وما تمرضي نفسيا عليهم لانه حسب قانونا المبجل الاولاد في حاله زواج الام للاب وكانه يقول للمراه المطلقه انتي ليس من حقك ان تتزوجي يجب ان تعيشي حياتك وحيده من اجل ابنائك اللي ممكن يطلعو حاملين صفات ابوهم المحترم!!!! نصيحتي اذا انك تعبانه اخلعيه واخلعي وجهه وتجوزي هذا حقك كانسانه تعيشي حياه كريمه واذا ما ارتحتي مع التاني بتكون محاوله وفشلت خلصناوالمثل الانجليزي يقول ان تضيء شمعه خير الف مره من ان تلعن الظلام!!!!!

  والله نحنا بزمن الله يستر منو ولك انتي صاحية على حالك شو بتحكي بتخزني بجوزك اصلا ما في شي يسمح ولا تحت اي مسمى انك تحكي مع واحد غريب ولو باي وسيلة
عن جد بطلت الناس تستحي
انتي بتضمني انو هالمحترم اللي بتحكي معو صادق معك
جد زمن العجايب
انتي ما بتستاهلي اصلا تضلي ببيتو ولا دقيقة لانك ما صنتي عرضة وشرفة
بصراحة انا ما كنت بدي اعلق على الموضوع بس جد لو اشوفك قدامي كنت فرجيتك شو ممكن اعمل
استغفري ربك 10000000 مرة واستري بيتك واحفظي عرضك احسن وبلا من كل هالحكي الفاضي اللي ما الو معنى وكلو فحش ومنكر
انضبي

  مشكلتك أثرت بي كثيرا أكيد هلأ المعظم رح يلعبوا دور الناصح ويحكولك زوجك وبنتك بدك نصيحتي بصراحة إحنا بنعيش بس مرة وحده بحياتنا طالما زوجك مارح ينعدل حاله وهادا واضح فإذا كنت واثقة من الرجل الذي اختاره عقلك تبقى مشكلة وحيدة أمامك إبنتك؟؟؟؟

أكيد مارح يتنازل عنها حتى بحكم القانون فمن حقه تربيتها .

  نسيت احكيلك الله يرحم ايام زمان لما كانو ياكلو قتل النسوان وهيهم ربو زلام اليوم بنات هالايام جوزي حكا معي وجوزي سبني وهادي اكبر مني وهادي ما بعرف شو جد قلة حيا ومسخرة

  اتمنى لك الحياه السعيده ولكن في البداية لاتنسي انك متزوجه حتى الان وان اتصالك مع اي شخص اخر يعتبر خيانه وان كان زوجك لا يعلم فإن الله سبحانه وتعالى يراكي وهذا تصرف خاطئ انصحك اولا بقطع اتصالك مع هذا الشخص ايا كان و بأن تحاولي مجددا مع زوجك وان تتفاهمي معه وان تستقلوا في مكان بعيد عن أهلك وأهله وان اصلح حاله الحمد لله وإن لم يصلح حاله تفاهمي على الطلاق منه وان يكون بالتراضي وبعدها فكري بحياة جديده مع من تريدين

  سلام اختيززمع الاحترام لك والتقدير مادح نفسه كذاب فالمثقفة جدا لا تكتب بالاغلاط اللغويةاللي حضرتك كتبتيها...
تاني شي لو انك صادقة مع نفسك يجب ان تفكري بحل المشكلة بينك و بين زوجك سواء بالطلاق او غيرو و بعدين بتفكري ترجعي تتزوجي
ازا مو عشانك عشان عالبنت المسكينة,,كيف بتحكي مع رجل ساعتين وتلات وبتتركيها لحالها؟؟؟
انا متزوجة و زوجي بحب اهله كتيييير و بسمع منهم كتييير و هاد شي مدايقني بس بقعد معه و بحكيلو يسمعني و منطاوش بس ما بروح احكي مع رجل تاني..و انا شايفة انو الرجل اللي بتتحدثي معه مارح يتزوجك و هو بس بتالعب فيكي
انا بعرف شو يعني مشاكل مع الزوج بس بعرف انه اللي بتعملي اسمه خيانة ربنا ما برضى فيها.. سلام الك و بتمنى الله يهدي زوجك و اهله يخفو عليك وانت الله يساعدك و يهديك..
اماني

  اولا انت امراءة خائنة لزوجك واتقي الله احسن الك
ثانيا انا مش شايف في مشكلة بينك وبين زوجك كل اللي حكتي بصير مع كل الازواج
ثالثا روحي اتطلعي على تجارب بنات اكثير انصاعن وراء الخيانة وشوفي شو كان مصيرهم
رابعا انت انسانة ما عندك اي احساس بشوف ما جبتي سيرت بنتك شو موقعها من الاعراب عندك

فانا بنصحك يا اختي اتقي الله وديري بالك على زوجك وبنتك ادخلي فيهم الجنة لانه انا رايي على تفكيرك هاد انت الخسرانه دنيا واخره حرام عليكي وانا متأكد انت هاي لحظة ورح اتروح لحال سبيلها ورح تتذكري بيوم من الايام شو كنتي بدك تعملي في حالك وفي اهلك وفي عائلتك رح اتنزلي راسك وتستغفري ربك

  السلام عليكم
اختي الكريمة فكري ببنتك ومستقبلها وما تتخذي اي قرار اناني متسرع, وما بتعرفي يمكن يكون الي بتحكي معه فيه صفات انتي ما بتعرفيها يمكن تظهرلك بعد ما تتزوجيه وتكون سيئة وما تقدري تطيقي حالك معه, فكري منيح بكل خطوة, حاولي انه تفتحي قلبك لزوجك احكيله استعطفيه, ذكريه بالايام الحلوة الي متل اول,فكري باي طريقة انه تحلي مشكلتك بس عمره الطلاق ما كان حل, بتمنالك حياة سعيدة وبتمنى انه ما تفكري بالطلاق,وفكري ببنتك شو ممكن يصير فيها والتمزق الاسري الي ممكن يصير,وحاولي انه ما تحكي مع الشب الي تعرفتي عليه, عشان ما ياثر هالشي على محاولتك للاصلاح, والله يفرج عنك وترجع علاقتك مع زوجك متل الاول واحسن يارب.

مع تحياتي
المحب للخير

  في اميركا يتحدثون عن مخاطر الانترنت ونحن طبعا لن ندركها الا بعد مرور عقود من الزمان.

يا اختي النت مليء بالمجرمين والمرضى النفسيين والنصابين وصائدواالنساءولن يخلو من القتلة فلن يأتيك ابن الحرام الا بهذا الاسلوب وهو الاحترام المتبادل والاستماع الجيد لشكواك فاحذري ثم احذري.

للاسف نحن هنا وبنسبة 80% لا نعرف من فوائد النت الا غرف الدردشة للبحث عن زواج او علاقة محرمة ولا ندرك فوائده الجمة في كل المجالات.

انصحك ان تكوني اكثر واقعية واكثر حذرا في التعامل مع الرجال فلو ان كل زوجة قامت بالتعرف على رجال اخرين كلما تشاجرت مع زوجها فعلى الدنيا السلام .

ابعدي قليلا عن هذا الجو المشحون بزيارة اهلك وعيشي الحدث وتخيلي انك مطلقة فستدركين معنى وجود بيت زوجية يضمك انت وطفلتك ..

  هل تعلمي انك اخطأتي بحق زوجك اكثر مما هو اخطا في حقك بما انك مازلت على ذمة زوجك فاعتقد انك خنتي زوجك مع رجل اخر فيا عزيزتي انت اتجهتي الى الطريق الخاطىء وهو الخيانة .... ومن وجهة نظري بالعامية انه الي برضى الك تخوني زوجك لا تأمني الو واحساسي بحكيلي انو راح يلقلك على الناشف واذا ماحلقلك وصدق معاك ماراح تنبسطي ابدا معاه وراح يضلو شاك فيكي وراح تقلب حياتك مسخرة هاد اذا صدق معاك

فنصيحتي لك ارجعي لزوجك بلا قلة عقل واقطعي اتصالك فية يعني احليقيلو قبل مايحلقلك وانت بتعرفي شعر الزلمة قصير بسرعة بنحلق

وتحياتي الك والله يهديك للطريق الصح

وبعدين انا بدي اطرح مشكلة وبرجو منكم تساعدوني ... صارلي اسبوع بقلب بالتعليقات وافتقدت مع احترامي للجميع لتعليقات (دلوعة) الي بعرف اشي عنها يطمنا

وشكرا

  ومن كل عقلك مصدقيته؟؟؟؟؟؟؟؟؟ى جد انا مستغربة!!!!انتي هلأ حالتك النفسية سيئة ويمكن زهقتي من اللي بصير معك ...وعشان هيك صدقتيه .وانتي حكيتيها بعضمة لسانك الغريق بتعلق بقشة ..شو بعرفك مش يمكن بحكيلك اتطلقي عشان اتجوزك وبس تتطلقي ما رح يعترف فيكي بس هيك خراب بيوت ..انا بأكدلك مية بالمية انه كزاب ..وجوزك مصيره رح يعرف انك منيحة ومش هيك ..بس اتحملي شو ..وتأكدي انه الشب اللي بتحكي معه كزاب كزاب كزاب...ما الك الا جوزك ...اصحك تصدقيه

  اختي الغالية:- مييييييييييييييشان الله احكي كلام منطقي بتحكي معاه من ورا جوزك اتخيلي جوزك عرف شو راح يكون موقفك قدامه و قدام اهلك وابنك لما يكبر اني كنت احكي مع واحد وانا متجوزة ابوك؟؟؟؟؟!!!!!!!!!!!


الله يهديك وكل هادا و مش خاينة!!!!!!!!!!!!!!!!

بتحكي مع شب تلات اربع ساعات و بتحكي انشالله ما اكون خاينة؟؟؟؟

اتمسكي بجوزك و قد ما كان انت مصدقة انو راح يتجوزك بعد ما تتطلقي والله انه بضحك عليك يا مسكينة

نصيحة :- حاولي تتفاهمي مع جوزك و تحلي مشاكلك معو لانك صرت اتشوفي جوزك جحيم والشب الي بتحاكيه جنة مع انو يمكن يكون العكس
والله كله هادا من عمل الشيطان

حطي عقلك براسك يا عمري

  حبيبتي الله يسعد ديري بالك يكون الشب بيضحك عليكي يحكيلك اطلقي وبعدها ما تشوفي وجهه...بتصير باحسن العائلات لأنو

  الله يعوض علينا,,,توكلي على الله واعملي اللي براسك من دون استشارة .. انت اصلا مش بحاجة قال متزوجة وبتحبي عالنت لا وعندك بنت كمان وكل هاظ عشان كم مشكلة مع اهل زوجك توكلي على الله يابنت الحلال توكلي على الله والله بنات هالايام بفقعوا...

  انا بنصحك و بنصح اي امراة تعيش حالة تعيسة مع زوجها ان تنهي علاقتها معه حتى لو لا يوجد شخص اخر بحياتك ليش العيشة مع شخص يعاملك بطريقة حيوانية المهم ان يقف اهلك بجانبك و ان لم يقفوا كوني قوية و لا تتنازلي عن حقك و بعد انتهاء الطلاق فكري بالزواج اذا كان الشب محترم و نصيحة الى جميع المقبلين على الزواج اسكنوا بعيد عن الاهل

  فيه من الشباب اللي بقعودا على النت هدفهم التخوث وبعملوا من البحر طحينه وانهم ملائكة بس رجال المجتمع الشرقي بشكل عام ما بقبلوا انهم يرتبطوا بي واحده مع احتامي لكي تركة جوزها من شانهم بوخذ اللي بده اياه وبزحلق للك ديري بالك ورائك طفله بكره بتنحرف وبتصير من اللي معك خبرهم وانتي ما حدا بطلع عليكي واذا جوزك واهل مضايقنك حاولي ارحلي ولا تحكي معه على النت لانه راح تضلي تطلعي على جوزك كانه حيوان وهذاك ملاك نصحيه من شب شاف كتير

  ممكن يطلع هاد الشخص كزاب وعم يضحك عليكي لا تتسرعي يمكن ربنا يهدي زوجك حطي قرأن بالبيت وخصوصا سورة البقرة وانشاء الله ربنت بهدي بالكم

  بتعالجي الغلط بخيانة ,اول شي فكري بخيانتك لا زوجك ,, كيف بتسمحي لا واحد غريب يعرف خصوصياتك مع زوجك ,, و حتى لو طلقك زوجك و اتزوجتيه و انا مستبعد اني يتزوجك و لو حصل و اتزوجك راح يضل ينظرك انك بيوم خنتي زوجك اول .

  تتطلقي ازا هيك ليه تجوزتي وبليتي ابن الناس فيكي انتي هلا الهادية مش شغل مشاكل والناس بتتبلى عليكي ازا بتحكي مع واحد 3-4 ساعات وين اهتمامك بيبيتك وبنتك ولما تتطلقي فكرتي ببنتك انتي هيك انانية ومش ناضجة بتفكري بحالك وهاد الي بدك تطلقي عشانه برميكي وبقلك ما باخد وحده خانت جوزها ورمت بنتها وعقلك براسك تعرفي خلاصك

بنات اخر زمن

  لا حول ولا قوة الا بالله، هداك الله يا اختي، هذا صديق النت هو شيطان، تعوذي بالله منه، واقطعي علاقتك به فورا، فلو به خير لما طلب منك هذا الطلب واراد ان يهدم بيتك وضياع ابنتك. اصبري وادعي الله ان يهدي زوجك هو الحل. ارجوك مرة اخرى ان لا تنزلقي هذا المنزلك مع هذا الشيطان.
وفقك الله

  no comment الخيانه مرفوضه بشتى اشكالها بكل القواميس وانتي مع احترامي الك خونتي قبل زظوجك وكل الي بيصير معك ما بغفرلك انك تخونيه ازا مو عاجبتك حياتك اتلركيه مو تلجا للنت والشب هادا حرام الخيانه حرااااااااااااااااااام استغفري ربك وارجعي لعقلك سدقيني حتلا لو اطلقتي هداك ما لراح يطلع فيكي شوه ما كان منيح لانه راح يحكي ازا زوجك خنتيه معه ف اكيد راح تحونيه وما راح يأمن عليكي ارجعي لبيتك وولادك وانسي قصص الشب واستغفري ربك

  لا

  بسم الله الرحمن الرحيم

الاخت الكريمة اولا كان الله في عونك على ما قرأت والمشكلة صعبه ولكن بالحكمة قد تتهاون الامور امامك في البداية ومن الواضح انكي احببتي هذا الشخص الذي تتكلمين معه على النت والواضح انه بيحكي معي تلفونات كمان بس انتي خجلتي تحكي المهم

بنصحك اولا انك ترجعي لجوزك وتقعدي تتفهامي معه وتنصحيه بالحسنى وتوعيه ولا تفكري الامر هين بكره ان تطلقتي مش رح تخلصي من اهلك والناس ورح تخسري بنتك كمان لا تفكري بعواطفك ويا ستي ان صبرتي لكي الجنة ان شاء الله احسن الك من الدنيا ومن جوزك ومن اهل جوزك والصبر اخرته الجنة ان شاء الله

لا تتهوري واعقلي ولا تطوري الامور اكثر مما هي ونصيحتي الك اقطعي علاقتك في الشب على النت لانه العلاقه حرام حتى لو بسب حكي عالنت



مش ملائكه اللي بتنصحك بس صدقي اصبري وارجعي لربنا وادعيه رح يحل المشكلة لا النت ولا انا ولا حد بحلها وما بتعرفي شو ممكن تلاقي اسخم من جوزك



شكرا

  الشيطان له اشكال كثيره ويبدو انك شخصيتك ضعيفه ما عم تاخدي حقك .انتي حطي حد للكل ولاقي طريقه ترجعي جوزك لصوابه كوني زكيه.مش كل ما يصير مشكله عند بيت لازم يتطلقو .الطلاق كارثه

  انا بفضل تتزوجيه وبعدين براحتك اطلقي الاب والبنت

  هذا شيطان انس والعياذ بالله بدو يطلق المراة من جوزها يعني هاي نتيجة العلاقات المحرمة وليش الاسلام حرمها يا اختي استغفري ربك وتوبي وصابري مع زوجك والك الاجر.

  هاي اسمها خيااااانه

  يا اختي انا بدي امشي معك انك اطلقتي
واتزوجتي تبع النت
هل هذا الشخص راح يكون زي ما انتي مفكرة انو ملاك
صدقيني اول كلمة راح يقولك اياها راح تعرفي غيري عاالنت زي ما عرفتيني
يا اختي اجعلي صبرك وايمانك بالله كبير
ان بعد الصبر الفرج ان شاء الله

  نصيحة مني لا تفكري بالطلاق انا بحكم عملي واجهت حالات كثير وبعد الطلاق ما يعو يبين الشب الصديق وراح تظهر لك ظروفه الحقيقيه الي راح يعتذر فيها منك او على الاقل راح يطلب تاجيل فكرة الزواج لغاية ما يختلقلك المشاكل ونصيحة اخ لاخنه استمري مع زوجك لاجل خاطر بنتك مش عشان زوجك والله يكون بعونك ويظهر الحق

  اول شي
انا شب من الاردن بس بشتغل ب جده

انا ما بدي احكيلك اني ملاك ,,بس و عزة الله دايما بحكي لحالي كان عندي دين و انا ب اردن بس هلا استغفر الله العظيم ديني بحكي انو قل كتير فوق ما تتصوري ..
انا بجدة اتعرفت عل بنت متزوجة ,,,اول شي كان كلامنا نصائح و فضفضة و بصراحة انا كان عندي مشاكل مع اهلي ف كون اشكيلها همي و كان عندي مشاكل ب شغل و هي كمان كانت تشكيلي من زوجها و من اهلو عل فكرة هي كمان سكان جدة متلي يعني ,,
اتطورت علاقتي معها لدرجة اني صرت اكلمها اكتر من 30 مرة باليوم و زادت علاقتي معها لدرجة صرت امارس..... معها عل نت و زاد موضوعي سوء لحد رمضان الماضي صرت اروح لا عندها بالبيت و زوجها و بنتها الصغيرة نايمة و امارس ...
و لهلا انا بروح لا عندها ...
بدعي ربي انو يغفرلي لاني جد ناوي ابعد عنها بس و عزة الله مش قادر ..
انا حكتلك قصتي لاني ازا ناوي اتزوج ما بدي نت بالبيت عندي لانو جد خربان بيوت ..
نصحيتي لا الك مع اني بدي واحد ينصحني فلتيكي من شب الي بتحكي معو و اهتمي ب زوجك و بنتك...

  أختي الفاضلة:
اسأليه.. كيف ينظر الى الفتاة التي تتحدث مع الشباب عبر النت، و هل يسمح ذلك لأخته اذا تحدثت عن طريق النت حتى لو مع شاب محترم مثله؟
اسأليه كذلك (أو حاولي استنباط ذلك من خلال نقاش معين).. هل ينطر الى الفتاة التي تطلق زوجها لأجل الأرتباط برجل أخر نظرة أحترام؟

الهدف من هذه الأسئلة هو معرفة على ماذا سيرسي هذا الرجل بعد أن يتزوجك و يعتاد عليك حيث غرائزه تشبعت. قد يفقد الثقة بك حيث يخشى أن يحصل معه كما حصل مع زوجك الحالي.. أخشى أن يعايرك بهذا ...

الخلاصة: استنتجي البيئة الثقافية التي يعيش بهاهذا الرجل، أذا كان ما تعملينه مقبول بالنسبة لديهم، تزوجيه، أما أذا لم يكن كذلك، فستعيشين في دوامة انك المرأة الخادعة التي تعاكس الشباب.

أنا أفهمك جيداً و أفهم الحياة التي تعيشين بها، و لكن كوني على ثقة، أن المحظوظين فقط، هم الذين يخيرون بين "الخيار الحسن و الخيار السيء" لأن الكثيرين مخيرون بين سيء أو أسوأ

  صدقيني اني تاثرت كثير بقصدك بس للاسف اطلعتي في النهايه خاينه وبتستحقي الي بصيرك . قليل عليكي الي بيعملوه اهله فيك. انت لازمك حرق.... حرق. انت وكل الي مثل شكلك.

  just go ahead in your future don't let him destroy your future he might leave you later after you get older

  هلا فكري بالطلاق اذا انتي مش مرتاحه بالمره واستخيري وناقشي زوجك في هذا الخصوص احكيلو انو هاي العيشه ما عادت تنطاق شوفي وجهة نظرو بلكن عدل من نفسو لما يشوفك انو انتي خلاص وصلت معاكي
خلي الصراحه اول شي بتقومي فيه
بس اشي واحد لا تعلقي امالك بانسان مجهول كل اللي على النت بيظهرو اجمل شيء فيهم وما بتعرفي شو عيوبهم.
بس اهم شي فكري اذا حياتك رح تتعدل او رح تضل زي ما هي
وبعدين اذا زوجك اصلو كويس رح يرجع كويس بس تروح الضروف المحيطه فيه اصبري ان الله مع الصابرين وخليكي منيحه للاخر
الله يصلح امورك ويوفقك اختي

  ana bansa7 bema enno elmawdoo3 wesel la 3adam wel e7teram wel ehaneh welli ho behdim el7ob..we sa3eb yeraj3o..enno to6lobi el6ala2 ..enti lessa sgheereh we 3andik mostakbal be ghad elnathar 3an el3alak el okhra 3al net..welli mesh makbooleh..

  انت على اول خطوه بطريق خراب بيتك وضياعك,انا متاكد الشاب الذي يريد ان يبني سعادته على خراب بيت غيره هذا مش خلوق ولاا مؤدب ولا راح يتزوجك,وحتى لو اتزوجك راح يظل يشك فيك. بالنسبه للمشاكل التي تعاني منها طبيعيه وبتحصل بكل البيوت وبكره مع الزمن الامور راح تتحسن وزوجك يصير يقدر الامور بشكل احسن.
لا تخربي بيتك بايدك واقطعي علاقتك مباشره بهذا الشاب.والله الموفق

  وين تعليقي يازاد out look man

  قبل ما تفكري بحالك
فكري بنتك
يعني انا لو لا سمح الله مكانك
ممكن اطلب الطلاق بس مش عشان اتزوج واحد تاني وايتم بنتي واعيشها حياة جحيم اكتر من حياتي انتي هلا موجودة عشان بنتك وحياة بنتك
اهم بكتير من حياتك لو كنتي انسانةطبيعية وعندك قلب
من وين بتضمني شب عرفتيه عن طريق النت وكيف بتضمني انو بيحبك مش بيشفق عليكي
خصوصا انو سبب تعارفكم الفضفضة
و كيف بتسمحي لحالك تعملي هيك علاقة من اصلو ما فكرتي بسمعة بنتك لو لا سمح الله انكشف الموضوع
والكل يقول طب الجرة على تمها بتطلع البنت لامها
حبيبتي الحكي مو متل الجد يمكن الشب يتزوجك وبعدين يقول شو هالورطة
انا بحكيلك عن خبرة وحدة كتير قريبة مني اتصرفت متل ما بتفكري صح انها تركت جحيم بس والله فاتت بجهنم
وبتتمنى ترجع للجحيم اللي كانت فيه والله ما بتسوى فراقك لبنتك او لو زوجك المستقبلي وافق انها تعيش معكم وابوها رضي بالموضوع ما بتسوى شعورها بالغربة ببيت مو بيت ابوها الوحدة بيكونلها مرت اب وما بترتاح كيف زوج ام
طبعا لو رضي ابوها يعطيي حق الحضانة وهدا اكيد مش حيكون
هلا مشكلتك مع زوجك وبيت حماكي
ما فيه رجال طبيعي (شرقي)بييجي على اهلو مع مرتو حتى لو معها الحق ولو اكلوها حتى هيك مجتمعنا طبعا ما بيعني هدا اني بايد هدا الشي بس هيك مجتمعنا اللي بنضطر نعيشو بمحاسنو و المساوئ لكن حبيبتي الصبر مفتاح الفرج
كل البنات عايشين الجحيم
شطارتك تسايري اعتبريهم متل ال(عفوا)الكلاب ازا بيعوو ما بتعوي معهم
يحكو يعلقو يتدخلو اسكتي اخرتك بتسكري بابك عليكي وزوجك معك
اتخيلي لو عايشة بغرفة مهعم؟
و شطارتك تكسبي زوجك بالكلام الحلو والمعاملة الحسنة مو بس يرجع للمشاكل طبعا بدو يبطل يطيق البيت
مو قصدي انو هوة الصح بس هوة حياة بدك تعيشيها وانتي بدك العنب مو تقاتلي الناطور
حاولي تكوني سياسية والله مشكلتك بتهون قدام مشاكل غيرك
كل الرجال بيحاولو يحسسو ستاتهم انو طلاقها سهل
بس الحقيقة غير هيك هما بيعتبروها رجولة مش اكتر
ستي ارضي غرورو
وانسي شو ما حكولك اهلو و شو ما عملو معك
وارميه ورا ضهرك مجرد ما شفتي زوجك
هيئيلو جو يبعدو عنهم و يضل عندك مو العكس
هون الشطارة والله عن تجربة بحكي انا متزوجة وشايفة اللي ما شافو حد بس والله عمري ما عملت مشكلة مع حد لما اخوات زوجي بيدايقوني ما بركض عليه احكيلو ولا بعاتبها بس بوصل لزوجي الموضوع بطريقة انو يا حرام اليوم فلانة شكلها كانت كتير متضايقة عشان هيك حكتلي هيك بس انا مسامحتها وانا بكون قرفانةبالحقيقة منها بس بوصل لزوجي المعلومة بطريقة حلوة وهوة بيحترمني لاني عاذرة اختو وبيفكرني بحبها و حتى لو ما نجح معك اي طريقة لعيون الامورة الصغيرة بيهون كل شي وحبيبتي ازا بدك اي نصيحة او حد يخفف عنك انا مستعدة اني اكون انا واياكي على اتصال دائم احنا بنات من عمر بعض بس كل ما في الموضوع اني عندي تجربة سابقة خبريني على نفس الموقع وانا ببعتلك ايميلي او متل ما بدك الله يوفقك

  الله يهديكي ، شو الكلام اللي بتحكيه فكري ببنتك شو بدو يصير فيها ، المشاكل بتنحل ما في مشكلة بظل طول عمرها ، بس من حل لحل بختلف ، انا بنصحك تتقي الله وسيبك من هاد الشب لانو انتي حكيت : كنتي انت وزوجك ما في احلا من هيك في بداية الزواج ، والشب راح يكون نفس الشي اولها دلع واخرها ولع وخاصة انو بنتك مو بنتوا فحاولي تحلي مشاكلك مع زوجك بعيد عن اي حد غريب

والله تعالى اعلم

  طيب انتي باي حق بتحكي مع الشباب من ورا ضهر جوزك عيب عليكي الطيبون للطيبات و الخبيثون للخبيثات

  أختي الكريمة، ما بني على الحرام فهو حرام
وعلاقتك مع الشاب الذي تعرفت عليه بواسطة الإنترنت هي حرام
وكلي أمورك لله وبرأيي فإن أهم مشكلة يجب أن تتخلصي منها هي الشاب الجديد الذي سيسبب لك مشكلة لا تتخيليها إن عرف زوجك الحالي بها أو أهلك، والأهم من هذا كله هو الخيانة والعلاقة الغير شرعية وما يترتب عليها من حساب من رب العباد
لك دعائي بالتوفيق

والرجل مفتاحه التودد له، فتوددي له وتطيبي وتزيني له واعتني به وادعي الله له بالهداية وبرقة القلب

  شوفي حبيبتي لسه انتي بداية الطريق ..يعني 3 سنوات زواج مو هاي الفتره الزمنيه اللي ما تقدري تساعدي نفسك وتحلي مشاكلك انا معك معظم مشاكل البنات المتزوجات سببها الاهل سواء اهلك او اهله اول شي حاولي تعرفي ليه اهله بكرهوكي او بعملو مشاكل معك ما اعتقد انو في حد بيكره حد بدون سبب ولو افترضنا ما في سبب بكون اكيد السبب هو نفسه اللي عند كل الاهل وهو انو الزوجه اجت واخدت ابنهم منهم وتملكته فيا اختي انا من رائئ حاولي تتقربي من اهله وتحبيهم وتتفاهمي معهم وتكوني بنت الهم اكتر من زوجة ابن وديهم عامليهم بالمعروف والعطف اعتبريهم اهلك اجلسي معاهم وناقشيهم بكل حب ود
حتى بدون تدخل زوجك المراءه يا اختي عندها القدره على كسب ودد اهل الزوج باي طريقه وبعدين لا تنسي انو في بنت بينكم بلاش تعيش بينك وبينه بسبب الطلاق وتكون ضجيه الكم من المفروض انو جوزك يحترم اهله وخواته هدول اهله اللي ربوه تعبو عليه حتى صار رجل ومو لازم يعصاهم او يكون عاق الهم اجلسي انتي وهو وراجعي نفسك انتي وهو ليش صار هيك ليش تغير اكيد في حلقه مفقوده بينكم مو شرط منك ممكن منه او ممكن انتي صار تقصير من طرفك بالحب والعطف عشان هيك بطل يسمعلك اما اذا سكرت كل الطرق بوجهك وحابه تتركي هلا احس من بعدين مو بعد ولدين وتلاته بس لازم تعرفي انو اذا بدك تطلقي اطلقي بدون ما يكون بحياتك شخص هو يشجعك على الطلاق اطلقي وبعدين فتشي عن الانسان المتاسب اللي يحتويك ويحبك وبعدين كيف عرفتي انو هادا الانسان رح يضل يحبك على طول ممكن يتعرف على وحده تانيه عن طريق النت ويعمل معها علاقه يعني متل ما عرفك رح يعرف غيرك وممكن بعد فتره ينظرلك على انك خاينه ورح تعملي مع غيره متل ما عملتي معه ... وبعدين وين بنتك من كل هادا رح تخسيريها وتخسري حضانتها وتتركيها عند ابوها وممكن ابوها واهله ينتقمو منك فيها فكري وحاولي تتفاهمي انتي وزجك وتكوني قريبه منه وتحملي ومو ضروري تشكيله اي شي والله يوفقك

  نصيحتي لك اولا انسي الشات وثانيا اتقى الله اكثر واصبري واحتسبي الاجر من الله وسيفرج الله همك وكربك ...

  إنت مجنونه؟؟؟؟ ما في بالدنيا كلها رجل يتزوج بواحدة طلقت زوجها لتتزوجه. إنت بتقولي إنك دينه إقرائ قرأن و ما تشكي تغير الله. إترفعي عن المشاكل و شو ما صار ما تهتمي و بعد فتره من البرود رح يملو. إتوكلي على الله (كبريها بتكبر و صغريها بتصغر)

  ما تصدقي حد .. كل الرجال عالنت كزابين ولو حلفوا مليون يمين .. عمرها العلاقة اللي عالنت ما بتكون صادقة.. واول شي رح يفكر فيه انك تركتي بيتك وولادك وزوجك عشانه وانه من الممكن تتركيه عشان غيره .. ما تصدقي حد.. حاولي تتفامهي مع زوجك وازا ما مشي الحال احكيلوا انك بدك تتطلقي وشوفي ردة فعله بس ما تقوليله وهو معصب ..حاكيه وهو رايق ووقتها رح يتخذ قرار صح وازا كنتي حاسة انك مو قادرة تعيش معه اطلقي بس مو عشان تتزوجي حد تاني .. اطلقي لانك مو سعيدة مع زوجك

  اوهام الانترنت
ما رح يتزوجك لانه عارف انك بتخوني زوجك صدقيني
و اذا تزوجك رح يضل يعايرك و يخاف منك لانه ممكن تتريكه هو كمان
اهلك و اهله و هو كلهم شايفينك غلط و انتي شايفه حالك صح؟؟
سبحان الله
لله في خلقه شؤون
انا حاسك لسا بتعيشي فترة مراهقة
حرام على امثالك يكونوا امهات
الله يعين بنتك عليكي

  اختي العزيزة لا تصدقي النت والشات فأنة محرم اتقي الله فيكي وبطفلتكي واصبري فأنك عند الله من الصابرين وبأذن الله سوف تتفير الامور واتقي الله وابتعدي عن الشات فأنة تم تحريمة وادعي واكثري من قيام الليل وادعي الله وانتي ساجدة فأن العبد يكون اقرب الى الله وهو ساجد واقطعي علاقتك بالشاب فأن هذة خيانة لزوجك ودينك واهلك اتقي الله لقولة تعالى(ومن يتقي الله يجعل له مخرجا)صدق الله العظيم

  بالنسبة للموضوع يعني مش عارف كيف بدي ابدا بالكلام من كثر ماشفت بحياتي واسمعت قصص قربت انجن واكيد من اسلوب البنات اللي دايما بحكمن قلبهن وليس عقلهن يا اختي اتقي الله يا اختي مشان الله حكمي عقلك وخاف الله يعني انت عاقلة شو هالحكي هاد؟ ملعون ابو الانترنت والعلاقات المحرمة بين الشباب والبنات انا مش عارف كيف انت متزوجة وبتحكي مع شب غريب؟؟!! كيف بتحكي انك متدينة الله اكبر مابعرف كيف البنات بفكرن والله حرام والله ربنا رح يحاسبك هاي نوع من انواع الخيانة ليش في اشي اسمه صبر وتحمل يعني لو كل واحد بده الاشي يحصل عليه بسهولة كان ربنا ماخلقنا وكان خربة الدنيا الرسول لما رح على الطائف وضربوه وماتت زوجته ومات جده وسمي بعام الحزن وضربه بالطائف حتى ادميت قدماه وتحمل على نشر الحق والعفة والطهارة ، في غزة احد تعرض لكثير من المشاكل واصيب واتحمل يا اختي اقرئي السيرة النبوية وراجعي نفسك يا اختي هاي القصص عشان تتعلمي الصبر وانه مافي شي بالساهل يعني الحياة صعبة على الكل وهيك معظم النسوان بس الشاطرة اللي بتشجع جوزها يسافر او يطور نفسه هون الشطارة يعني انت لازم تبني زوجك وطوريها المراه كثير من الاحيان بتكون افضل من الرجل يعني بحكيلك من خبرة يعني بعض اخواني متزوجين نسوانهم هم اللي خلوهم يسافروا او يطوروا واعملي قيمة لنفسك يعني ازعلي شوي يعني خلي الك عزة نفس زي مابعمل زوجك ازعل وروحي عند اهلك احكيلهم زهقت واحكيلهم عند النتيجة لو مارضوا يستقبلوكي احكيليهم مش راجعة على بيت زوجي وبدي اضل عندكم لو بدكم ضطروني طروني من البيت هيك بتعملي قيمة الك ولاهلك عند زوجك لانه زوجك شافك طيبة ومسكينة كثير فلازم تحسسي انك الك ظهر مسنود ولازم تعملي حركة بحيث انه تغيري الحياة اللي هو متعود عليها هيك الانسان مابحب الروتين فهو شايفك ضعيفة زهق ومل اما اعملي مشكلة وروحي عند اهلك غصب عنهم واقعدي اسبوع خلي يعرف قيمتك واحكيله لو مااحترمتني وعاملتيني باسلوب مارح ارجعلك وانا متاكد رح يرجعك ويرجع اسلوب منيح معك خاصة انه في بنت عندك اما انه تفكر تعملي علاقة مع واحد ثاني وعالنت وتطلقي عشان تزوجي بتكوني مجنونة ودمرتي حياتك للابد وخسرتي الدنيا والاخرة ودمرتي اهلك عيب مابصير اذا بدك ربنا يستر عليكي ويحميكي وتصيري احسن الناس والك بيت ويحبك زوجك ويدللك اعملي اللي بقلك عليه:
1- اتركي الشب اللي بتحكي معه عالنت بسرعة من اليوم اتركيه واحكيله انا متزوجة اتق الله حرام عليك ولك والله لو مرتي تخوني مابطلقها والله لاعذبها وبعدين اخر اشي بطلقها عشان ماحد يطلع فيها وادمر حياتها ، يا اختي مابصير حرام هاي خيانة انا متاكد انه بحبك زوجك بس اتبعي التلعليمات اللي بحكيلك اياها.
2-لما يغلط عليكي زوجك روحي عند اهلك احكيله بادب لو سمحت وصلني عند اهلي او خلي اهلك ييجوا يوخذوكي بادب وبموافقة زوجك عشان مايصير مشاكل وبس تروحي عند اهلك طبعا هو بعرف انك زعلانة خليكي اسبوع بعيدة عنه لانه البعد لازم يصير حتى تجدد العلاقة بين اي اثنين فهو بعرف بقيمتك وبفكر في الموضوع وانا متاكد رح يرجعلك ولو خلص الاسبوع مش تزهقي وتحكي مابتحبيني اصبري لغاية اسبوعين بتكون الاوضاع هديت والامور صارت صافية والكل مشتاقلك وعرف قيمتك فبتحكيله مطالبك انه احترمني وصدقني وانا بنت عالم وناس مش من الشارع اعملي قيمة الك اعملي بريستيج لو ماعملتي قيمة الرجل بستغل خاصة انه وراه امه وخواته وبعدين بحكي هاي مالها حد خليني استغل وابين قدام اهلي اني زلمة فما تعطي فرصة واثقلي وماتردي عليه بكلشي لحتى يعرف بقيمتك .
3-حاولي بس ترجعي من اهلك اكسبي رضا حماتك الحماه بتحب البنت القوية والحركة وصاحبيها واحكيلها حاضر حتى لو مابدك تردي عليها لانه الي اخت نفس القصة اختي مسكينة بس سلفاتها قويات بتحترمهن اما اختي عشان مسكينة داعسة عليها .
4- حاولي اصنعي زوجك شجعي احكيله دور على شغل افضل عشان نعمر او نعمل استثمار او نشتري اي شي ويكون معنا فلوس طمعي وحاولي اكسبيه ادلعي عليه اتعلمي الطبيخ واعملي اكل كويس الرجل بحب الطبخ الزاكي وحاولي خلفي كمان ولد(ذكر او انثى) عشان تزيد العلاقة قوة.
5- اتق الله ودايما ادعي ربنا وقيمي الليل واستغفري واصبري عليكي بالصبر انا اختي قعدت مع دار عمها بحياه جحيم مابتتصوري كيف الحياة لمدة 12 سنة وبعدها صار بيت لحالها واولادها صاروا كبار وربنا فرجها عليها هاي الدنيا الصبر وابتلاء من الله الحياة بدون مشاكل مالها طعم ولا بتكون حلوة بس المهم نعرف كيف نحل المشاكل ونكون دائما مع ربنا في السر والعلن يعني تخيللي حالك بدون مشاكل مارح تكون الحياة حلوة اسالي مجرب انا بحكيلك من خبرة وتجربة كبيرة كثير اهم شي الصبر ومخافة الله والعلم بالتعلم والحلم بالتحلم واستغفري وماتعملي اي شي حرام واذا بدك تشكي اشكي لله لانه الشكوى لغير الله مذلة الرسول قال اذا سالت فسال الله واذا استعنت فاستعن بالله وقال الرسول حسبنا الله ونعم الوكيل واهم شي الدعاء الله يفرج همك ولازم تتركي الشب اللي بتعرفي عالنت لو بستحي على حاله مابحكي معك وانت متزوجة لو شو ماكان هاد واحد مش محترم وبتمسكن لحتى يتمكن رح يوقعك بكذبه وبحباله وبعدها يرميكي ومارح يزوجك انا والله بحكيلك من خبرةواشياء صارت معي ومع اصحابي وانت حرة الحلال بين والحرام بين واذا بدك تخسري حياتك ضلي احكي مع الشب اللي عالنت رح تخسري بنتك وزوجك واهلك وكل الدنيا عشان واحد مابستاهل وصلي استخارة بكل شي بتعملي وانت حرة القرار الك وهاي حياتك الشخصية بس انا علي النصيحة

  3 او 4 ساعات
لا تعليق...

احفظي جوزك ونفسك احسنلك
الحكي كل هالمدة بشيل الخجل وبدخل الانسان بشغلات مو كويسة والكل بعرف التلفونات شو بتعمل
ارجعي لربك احسنلك انت متزوجة وبتعرفي ما في مصوغ بسمحلك تحكي مع حد وانت بعصمت جوزك
ولو انت "متعلمة وحلوة ومثقفه جدا ومتدينه "
وين الدين عنك...

  يعني اهلو غلط وهو غلط واهلك غلط وانت الصح!؟!؟!

  سولافتك عبارة عن سواليف الخيانة و قلّت أدب و ترباية ,,, روحي شوفي حالك بالمراية ---> إشي بيخزي و مقرف و بيبعث على اللآأخلاق !؟؟؟؟ حرام عليكي و بعدين هذا الإنسان إللي ظابك و متجوزك كييييف مش حاسس في الأربع و خمس ساعات حكي مع واحد ثاني كل يوم ؟؟؟؟

انا بقووووول إطلقي و لا إتفكري كثير لأنه الله بيحبه لهذا الرجل انه راح يخلص من وحدة مثلك ...
_________________

ارجو النشر لأنه هيك ناس بدها هيك جواب أقل شي !!!
هلا عمي ... قال حب و مشاكل و أهله !!!

  " وَلاَ تَتَّبِعُوا خُطُوَاتِ الشَّيْطَانِ إِنَّهُ لَكُمْ عَدُوٌّ مُّبِينٌ "

لقد من الله عليك برجل محترم هو زوجك والأفضل أن تشكري نعمته لا أن تجحديها ، لن أغالي في اتهامك بالخيانة ، ولا اريدك أن تتصوري أن الخيانة الفكرية لا تعتبر خيانة ، إنما أريدك أن تنتبهي لأن حياتك قد تضيع منك فلا تنالي أي شئ فقد تخربي حياتك من أجل لا شئ ثم تكتشفي بعد أن يضيع الوقت أنك أخطأت الطريق ، فلا تصلي بنفسك إلي هذه النهاية ، إذ أنك بحاجة قبل كل شئ إلي التخلص من مشاعرك السلبية تجاه زوجك وطرد فكرة أن أهلك أجبروك علي الزواج منه .
هل سيتزوجك من تحبينه وتتعذبين من أجله بل وعلي وشك أن تفسدي حياتك كلها في سبيله أم ستوهبين حياتك للحب لتصبحي كبطلة قصة شجرة اللبلاب التي كتبها الأديب الراحل محمد عبد الحليم محمود والتي تصورت أن الحب هو غاية الدنيا ومنتهاها فدفعت حياتها ثمناً لهذا الاعتقاد حين غرر بها من أحببت وتركها تواجه الحياة وحدها فانتحرت .

  نصيحة لا الك ارجعي ل عقلك قبل كل شي ...

  شبيه الريح وش باقي من الالام والتجريح..
وش باقي من الاحلام..
وش باقي من الاوهام..

غير اني ألاقي في هجيرك فيّ..
وألاقي في ظلامك ضيّ..

وأوقد شمعتي في الريح..
شبيه الريح..

شبيه الريح انا ما اقدر اكدر صفوك العاصف..
شبيه الريح انا من لي سوى احساسك الجارف..
بقايا زيف اشواقي ..
سما أمطار أحداقي..
شبيه الريح وش باقي..

ابي اعرف متى تسكن رياحك..
وابي اعرف غرورك هو متى يطلق سراحك..
وابي اعرف متى تعصف، ومتى تعطف، متى تنزف جراحك..
وابي اعرف اذا باقي في بحرك موج اكسر فيه مجدافي..
وابي اعرف اذا باقي في همك هم ما شالته اكتافي..
وابي اعرف اذا باقي في هالدنيا حزن ما مرني واستوطن اطرافي..
بقايا زيف اشواقي ..
سما أمطار أحداقي..
شبيه الريح وش باقي..

سنيني يم، وقلبي المركب المتعب وانت الريح..
مجاديفي عذاب وهم، وزاد الوجد والتبريح..
وصبري صبر بحارة بغو في اليم محارة..
غشاهم موج كان من الغضب اغضب..
وكانوا للهلاك اقرب، لولا كثروا التسبيح..

حبيبي الأصدق الأكذب..
تعبت اوصل شواطئ طبعك الأعذب..
تعبت اجمع الم كل الموادع في الموانئ واحضن اطيافك..
تعبت السهد في ليل الشوارع والثواني تنطر مصابك..
تعبت الظلم واجحافك..
بقايا زيف اشواقي..
سما أمطار أحداقي..
شبيه الريح وش باقي..


..............................

يا ليل خبرني عن أمر المعاناة
هي من صميم الذات ولا أجنبية

هي هاجس يسهر عيـونـي و لا بات
أو خفقة تجمح في قلبي عصـية

هي صرخة تـمردت فوق الأصـــوات
أو ونة وسـط الضمايـر خفـية

أو عبرة تعـلـقت بـيــن نظرات
أو الدموع اللي تسابق هميـة

أعاني الساعة و أعاني مسافـات
و أعاني رياح الزمان العتية

و أصور معاناتي حـروف وأبيـات
يلقى بها راعي الولع جاذبية

و لاني بندمان على كـل ما فـات
أخذت من حلو الزمان و رديـه

هذي حياتي عشتها كيف مـا جـات
آخذ من أيامي و أرد العطيـة
............................

كل المشاكل متل بعض ونفس الهدف وبدائرة وحدة فش اشي الا الحب يقطع الحب وسنينه مهو لو فش واحد حكى معك كان حاولت اتحلي مشكلتك وتصبري بس خلص اجى بس لو اجى واخدتيه واتجوزتيه راح اتصفي بالشارع كيف وليش لا تساليني فكري بتلاقيني صح


القيسية

 



ماعاد بدري قلت لي وش تحرا 0000ذابت نجوم اليل من جمرالآهات
ماعاد بدري تدري العمر مرة 0000سرقت سنينه مننا كيف لحظات
ماعاد بدري

تقول باكر وانت باكر تبرا0000برا الزمن واقف على مر الأوقات
بتنتهي الدنيا قبل ماتجرا0000 لاضاعت الفرصة ترا الموت حسرات
ماعاد بدري

يامن تسخر كل أمري بأمره0000همي وحزني والفرح والمسرات
ماترحم الي وسمت فيه عبرة0000اشتاق حتى صار به منك لمحات
ماعاد بدري

الحب كله لوجمع عشر ذرة0000والي بقلبي لك ملايين ذرات
احساسي لك كوكب تعدا المجرة0000فيه الفضا شيد لنفسه مجرات
ماعاد بدري

 

مــذهــله
ماهي بس قصة حسن
رغم ان الحسن فيها بحد ذاته مشكلة
مذهله .. كل شي فيها طبيعي
ومو طبيعي أجمل من الأخيله

طيبها .. قسوة جفاها
ضحكها .. هيبة بكاها
روحها .. حدة ذكاها
تملئك بالأسئله ..
.. مذهله

يابدايات المحبه ..
يانهايات الوله
هالحسن سبحان ربه ..
ظالم وما أعدله
أعذب من الأمنيات ..
عالم من الأغنيات
يا أجمل الشعر البديع ..
من آخره لين أوله
مذهله .. تملئك بالاسئله

هي حقيقه أو خيال ..
هي ممكنه ولا محال
هو سهلها صعب المنال ..
أو صعبها تستسهله
مذهله .. تملئك بالأسئله

ليه كل مُعْجِزّ .. مر هذا الكون فيها له صله
ليه كل شي فيها .. تظن انك تعرفه. تجهله
ليه كل لا معقول فيها .. ورغم هذا تعقله

ليه عمري .. ما لقى لبرده دفا ..
إلا دفاك
ليه أنا عيني تشوف وما تشوف
إلا بهاك
يا أجمل من الأخيله ..
هذا جواب الأسئله
كي تكوني في عيوني
ومن حنيني
بس فيني
ومو بدوني
... مذهله
مذهله..مذهله..مذهله

  واضح انك متعلمه كثير بدليل الاخطاء الاملائية الموجودة بالنص
والاكثر وضوحا انك متدينه كثير بدليل العلاقة الشرعية التي تدوم لعدة ساعات مع شخص غريب

واضح جداً انه زوجك ظالمك وانك مظلومة وصادقة دائما

  انا مع تعليق الاخت اسماء 100% طيب ما هو الاول كان بيقدسك في البداية .. بعدين انت حكيتي شو صار ..
شوفي يا اختي نصيحة اخت لها 11 سنة متزوجة والحمد لله مستقرة وسعيدة ، المثل ما خلا اشي الا وقالو .. جوزك زي ما عودتيه وابنك زي ما ربتيه ، وانت الله يسامحك عودتيه تتنازلي عن كرامتك وتروحي لاهلو وانت مش غلطانة ، وكمان شكلك معودتيه اذا زعل بسبب او بدون سبب تراضيه .. يا اختي شو هالحكي انت ضيعتي قيمة نفسك هيك بعدين الدنيا اخذ وعطا ، وخير الامور وسط لازم انت تشغلي عقلك .. وبأمانة مع نفسك .. اذا كنت غلطانة صالحيه هو او اهلو واذا مش غلطانة يضربوا راسهم في حيطان المنزل كلها .. ليش بنات الناس ما عندهم كرامة ؟؟؟
فراجعي اسلوبك انت ، ولا تنسي بنتك اللي عمرها سنتين ، ليش في حدا بالعالم رح يحبها زي ابوها ؟؟؟؟؟؟؟؟؟؟!!!!!!!!!!!!!
على شان ابناءنا بنراجع تصرفاتنا وبنحل مشاكلنا بعقل .. ولا تبحثي عن البديل .. نصيحة اخوية ، عشان بنتك حاولي صلحي بيتك والنت والله سوسة ولا تبرري لحالك فلا يصح الا الصحيح وما تقارني جوزك بهذا الرجل لانك شفتي كلامو الكويس بس حبيبتي ما شفتي شروا .........
"كل عود وفي دخانو" يعني كل زلمة والو مشاكلو لانو احنا بشر ، اذا جوزك اصلا منيح ارجعي لعقلك وصلحي بينك وبين ابو بنتك ....
وتحياتي لك ولجميع القراء .

  طيب انا لقيت الحل

اجروا البيت اللي انتوا ساكنين فيه واطلعوا على بيت ثاني يكون بعيد عن اهله وهيك بتخلص المشكله

وما راح تدفعوا من جيبتكوا اشي

وابعد تحلاااا


ونصيحه سيبك من هذا تبع النت يمكن يكون كذاااااب

  والله نصيحتي الزوج الي ما بقدر قيمة زوجته ولي ببيع زوجته مشان فلان وعلان ما بدك اياه مو مشان تتزوجي هاد الي بحبك لا مشان انتي ترتاحي لانه زوجك بده يفرض سيطرته عليكي وهاد الكلام من زمان انتهى ؟؟؟؟؟؟ دوري على حالك على البدري..... مع تمنياتي لكم جميعا بالتوفيق ان شاءالله

  وين تعليقك على هذا الموضوع رح استناه بكره....
...():>>....بس بدنا اشي زوووق زي ما تعودنا عليكي...
arch_gnim

  بنصحك ماتتركي زوجك لانو قصتك صارت مع عمتي مع العلم انها الها لسه3اولاد كانت دايماً مشاكل مع زوجها وحبت واحد ووعدها بالزواج ولما اطلقت لا اجى طلبها ولا شي وهلأ ندمانة وبتتمنى ترجع لبيتها واولادها بس للأسف زوجها اتزوج وعايش احلى عيشة والاولاد مبسوطين بمرة ابوهم طلعت بنت حلال يعني راحت على مين بالآخر ؟؟إن الله مع الصابرين صدقيني غير يهدى زوجك بعدين ويتغير واحتسبي ربك افضل من الدنيا ومافيها

  والله انا برأي انه ما نظلمه يا جماعه لسه انا شايف انة في اشياء نخفية والله لا انا حب اعراف كامل التفاصيل عشان احكي راي
Chop_sue_2000@yahoo.com

  ياستي حتى لو نصحناكي او قلنا لكي انك بتمشي بطريق الخطأ ما راح تسمعي انتي كاتبه المشكله بس تحصيل حاصل انت مخططه لكل شيء , بس بحب اقول لك انتي بتعملي شيء غلط كبير وخليكي على زوجك ومشاكلك مع خواتوا وحاولي تصاحبيهم بإسلوب وشطارت النسوان ولا تروحي لزوج جديد يصير يدقلك على الدخله والطلعه لأنوا ما راح يثق فيكي ابدا لأنك كنتي بتحكي معوا وانت متزوجه هاد اذا تزوجك ..... وقابليني اذا هاد الرجال بفكر مجرد تفكير انوا يتزوجك ......... عم بيتسلي وشايفلوا شي فيلم وبحب تصير الاحداث معوا هو ......... في شباب كثير هالايام بحبوا الاكشن ........... وله قلت بنات بالبلد .......... بكره بيقولك اهلي معارضين وله بيطلعلك حجه من تحت الارض " ابقى على منحوسك ليجيك الانحس " وفكري وعدي للمليون واتذكري انوا في بيناتكم بنت وبكره شو راح تعمل فيها مرت الاب ........... الله يهديكي ويهدي بناتنا ونسوانا ........ والله الساتلايت والانترنت بإيد الجاهل جريمه " والجاهل عدوا نفسوا ....

  بصراحة اللي عملتي غلط كبير المفروض شو ما كانت المشاكل بينك وبين زوجك ما تلجأي للخيانة هذا مو مبرر انك تحكي مع شب تاني لو زوجك محلك كنتي بترضي يعمل علاقات مع بنات وشو يعني صداقة ما في صداقةبين مرة متزوجة وشب,وانا متأكدة انه اللي زاد المشاكل انك صرتي تقارني بين هذا الشب وبين زوجك.وحاولي بكل الوسائل تصلحي وضعك مع زوجك وبيت حماك ولا تنسي انه في عندك بنت.زوجك امنك على بيته وبنته حافظي على هاي الامانة واستغفري ربنا

  الى التعليق 21
بس بحب اقوللك شي .. انت بتحكي في قصتك ما شاء الله كإنها مفخرة ، يعني كيف بتنصح البنت وانت غاطس بالغلط وبتقول مش قادر ابعد ، طيب هي كمان حتقول مش قادر ابعد ...
يا عمي مو انتم اللي مو قادرين تبعدوا .. بس الشيطان يا لطيف اللهم جيرنا مسيطر عليكم آخر تمام ومكيف ...
قل اعوذ بالله من الشيطان الرجيم وتخيل في راسك المستنقع اللي انت واقع فيه ، فهمت علي ؟ مسسسستنقع .... يخخخخخ
والله يهديك ويهدي شباب المسلمين ... ويهدي الاخت اعلاه قبل ما توقع بأي مستنقع لانو الشيطان لما يسيطر على العقل برجع بحكي الله يجيرنا ويعافينا .
مع تحياتي ...

  اين تعليقي لااعتقد ان به خروج عن الطريق وهدا ثالث تعليق بكتبه وما بنزل الرجاءؤ تحري المصداقية

  استوقفني تعليقك لصاحبة المشكله لفتره واعدت قرآته مرات ومرات الغريب انك تقوم بدور الناصح الى صاحبة المشكله وانت من يحتاج الى حل لمشكلتك الرهيبه.

كان من الممكن ان يكون تعليقك مناسبا لو انك علقت على مخاطر النت والولوج في عالم الجنس به لو انك اتبعته بانك قد تبت عن هذه الممارسات التي لا تمت للدين ولا لللاخلاق بأي صله.

كيف تنصح وانت غاطس الى اذنيك بالرذيله والخطيئه

كيف تحلف برب العزه على صدق كلامك وتريد ان نصدقك

وانت بنفس الوقت تأتي محارم الله وتجعل رب العزه اهون الناظرين اليك وانت تزني مع امرأه محصنه ومتزوجه

كيف تنصح وانت زاني ولص بيوت تدخل البيوت بالخفاء تماما كاللصوص وقاطعي الطرق

كيف تنصح وانت تعرف انك على خطأ ولا تتوب

هل ممارسة الحرام مع عشيقتك الخائنه وادمان الجنس معها هو اهم عندك من غضب الله عليك.

الرجل يعيف المرأه اذا كان يستبيح جسدها اكثر من شخص فكيف ترضى ان تقضي ليليك معها ومن قت قليل كانت في فراش زوجها.

الا تخاف من انفضاح امرك وان تتسربل بثوب العار والزنا ومن الممكن ان يقتلك زوجها فلن تبكي عليك السماء والارض عندها لانك ممتهن للرذيله.

ما ......الانسان عندما يقوم بدور الناصح وفي نفس الوقت يمارس دور الذئب واللص مع الاخرين.

يا للعار في ارض رسول الله تزني ان المنتقم الجبار لا تدري ما يخبيء لك فلعلك تموت بين احضانها وذراعيا في ساعو النشوه والغفله .

لا تنصح قبل ان تنصح نفسك وتستغفر من ذنب عظيم وحق هذا الزوج الغافل سيأخذخ الله منك والعقويه لن تطول فانتظر انا معك من المنتظرين ان لم تتب عن اتيانك الفاحشه.

بالعربي روح استر حالك واتجوز وبلاش من الحرام لانه بسود الوجهخ وبمحق الرزق وبجيب خراب الديار.

.............

  مهما كانت الظروف وكانت الحياة لا تطاق لا تخون المرأة زوجها انا مش متخيلة كيف سمحتلك نفسك تعملي علاقة عالنت مع شب ما بتعرفيه وبتحكيلي بده يتزوجك في المشمش استري حالك بلا فضائح

  انا بكره شغلة بالمعلقات هاي الي اسمها نانا ودودو وفيفي وما بعرف شو من هاي الاسماء.. لا وبتنصحك اقرأ قرآن وصلي وادعي ومن هالحكي طيب لو انتي بتصلي وبتقرأي قرآن متل ما بتنصحو الناس ليش بتسمو حالكم نانا وفيفي ودودو وما بعرف شو من هالاسماء الرخيصة شو فيها لو كتبتي اسمك الا تتفننو حتى بالاسماء.. عنجد اشي بجلط

  مجنونة .......... بتخربي بيتك بإيدك

  اختي انا عشت نفس قصتك بالزبط وزوجي ذلني لدرجة اكرهت كل شي بالدنيا بسببه واتعرفت على شخص بالانترنت وكان حياته يعطيني نصائح اصلح بيني وبين زوجي وصالحت زوجي وصرنا احسن بفضله انا كنت بفكرته ملاك نازل من السما ليساعدني بس اكتشفت متأخر كتير بعد فوات الاوان انه جوزي وبيتي احسن ميت مره من هاد الانسان الخاين اوعي تثقي بشخص اعرفتيه بطريقه غلط فنصيحتي ابعدي عنه لانه اول كلمة رح يحكيلك اياها اللي سابت جوزها عشاني بكره بتتركني عشان حد تاني واذا اخدك رح يضل الشك عايش نعكم طول عمركم اوعي والله يهدي الجميع

  نعتذر عن النشر...

  قمة الخيانة

  يا زاد ليش ما نشرتوا الرد تبعي ,,, خايفين على إحساسها !!!!
--------------------
على كلّن الى صاحبة المشكلة الرجاء الدخول على هذا الرابط لمعرفة الرد:

http://3alarasi.com/action/viewvideo/2990/ظفظع/


و شكرا.... هلا عمي

  انا بنت امورة كتير وجادة اني اتعرف على انسان انا متاكدة لو شافني هدا الانسان رح يحبني لاني كمان خفيفة دم مين بدة يتعرف

  لك هلا والله حيا الله كيفك والله اني مشتائة شكرا الك يا زووووووء زمان عنك وينك انت
انا والله دوام الجامعة ودراسة وامتحانات ييييييي سمة بدن الله وكيلك
تسلملي والله بس بصراحة كل المشاكل اللي مطروحة بتخلي الواحد يجن ومش مهمة بالنسبة اللي بخاف اخبص بالحكي متل هادي المحترمة
استغفر الله العظيم

  بس بحب انصحك انه اهلة مش عايشين طول العمر وانت ما الك الا جوزك واولادك في هالدنياوما تخلي حدا يخرب حياتك

  طيب شو رايك اتطلقي جوزك وتتزوجيني
انا كثير منيح ومعي مصاري كثير وحليوه.

ول لهالدرجة وصل الاستغفال عندك لحتى اتصدقي هيك شخص وبالاخر ممكن يطلع ازعر

اي اتقي ربك وخليكي مع جوزك وبيبيتك احسنلك

  اولا يا سيدتي انت خنتي زوجك وعنجد مابستاهلك ياخاينة وعنجد خساره هو فيك بتعرفي لوعندي رقمك او بعرفك لذبحتك والله خاينة

  كذاب بنص عينه لانه ما راح يتزوجك لانك راح تكوني مسمية مطلقة .اقعدي واعقلي زوجك بيجنن شو ما عمل لانه سترك احترمي وصونيه بيضل جوزك يختي ومالك غيرو.وحياة الله انا مثقفة وصغيرة ومو كبيرة بالسن وتقولي عني مراة كبيرة .بس والله عندي خبرة عن 100 سنة قد ما شفت .ما الك الا بيتك !

  مو عارفه شو بدي احكي بصراحه
بس نصيحه لكل واحد متزوج يحط مرتو بين اربع حيطان ويسكر عليها

وهاي المرأه صاحبيت المشكله بتوقع لو انو اهلها شايفين زوجها غلطان كان ما خلوها عندو

بس يا مدام مشكلتك عاديه وبتصير كتيييير وكل المتزوجات بعانو بس في يلي بتقتنع وما بتطلع لبره اصلا لولا الشب يلي بتحكي معو ع النت ما بتكبر معك المشكله لهدرجه انك بدك تتطلئي شوفي ما الك غير زوجك والا ما ينصلح حالو حاولي معو ولا تيئسي منو



بعدين ليكونو اخواتو بعرفو انو مسلكك مو منيح اوشاكين انك بتخونيه او سامعين وبيحكولو وهو لانو منيح ضابك ع شان بنتو بس او لانو حبك في يوم من الايام

وانتو النسوان والله ما بيقدرلكو غير الله


على فكره نسوان هالايام بتخوف اكتر من البنات اللهم عافينا مما ابتلاهم

ما في شي ببرر خيانتك وانا لو بعرف جوزك لاروح احكيلو هو يطلقك لانو وحده متلك ما بتنضب انت لاقيه واحد يستر عليكي وعندك طفله اتقي الله فيهم حرااااااااااااام عليكي

بس ما عليكي غير انك تستغفري ربك وتطلبي منو يسامحك والجاي لربك بالدعاء بس شكلك ايمانك ضعيف ع كلن ما الك غير الله

واقراي سورة البقره يوما لمدة اربعين يوم بالبيت وان شاء الله ينصلح حالك

  أختى العزيزة
أرجو منك أن تنتبهي لزوجك و لبنتك و بيتك
وأتركيكي منه لان سوف يخرب بيتك وسوف تندمي ندم شديد بعدين إلجىءإلى الله وأصبري وتوكلي على الله والله يرفع عنك ويهديك إلى الطريق الصحيح .

  عزيزتي
انتي تهربين من ماهو مر برأيك الى ما هو أمر.. من قال ان الشاب الذي تعرفتي عليه سوف يقدم حياة أفضل لكي ولأبنتكي الصغيرة التي تطالبك بالتفكير فيها دون سوها ودون أنانية النفس.انتي بسبب ذلك الشاب اصبحتي ترين الحياة مع زوجك اسوأ ولأن الشيطان صور لك بأن الخيانة هي المنجا.. سيدتي المثقفة والمتدينة ان ما تقومين به هو بحد ذاته خيانه..ان النظر خيانه.. التفكير بغير الزوج خيانه..الحديث الى غير الزوج بقلة أدب خيانه.. فما بالك بما تفعلين وتطلبين من القراء المساعدة..اين الله برأيك؟ الا يراكي؟ الا يعرف بأنك مظلومة بحد قولك؟ لماذا لم تلجأين اليه بالدعاء والصبر والحلم على الأخرين ..لماذا لجأت الى الحديث الى أخر..
انتي تظلمين نفسك قبل غيرك..ستقعين في دوامة الندم واليأس عندما تجدي نفسكي لا سمح الله دون زوج ولا ابنه ولا بيت ولا شخص ينظر اليكي نظرة احترام..
اتعلمين اشعرتني بالضعف والأهانه..الكل يعرف ما هي علاقات الأنترنت وقد نبرر للمراهقين والسذج اما انتي سيدتي فلا مبرر لكي
هذه نصيحتي ولك القرار

  اذا بدك تحلي مشكلتك اولا ابتعدي عن الشاب الذي تعرفتي عليه من خلال الانترنت ومن ثم اتجهي لحل مشكلتك الاساسية وهي زوجك يجب ان تضعي حدا لتصرفات زوجك معكي من خلال اهلك ويجب ان يعرف زوجك بانك انسانه وزوجه لكي حقوق وعليكي واجبات وان يعرف اهله ايضا بحقوقك وان يلتزم كل طرف بما له وماعليه واذا استمر بهذه الطريقة ولم تحل فالطلاق هو السبيل الوحيد ولكن ليس من اجل ذاك الشاب الذي تعرفتي عليه ممكن ان يكون صادق ولكن الانترنت لايشكف لكي حقيقة الطرف الاخر لذلك عليكي انهاء العلاقة معه فورا والتفرغ لحل المشكله الاساسية وانا على استعداد لمساعدتك باي رأي jordan7550@yahoo.com وانشاءالله تحل مشكلتك بدون اللجوء للطلاق من اجل طفلتكي.

  انا مستعد اكشفلك اياه اعطيه ايميله لبنت ثانية بتعرفيها وخليها تراسله او توخذ رقم تلفونه وشوفي ردة الفعل ولو مافهمتي علي ابعثي تعليق عشان احكيلك بالتفصيل وفي مليون شغلة واشي ممكن تكشفي بس فكري بعقلك مش بقلبك وصلي عالنبي واخزي الشيطان وماتخلي غلطة ضيع كل مستقبلك ومستقبل عيلتك وتفضحي اهلك حرام عليكي وعيب اللي بتعملي وين الدين اللي عندك؟ربنا قال ولا متخذات اخدان اي اصحاب مافي علاقات بدينا الاسلامي هاد حرام وخاصة انك متزوجة مابصير لو انك مراهقة بقول لس مابتعرف اشي بالدنيا والشب تبع النت مارح يطلع فيكي ولك اعقلي مشان الله هذا كذاب بس بده يتسلى ويضحك عليكي في شباب مريضين نفسيا بستغلوا البنات المسكينات اتق الله في نفسك وباهلك وبزوجك وببنتك فكري منيح

  كيف حالك انا سكان جدة من الاردن ممكن نتعرف عليك ونتواصل على الايميل بدي احكيلك حكي مهم ممكن لازم اشوفك راسلني على الايميل لو سمحت

  لا لا لا

  اولا انا اكره ان اكون خاينه ,, لكن احب الفت نظرك الى الكلام الي حكيته انت اني انا طبقته بكل حذافيره لدرجة حاولت اني اقنعة بالسفر حكالي انتي بدك تبعديني عن اهلي وعرضت عليه اننا نستاجر بيت تاني فحكالي هاذا البيت اللي عندي عجبك عجبك ولو بدي اطلع رح اخد اهلي معي ... اما بالنسبه للشاب اللي بعرفة انا بحكي معاه عالتلفون بعد مازادت علاقتي فية وهو حرام بحكيلي انا بدعليك التوفيق بحياتك وانشالله بتتحسن علاقتك بجوزجك لكن اذا اصريتي على الطلاق فانا موجود ... يعني انا مش راح اطلب الطلاق عشان هذا الشاب ..عشان جوزي ومعاملته لالي ... انا محتارة ومدمره كتير لان الموضوع كتير ماثر على حياتي ... اما بالنسبه لاهلي فهم مش من النوع اللي بحطو حد لاي انسان باذيهم او باذي بنتهم خلص هدا جوزك وهاي حياتك بدك تتحملي وما بهشو ولا بنشو كتيييييييير رايقين لدرجة انه بطل يحسب حساب لالهم وانا بابا متوفي والي اخ واحد بالاردن والتاني متغرب .. بعدين انا كتييير زعلت ورحت عند اهلي وعادي ما كان يتاثر ويحكي خليها بكرة بترجع لحالها لحد ما حدا من طرفي يرجعني ويترجاه انه يجي ياخدني .... ارجوكم لا تفهموني غلط بموضوع الخيانه لاني مش بهالسوء .... ومابعرف كيف بدي اتواصل معك ياصاحبة تعليق 43 باسم رو... ارجو النشر يا زاد كوني انا صاحبة القصة ...

  هذا الجنون بذاته يا أختي... ماذا تقولين؟؟؟ هل تصدقين رجلاً يحرضك على الطلاق وخراب البيوت عشان يتزوجك؟؟؟ لا لاتصدقيه فلن يأتمنك أبداً لأنك خنت زوجك بالبداية فلن يصدقك.. ارجعي إلى الله وتوبي إليه..أنت قلت ببداية القصة أن زوجك كان يعاملك باحترام ويحبك فما الذي غيره فجأة؟؟؟ ابحثي في نفسك عن السبب وتعاملي مع أهل زوجك بمثابة تعاملك مع أهلك وليس بمثابة الأعداء

  يا بنيتي الحلال ما ارتاحت له النفس والحرام ماحاك في القلب وتردد في الصدر وان افتاك الناس وافتوك.
ماذا ستكون ردة فعللك اذا علمت ان امك كانت على علاقة برجل اخر غير ابيك
لا تحللي لنفسك امرا تجدينه مقززا اذاكان الاخرون يفعلونه
بادري فورا وبدون اي تردد واقطعي علاقتك بالشاب الذي رعي في غير حماه وتوبي الى الله توبة نصوحا وليكن ميزانك في كل الامور هل العمل الذي اعمله اخحل واحاول ان اخفيه عن الاخرين ام انني استطيع ان اخبر الجميع به لانه مصدر فخر لي

اي بنية ان المراة المسلمة يجب عليها ان تكون قدوة ومدرسة للاخلاق ولا تسمح للاخرين ان يعبثوا بها

  شكرا للمعلقة رقم 6 ، فعلا كلامك صحيح مية مية شو قصة البنات الي بخون جوزهم وبتحكي عن حالها متدينة لو بتعرف الله كان ما لجأت لشخص اخر و حكيت معاه بغض النظر عن معاملة اهل زوجها اصلا تحمد الله انها متزوجة غيرها مش قادر يتزوج يكون عائلة بعدين تعامل اها زي متعامل اهلها اكيد رح يصيرو يعاملوها منيح تعتبررهم اهلها وين المشكلة تحاول تكسبهم اكيد رح يتحسنو معهم بعدين لازم تنسى الشب و ترجع الى الله

  احلى الحلوات كيفك ؟

abed_natsha@yahoo.com

  الى تعليق 58

انت واحد (000000000000)

انت و الي معك
الله يهديك

  مجنونةاذا بتركي جوزك وبدمري ييتك وبتشردي بنتك ميشان تتجوزي بياع الكلام

  raaaaaaa2i3 t3leeqik...kalimatik mo2lime..o osloobik aneeeeeeeeeeeq,,,mashalla alla yktir mn amthalik..qolti ma b nfsy wa zyaaade...alla yhdee kol shababna

  يا بنت ديري بالك على جوزك واهله الرجل بشوف حاله بمرته لماتكون كويسة مع اهله اعتبري اهلك اهله وحاولي تكوني كويسه معهم ما حدا بنفعك الاجوزك وهد الصايع الي بتحكي معه لو انه واقع بنفس المشكله ما رح يعرف يحلها نصيحه دائما كوني قويه وحلي مشاكلك با لتفكير الصحيح

  الى صاحبة القصة

الله يكون في عون زوجك وفي عون كل زلمه متزوج
والله حرام اللي عم بصير
بأي حق تسمحي لنفسك انك تحكي مع انسان غريب وانت متزوجة وكمان اعطتيه رقمك
استحي على حالك انت ام وعندك طفلة
بس خطية هذه الطفلة في رقبتك
وفي رقبة كل أم بتتصرف مثلك

والله الزمن خرب يا ناس

  هاي الشغلات طلعت عن جد بتصير عالنت خلينا نستمر بلكي زبطت معنا وحدة...

  والله أنا عن جد مستغربه ومقهوره من هالقصه,شكلي طولت الغيبه عن البلدحتى بسمع أخبار مقززه بهالشكل,يا صاحبه المشكله الخيانه أبشع شي في الدنيا ولو كان زوجك و أهله أسواناس في الدنيا مابتستحي من ربنا و أنتي بتخوني زوجك مع واحد ثاني,طيب وبنتك لو تجلسي معها تلاعبيها أو تحفظيها قرأن أو أنشوده مش أحسنللك من هالحكي الفاضي,أذا مش مرتاحه معه أخلعيه وخلص بس مش بهدف تتجوزي واحد تاني أصلا ألي بطلب منك تتركي زوجك عشانه واحد ماعنده أخلاق و ما بستاهل تحكي ثانيه معه ,أرجعي لربنا و أستغفريه و أسأليه يساعدك ولا تشكي همك لحدا لأنك رح تخسري أكيد,أنتبهي ولا يوخذك الشيطان بعيد بضيعك.

  نعتذر عن النشر...

  اختي لا تردي على حدا لأنه ما حدا عايش غيرك هذه المصيبه بدك تتحملي الوضع لفترا . او اطلبي من جوزك يرحل من عند اهله ويسكن في بيت مستقل بعيد عنهم( هذا واحد) اثنين ) سبيكي من الحكي الفاضي من التعارف على شب جديد هذا بلعب فيكي وراح يخرب بيتك وانت هيك خاينه لشرع الله وزوجك مهما كن سيء ونصيحا ابعد عن الذئب البشريه حتى لا تكوني فريسة سهلا في ايد الذئب البشرية .

  cabress2002@yahoo.com
هدا ايميلي حاكيني عليه الرجاء فقط من صاحبةالقصة محادثتي فقط الايميل موجه لها الرجاء عدم المضايقة من اي شخص اخر

  والله وانا مشتاق عنجد الك وحشة وبعدين شدي حالك في الامتحانات والله يوفقك يا دلع

  ro82@hotmail.com
هدا ايميلي الرجاء عدم ارسال الرسائل لي سوى من صاحبة القصة الرجاء احترام الخصوصية وعدم الازعاج

  الصبر مفتاح الفرج وليس العلاقات العابرة
اتقى الله

  اتمنى بعد ما قرأت كل هالتعليقات تبعثي وثقولي انك تبت الى الله وقطعتي علاقتك مع عديم الناموس وانك لن تمرغين نفسك بوحل الخيانه
لا تجعلي شيطانكيلبس لك الحرام بالحلال انت تعلمين اكثر من اي واحد فينا ان ما تقومين به هو خيانة وحرام والدليل بسيط انك لن تقدري ان تصارحي احد بما تقومين به لانه عار فلا تجعلي للشيطان عليك سبيل بان يقنعك ان زوجك مقصر وانمعاملته لك غير لائقة ويصور لك ان علاقتك هي علاقة طاهرة وبرئيةمع هذا الشخص عديم الناموس نصيحة اخيرة لك اذا كان زوجك كما تقولين فعليكي اولا بالاستغفار واذهبي انت وياه الى بيت الله الحرام واشغلي نفسكي بقراءة القران او سماعه بتدبر حتى تحصني نفسك من شياطين الانس والجن

  غريب الي ابنسمعو في هالدنيا
من اول زعلة بندور على ملجاء حرام او حلال مش مهم كنتي ادوري على صديق من وراء زوجك تشكيلو همك يا ماما 0وبعدين صار فتى احلامك غريب 0وين راحت بنتك انسيتيها 0وبلكن طلعو اهله مش اكويسين بدوري على صديق ثاني 0 يابنتي دوري على حل منطيقي وعقلاني اتضمي اسرتك بين احضانك افضل وما حدى دايم في هالدنيا 0

  الى اردنية حتى النخاع



عنجد انك رفعت راس الاردن بكلامك الجميل
والله انك انسانة أردنية بمعنى الكلمة


والى صاحبة القصة
اللي بتحكي مع شخص غريب عنها وهي متزوجة
والي عم بتقول انه صار يحكيلها طلقي زوجك
و تزوجي مني معنى هاد الكلام انك كمان قابلتيه و قعدت معه انت هيك خنت زوجك و طفلتك المسكينة و خنت نفسك


الله يهديكي

  وبن تعليقي يازاد؟؟؟!!

  اولا اتمنى من كل البنات المسلمات العازبات والمتزوجات والمطلقات ان يراعن شرع الله في امور حياتهم ما بدي ادخل كثير في الموضوع مع العلم انك تحكي مع انسان اخر هده خيانه كبرى وانت متزوجه واصلا ازا كنتي عم بتحكي مع شخص اخر اهتمامك في بيتك راح يكون صفر وراح تزداد المشاكل اطلبي الرحيل من زوجك اولا كونك متدينه تعالي لزوجك من هزا المنطلق اجلسي انتي وزوجك واهلك واهله واكيد راح ينحل الموظوع احزرك من شباب النت لانهم خداعون

  شكرا ألك ياأخ جريء,بس بدي احكي شغله أحنا الأردنيات دايما حرات لانا أصيلات بمعنى الكلمه و هذي صفه المرأه العربيه الحره من قديم الزمان حتى قبل الأسلام والكل بتذكر لما كان النبي عليه الصلاه والسلام يبايع الصحابيات على أن لايزنين ردت هند بنت عتبه وقالت وهل تزني الحره يارسول الله!!!!!!!!!والله ماخرب بيت هالبلد غيربعض ........نعتذر عن النشر........الله يحمي بنات المسلمين والعرب كلهم ويستر على أعراضنا.

  انا مو فاهمة شو هالمشكلة الي بدك الها حل في ناس كتير عندهم مشاكل مع بيت حماهم وزوجها بضربها وبهينها وصابرات ربنا كبير يلهم الصبر لمن اراده سكري بابك ولا تنزلي عند بيت حماك واقراي قران ودلعي زوجك وما تردي عليه الكلمة كلمتين وما بعرف ما دام عندك بنت اتسلي معها بدل ما تتسلي مع هاالشاب والتزمي بيتك وصلاتك وصفي نيتك لله وشوفي كيف رح يتغير وضعك بس انت حاطة براسك طلاق وزواج وهيك ما بصير بس نسوانا فعلا الشدة عليهم مطلوبة وكلامك مع هالشاب حرام حرام حرام

  الله يستر على كل الناس انتبهي منيح لحياتك افضل من كل الشي نداء نداء ارجوكي افهم ليش اختفيتي وشو صار بليز

  السلام عليكم

صديقتي السائلة ..... وبعد التحية

في البداية، اتمنى لك التوفيق والفرج من الله، والصبر وحسن التدبير وعدم الانجراف الى المعصية.

صديقتي .... دليني على المكان الذي اعيش فيه حياة سعيدة جدا مليئة بالحب والشغف والورود وحب الخير من الناس الى الناس والمساواة والعدل بين الناس والرسومات المبهجة من الضحكات على وجوه الناس واللين في التعامل، البعيد كل البعد عن المشاكل والأحزان والكره والبغض والضجر والكوابيس، وما الى هنالك من مشاكل و سيئات عديدة، هل لك ان تدليني عليه؟

صديقتي .... لنفترض ان ذلك المكان موجود بالفعل، واستعطنا العيش فيه بسلام وامان، برأيك; هل ستكون الحياة فعلا خالية من المشاكل كما ذكر؟

صديقتي .... انتي انانية جدا وطموحك ضعيف في الحياة، اعذريني ولكن .... كيف لك الهروب من حياة سعيدة قد عشتها كما ذكرتي في القصة لأسباب تحصل مع الجميع مع الاختلاف في كيفيتها واشكالها؟
فلا وجود لحياة بدون مشاكل، ولو وجدت لأصبحت الحياة مشكلة برمتها، هكذا خلق الله تعالى الناس، حب وكره، ضحك وبكاء، حياة وموت، ابيض وأسود، وانا على يقين بأن الله تعالى بحكمته وعدله والهيته سبحانه قد اعطانا كل شيء بالتساوي فيما بيننا بنسبة وتناسب، والدليل انكي بالفعل قد عشتي الحياة البيضاء في البداية، والان انتي تعيشين الجانب المظلم فيها، فهل هذا سبب وجيه للهروب من تلك الحياة التي ستعود يوما الى الجانب المشرق؟

صديقتي .... هروبك من حياتك خطؤ قد تغفرينه لنفسك، ولكن لماذا تلجئين الى خطىء اخر لن يغفره احد بما فيهم انتي لنفسك؟ كنتي تستطيعين الهروب من مشاكلك مع والدتك، اختك، صديقتك، زميلتك، جارتك، طفلتك!!، مرشدة اجتماعية، دكتور متخصص، اهل الخير والاصلاح، والعديد العديد ممن تستطيعين اللجوء اليهم للهروب!!، لماذا وقع اختيارك على رجل لا تعرفينه بدلا ممن ذكرتهم لك؟ هل تعاقبين زوجك على مشكلات لم يقم باختيارها؟ ام تعترضين على ما اختاره الله لك بالانحراف والانجراف الى معصيته سبحانه؟ يا لك من مسكينة وتعيسة وتعس اختيارك الأبله!!، كيف تبوحين بأسرار حياة سعيدة قد عشتها الى رجل مجهول الهوية ولو عرفتها؟ كيف تستطيعين ادخال الشيطان الى بيت ذكر فيه اسم الله بينك وبين رجل قسمه الله تعالى لك لتعيشين معه على السراء والضراء؟ كيف تقسمين على العيش معه على السراء والضراء ولا توفين بوعدك وقسمك؟

صديقتي .... لم تذنبي كثيرا بالتفكير في هروبك وضعفك من مشكلاتك التي تعيشينها بعد حياة سعيدة، لكنك الان مذنبة وخائنة والويل كل الويل مما تصنعين، وتقولين بأنك متدينة ومثقفة؟ فهل هذا سلوك انسان متدين مثقف عاش حياة سعيدة؟

صديقتي .... لك الحق في الانفصال عنه كما له الحق في ذلك، لكن ليس لك ادنى حق في ما تصنعين الان، ما الفرق بينك وبين المنتحر؟؟ هناك فرق واحد وهو في انتحارك تكونين قد جنيتي على نفسك، ولكن ما تصنعينه الان هو جناية على كل من حولك بما فيهم انت نفسك، فكري مليا بالأمر وعودي الى رشدك واستيقظي من كوابيسك التي لن تنالين منها سوى الاحزان ونظرة حقيرة من الناس لك والله اعلم.

لن اعتذر عن قسوتي لأنك لم تعتذري عن فعلتك الوخيمة، ولكني كناصح لك ارجو من الله ان يهديك ويعينك على عودتك سالمة بأقل الاضرار الى نفسك وزوجك وطفلتك ومجتمعك وعائلتك وحياة سعيدة كانت تعيسة صارت .... هي المثالية بالفعل!! .

والسلام

  1-اولا :الي باعك بيعة ؟ وزوجك مش رجل ولا يعرف معنى الحياة الزوجيه وهو غير ناضج ، والدليل انه لا يدلعك ولا يعرف شؤون الزوجيه ، ان خيارك على النت حضاري وكله في الهواء ما حدا قرب على حدا شو العيب ، والمشاعر المتبادله هي دليل صحه ...الى الامام للانطلاق في الحاة بدون قيود ..ويجب كسر جميع القيود

  (مع العلم اني والحمد لله متعلمة وحلوة ومثقفه جدا ومتدينه) ركزي على متدينة وهل الدين يجعلكي تتكلمي مع شاب وانت متزوجة من اخر لم اسمع بهذا الدين من قبل ربما كان تين وليس دين ديري بالك على زوجك احسلك انت حكيتي انه كان كويس من قبل فربما تكوني انتي التي تغيرت عندما تعرفت على الشب ويمكن يكونوا اخوان زوجك ابشكوافيك لذلك اقطعي علاقتك فورا مع الشب لاني متاكدة انه بتسلى بس وديري بالك على بنتك لانها هي اللي رايحه تكون ضحية ومجرد ماتقطعي علاقتك معه رايحة تتحسن علاقتك مع زوجك والمثل بقول خليك على منحوسك ليجيك انحس منه

  بدي أساعدك لله,,,
أختي العزيزه
قبل كل شي ما تحكي مع شباب من مره وركزي بعلاقتك مع زوجك يمكن صرتي تقارني المحترم اللي بتحكي معاه مع زوجك !!وهذا غلط ،،وإنت خاينه .
وبعدين إفرضي هالمحترم صدق وتزوجك (إذا)!
أول شي رح يعملوه رح ياخد منك التلفون ويفصل عنك الإنترنت بخاف تعملي فيه زي ما عملتي بزوجك ، صح؟؟؟؟؟؟؟؟؟أي واحد عاقل رح يعمل هيك .
وبعد ما تتركي هالمحترم وتصفي النية مع الله وغلبتي معاه بدون أي تدخلات خارجية بتوكلي أمرك لله وبتستخيري وإذا لا سمح الله تطلقتي بس فكري بتربية بنتك على الاخلاق وطاعة الله وسيبك من هالشغلة كلها وانسي ...والله يوفقك

  شوفي حبيبتي انت بتطلبي حل لمشكلة انت بس عايشتيها عشان ههيك ما حدا بعرف الحل غيرك انابقلك نصيحتي اذا كان عنجدحياتك صعبه وتعيسة قد يكون الحل هو الطلاق لانة على فكرة وبعد التجارب ما في مرة بتقدر تغير زلمة يعني لا تحلمي يتغير بس لازم تنسي الأخ التاني ولما توخدي قرار با لارتباط مرة تانية تكوني مرتاحة نفسيا و ما تخلي اي زلمة يسيطر على حياتك وبالذات هادة لانك رح تتعبي معاة فكري انك انسانة مهمة و حلوة بدون رجل وخلي ثقتك بنفسك عالية وبعدين استعدي للاختيار من جديد لانة في عيوب بالرجال ما بتبين الا بعد الزواج كوني حذرة ولا تخلي الزلمة يعرف نقطة ضعفك

  يا ستي العزيزة الشباب اكدب ناس احنا ياما عملناها انا وشباب صحابي مع البنات المتزوجات ..مستحيل شب يتزوج بنت في هيك طريقة لانو ماراح يثق انك ما تعمليها مع شب تاني بعد ما يتزوجك الشب لما تكثر علاقاتو مع الجنس الناعم وتتفرع يصير اكثر انسان شكاك ومستحيل يثق ابدا في اي بنت بعدين خلينا صريحين شوي في حدا صادق على النت...انا متاكد انك بتكذبي عليه وهو بكذب عليكي ...لانو النت بس للكذب لانو بنعوض النقص الي عنا بالكذب على الي قبالنا لانو ما بعرفنا ولا راح يعرفنا...نصيحتي الك روحي عند اهلك واطلبي بيت شرعي بعيد عن اهلو ...واتذكري دايما انو الي بتعرفيه احسن 100 مرة من الي ما بتعرفيه شو بعرفك شو اطباع صاحبك هادا هو بس الحب اساس الزواج.ههههههههه

  اسكتي والبدي احسن الك الي صاحلك مش صاح لغيرك عند اولاد وبدك تتطلقي اكيد مع الزمن رايح ايحبك زبطي حالك وبيني قدامه انك جميله

  الى احلى الحلوات انا حاب اتعرف اكتبي لي ايميلك او اسمل على الفيس بوك

  الله و اكبر..الله و اكبر
بحياة ربك بتحكي جد؟؟
حرام عليكي والله اللي بتحكيه
وين الدين يا متدينه .. تقابلي الغلط بالغلط؟؟
كيف سمحتي لحالك تخونيه حتى ولو مجرد شات
الله يهديكي..و يعقل عليكي
بدي احكيلك كلمه وحده بس
اتق الله ..اتق الله ..اتق الله
وعلى حكي البدو لاني منهم و بفتخر بحكيلك
العقل زينه

  يا بنت الناس انتي مصدقه هالحكي اي مجنون بعمل علاقة مع وحده متزوجة وبيرجع يرتبط فيها بعد الطلاق وبعدين من حكيك انتي ملنقيه معاه وطبعا(في نطاق الادب) زي ما بتحكي وين الادب بالمشكلة كامله اسمحيلي احكيلك المشكله مش تصرفات زوجك بس شكلك بتحبي التنويع ولو اطلقتي رح يهرب البوي فرند تبعك ورح اتعضي اصابعك ندم ورح ادوري زوج على النت والصحافة
اهدي يا بنت الناس وديري بالك على زوجك واذا فيه مشكله فسيولوجية خجلانة تحكيها حاولي ان نجدي لها حل طبي

  اسمحيلي احكيلك انه نصيحتك هشه وعقيمة انتي بتحاولي اتحلي المشكلة بمشكلة اكبر

  رائع رائع رائع بكل ما بتحمل هالكلمه من معنى الله يكملك بعقلك وعيك على الثقافه اللي عندك رأيك صائب استمر

  ياحبيبتي اللي صار معاكي صار معي بالضبط بس انا لجأت للقرآن يوم وراء يوم اقرأ سورة البقرة وادعي ربي يكفنيهم بما شاء و الرجل الذي طلب مني اتطلق عشان يتزوجني حسيت انه بسبب لجوئي له زادت مشاكلي مع زوجي بدون سبب واطريت الجأ لدائرة الافتاء فافادوني ان زوجي غلطان بس انا عرفت مجرد ما انسى هذا الرجل اوتوماتيك تزبط علاقتي بزوجي مع العلم ان هذا الرجل طبيبي فلا تلجاي الا للقرأن ما الك الا هو نصيحة

  انا رأي الشخصي انك ما تصرفتي منيح لانو اغلاطك لا تغتفر اول اشي انتي انانيه بس بتفكري بحالك ما فكرتي انو عندك بنت لو اطلقتي و تزوجتي انو بنتك راح اضيع من بين ايديكي وراح تغلبيها بحياتها بين ابوها و زوج امها تاني اشي ما تخلي اهلو يخربو بينكم انتي حاولي رجعي حياتك زي ما كانت والغلطة الكبيرة انك اتعرفت على شخص من النت و هاد حرام و خيانه اتخيلي زوجك عملها شو كنتي اتصرفتي الله يهديكي و يهدينا و دايما الواحد ما يفكر بس بحالو

  يا سيدتي نصيحة لا تتهوري , في شباب هدفهم الوحيد هو التلاعب بمشاعر النساء و استغلال عواطفهم و مشاكلهن مع ازواجهن من اجل الوصول الى غايتهم و ما اكثرهم هذه الايام .

يا اختي انتي مثقفة و متعلمة لا تجعلي من نفسكي فريسة للذئاب الضالة و انظري الى بيتك و اولادك و فكري بالرحيل الى بيت اخر بعيد عن اهله و ان لم يستطع زوجك ذلك كوني له امة يكون لك عبدا

سمعت مثل هذه القصة من عدة اشخاص و كانت النتيجة الفشل و الخاسر الاكبر هو الطفل فلا تجعل من نفسك قصة تحكى فالناس يا اختي لا ترحم

و الله يهدينا و يهديك

  ارجو من السيدة عدم الثقة بذلك الشاب الذي التقته على النت فهو انسان زائف وانصحها بترتيب نفسها مع زوجها وممكن اذا تطلقت ان يهرب منها الاخ صاحب الصدر الحنون....كله افلام يا ستي وانتبهي لبيتك وزوجك

  بقولو الفرس من الفارس , الظاهر الفرس هاملة والفارس اهمل , 3-4 ساعات ويش بسولفو ................, غورو الله يغوركو ويشت حيلكو وحيل ......النايم عذانه , وبتقولي بحترمك ههههههههههه لا صحيح سواليفكي بحترمكي من الاخر ول عليكي سبع ولات مثل ما ودكي تجيبي لاهلكي معيار يلزق فيهم طول العمر لولد الولد اهههههههه ..........................

  يا اختي المحترمة المتدينة كوني من الصابرات واتقي الله في ابنتك
انا امي وابوي الهم ثلاثين سنة متزوجين مع المشاكل اليومية وما حكت انها بدها تتطلق عشان المشاكل
وانتي شو عرفك انو الثاني ما في مشاكل العن من الاول؟
وكيف بدو يثق فيكي؟؟؟؟؟؟؟؟؟؟؟؟؟؟
فكري بابنتك ومستقبلها فسوف تتربى عند زوجة الاب او زوج الام الخائن؟؟؟؟؟؟؟؟؟؟؟؟؟
واول كلمة بتسمعها بنتك روحي يا بنت الخائنة عشاقة الرجال على الانترنت
الله يهديكي ويسعدك مع زوحك

  الى 58

ازا بليتم فاستتيروا

  شو يا زاد بلشنا وين تعليقي الحلو

طيب الموضوع كالاتي انتي زي المجلوط الي بيتمسك بالبانتين مش مشكلة بس تعتقدي انو صادق من اذني اذا في رجل بالدنيا صادق ايش مالك خلافات ودنيا وعالم عادي بس الخيانة ممنوعة يعني انتي بتدمري نفسك وصحيح حكيتلك عن اصحاب النت انا نادرا ما بيكونو بريئين عنياتهم زيك يعني مقلعين والمهسهسة الها فايدة والي ما تفتح مجال بيدخلولها من باب اريد حلا ساعدونيييييييييييييييييييي

وبس انا زعلانة من المحرر


الجوزاء الزعلانة ^..^

  الى صاحبة القصة فهمت وضعك والله يكون بعونك بس مافي اي مبرر انك تحكي مع رجل غريب شو ماكان لانه لساتك على ذمته بعدين قلتلك من النصائح ضلي ادعي ربنا بدل ماتقعدي 3 او 4 ساعات عالنت ادعي الله وصلي ركعتين لله وادعي في السجود يصلح حال زوجك لانه زي ماقلتلك ارسول قال يتصارع القدر مع الدعاء وانا هاي جربتها بدعي ربنا كثير وربنا فرج همي يعني عمستوى ابوي كان مطلع عيني معقد نفسيا بس ربنا غير حاله وصار يحترمني ويفهمني مابعد الذيق الا الفرج يا بنت الناس ربنا قال واستعينوا بالصبر والصلاة وكمان قصة احد التابعين اجاه خبر وفاة ابنه فنزل من دابته وصلي ركعتين لله قالوله يا شيخ بنقله ابنك مات يعني الطبيعي يروح يدفن ابنه على طول بس قبل الدفن صلي ركعتين قبل اي شي فقال لانه ربنا قال استعينوا بالصبر والصلاة وربنا قال بالحديث القدسي اذا احببته عبدي ابتليته وربنا قال ولقد خلقنا الانسان في كبد يعني في مشقة قلتلك الحلم بالتحلم والعلم بالتعلم وليس كل مايتمناه المرأ يدركه اصبري عشان بنتك كل الناس عندهم مشاكل لو تشوفي اخواني ونسوانهم واهلي والله مشاكل كثيرة بس كل بنت بتعرف ادبر امورها وهاي مشكلة الاهل انه احيانا مابربوا البنت تكون قد حالها يعني مستغرب معظم البنات حاكمات الرجال بس في اسلوب يعني بالعربي حسسيه بحبك اله وقلتلك صاحبه حماتك بتكسبيها وبتصير تحبك ولو حبتك بصير يحبك جربي جميع الاساليب الا يزبط معك اسلوب يعني في مقولة من ابائنا واجدادنا اللي همي بركتنا في الحياة بتقول المراة بدق على ركبتها بطلع حيلتها بس طبعا تكون الحيلة لهدف سليم مش هدف خبيث عامل جوزك بلطف احكيله بحبك وكلام رومانسي اهتمي بلبسه وباكله وصاحبي حماتك وزبطي امورك ولازم تصبري ربنا ابتلاكي اصبري عشان بنتك وقلتلك كل فترة روحي عند اهلك عرفي بقيمتك وبقيمة البنت مش معقول مابحب بنته الا اذا كان واحد حيوان وماعنده احساس في مليون حل وشو ماصار ماتزوجي الشب الثاني اللي عالنت نصيحة وانت حرة والخيار الك والله مافي بعد تقوى الله والعفة ولو سكرت معك احكيله طلقني فلما يحس الموضوع جد اكيد رح يتراجع او يغير اسلوبه لانه القانون مع المراة في نفقة وفي مهر فرح يتبهدل فرح يفكر للمليون قبل مايطلق وحاولي اذا في امل معه خلفي كمان ولد يعني ذكر او انثى هيك بتربطي اكثر لانه هيك البنات بعملن انا عارف الله اكبر مش عارفة ادبري حالك يعني انا رجل وعارف كل شي وانت مرة ومش عارف دبري حالك مع جوزك
m_sabti2007@hotmail.com

  بدون تعليق

  انت زوجة خائنة....

  مافي وحدة بتحب عزوجها وبتفكر بغير زوجها بتنضب ببيت صدقيني واطلبي منه الطلاق افضل

  ديري بالك تعمليها

  ببساطة ...
انت إما إنسانة خائنة أو في أفضل الأحوال إنسانة رعناء...

اتقي ربك و لا تخونيه قبل زوجك....

  إلى التي علمتني معنى الحب ، إلى التي رأيتها في أحلامي وعشت معها أسعد أيامي ، إلى التي طلبتُ العلا لأكون كبيراً في عينيها ، إلى من أكتب لها قصائدي لتقرأها وتفتخر ، ولتعلم هي والعالم كله أن كل حرف وكل كلمة كتبتها هي قصيدة حب أكتبها لها .
إلى من إحتارت الكلمات في وصفها...،وتاهت الأحرف في كتابتها...وشدت أذناي بصمت إلى صوتها...يامن أغمضت عيناي شوقاً لرؤيتها..، دليني فاتنتي بأي قول أخاطب رموشكِ ، ومن أي كتاب أكتب الشعر لجمالكِ ، تمنيت لوتسقيني كأساً من دموعكِ ، وأعطيكِ أغلى ماأملك لخاطرك ، فأنتِ دنياي التي أسعد بها ، ليتني طفلا باكياً على ذراعيكِ ، كم تمنيت أن أكون نبضاً بقلبكِ . أخبريني فاتنتي ماذا يقول قلبكِ لقلبي؟ ولا تسأليني ماذا يقول قلبي لقلبكِ؟ سوى أني أحبكِ ، وحبي وحبكِ قد سبقا زمن الحب بملايين السنين، أخبريني جميلتي ماذا تقول عيناكِ لي؟ سوى أنهما بحراً أسافر فيهما! أهاجر منهما! وإليهما! وأرغب أن أسجَّل في تاريخ الحب كأول غريق في أمواجهما.

  جمال مين انت والحكي هاد انا حاسة انك بتعنيه واذا بتعني كيف وليش لا شفتك ولا شفتني بعدين انا غير عن البنات اللي هون انا ماتعودت حد يغازلني وانت اكيد بتلاحظ فشو القصة ريح بالي انا قرأت قصيدتك التانية بس كنت مفكرك القلب المجروح رد عليه وبينلي اسمه لاني مدحت كلامه فتخيلت انه مدحني بس انا حاسة كلامك مش مدح كلامك اله هدف تاني


القيسية

  بصراحة يا جماعه والله الغريق بتعلق بقشة فعلا .. غير هيك انه زوجها حقير وتافة وكمان

  يالعيون اللي تصيب ولا تسمى
منك احب الجرح لو ماينتجارى
بالعقل سمي وبالخفاق سمي
رغبتيناً كلها يمك تبارى

ايه احبك والغلا يسري بدمي
والسهر ماقدر عيون السهارى
والله اني ماشكيت الناس همي
لو عظيم الحلم عن عيني توارى
بالعقل سمي وبالخفاق سمي
رغبتيناً كلها يمك تبارى

انثر ورود الغلا وتروح لمي
رشفتاً تروي ضما كل الصحارى
ماسألت الناس عن مدحي وذمي
دايم الغيره لها قلوبا غيارى
بالعقل سمي وبالخفاق سمي
رغبتيناً كلها يمك تبارى

لمي احزان الزمن والهم لمي
يكفي سنين مضت وانَا حيارى
رحت يمك ليتك تروحين يمي
كان شفتي كيف تدليل العذارى
بالعقل سمي وبالخفاق سمي
رغبتين كلها يمك تبارى



القيسية

  اسعي لتحسين علاقتك بزوجك واهله وكل الاشخاص اللي بينك وبينهم مشاكل
ابدأي انتي صدقيني فش انسان سيء بشكل مطلق ولا انسان صالح بشكل مطلق
قال تعالى"ادفع باللتي هي احسن فإذا الذي بينك وبينه عداوة كأنه ولي حميم"

اذا عاملتيهم بالحسنى حتى لو اساؤا لك سياتي يوم ويتغيروا للاحسن


وبالنسة لمن تحبيه..وجوده في حياتك جعلك تتصيدي الاخطاء لكل من هم حولك حتى تجدي لنفسك عذرا بحبه

اتكلم مع زوجي عبر الماسنجر فاجده مختلفا عن الواقع ( الحمد لله انا سعيدة معه بالحالتين) ولكني اجد اختلافا ..صديفيني لربما انه انسان شخصيته الواقعية مختلفة عن الماسنجرية...
اخلقي سعادتك بنفسك



نحن نصنع سعادتنا ولا يصنعها لنا احد

  يعني يا محرر انا الي زمان ما علقت ولما اعلق ما بتنشر تعليقي ، بعدين مشان الله يلي بتكتبوا مجلدات تخفوا علينا انعمينا
والي الاردني يلي بجدة " من زنى يزنى به ولو في عقر دارة" وما تنسى انا عرب وشرقيين تخيل لو انكشف موضوعك انته والخاينة الي بتحكي معك من ورا زوجها يمكن نقرا عنك بالنت

  انا بدي اتعرف عليكي hadi_hadi5000@yahoo.com
وانا في ابوظبي

  يابنت الناس
انتي تركتي زوجك يعاملك هاي المعامله
اكيد كنتي مقصره معاه ب اشياء وانتي ماحسيتي فيها
حاولي انك اتعدليها وبنفس الوقت اتصفي نيتك مع زوجك
واتركي الحكي الفاضي لانه عندك ولد وراح يضيع وانتي كمان راح ينخرب بيتك وماحدا راح يساعدك
هاي نصيحتي الك
وما تفكري بالتعليقات الي صارت
وراح تتغير حياتك
سلام

  أطلبي الطلاق من زوجك كوسيلة ضغط عليه يمكن يصحى لحاله ويغير أسلوبه معك ويفكر ببنته وبعقلانيه اكثر خليه يحس انك ممكن تستغني عنه ... وخبرينا شو رد فعله وانشاْ الله بنقدر ننصحك في الخطوه الثانيه ... أما بالنسبه للعلاقه الثانيه يجب ان تقطعيها فورا...

  حاولى تكسبي رضا حماتك بالمعامله الطيبه
مثل عمل الحلويات او فنجان قهوه
اعتبريها مثل والدتك
وادعى ربنا يسهل الامور
لا تطلبى الطلاق

  اتركي زوجك
انا تضايقت كثير من مشكلتك و هاي النصيحة مني .......لصالح زوجك المخدوع اللي ضاب مخلوقة .........................مثلك

  ديري بالك ولاتردي عليه ممكن يكون كذاب الشباب ما الهم امان

  بحب احكيلك انه الشب الي على النت كذاب اسمعي جربي احكيله انه انت عند اهلك وجوزك طلقك واصبري يومين او ثلاث ورح تشوفي انه رح يتهرب منك وما رح يرجع يحكي معك جربي وما رح تخسري ورح تعرفي انك غلطانه وبالنسبه لجوزك حاولي تتفاهمي معه يعني اعملي ذان من طين لاهله وذان من عجين حاولي تضحكي بوجهه اول ما يروح من شغله ولا تلاقيه بمشاكل اهله وحتى لو اهله بهدلوكي او سبو عليكي لازم تسكتي وتحكي لجوزك انك بتسكتي عشان خاطره واحترام اله وشوفي كيف رح يتغير معك وتكبري بعينه ورح تلاحضي انه رح يوقف معك ويصير يصبرك على الحياه حاولي اكتر من مره ورح تشوفي كلنا ممكن نغلط بس اهم شي الواحد يرجع على الطريق الصحيح

  الشاب هاد ما حيتجوزك لو اطلقتي ولو اتجوزك حيضل شاكك فيكي ويعتبرك متل ما خنتي جوزك الاول حتخونيه اهتمي ببيتك وولادك ازا عندك ولاد وخليهم همه هدفك بالحياه ما في رجال كامل وما في حياه زوجيه كامله مكمله انتبهي لبيتك وبس

  انا مع المحامية 182 بزيد على كلامها شو بتتوقعي اقولك إنك غلطانة وانت السبب طبعا سيبقى يقنعك إنك على حق وانه هو طيب ومستعد يحضنك، وبزيدك من الشعر بيت امسكي برأس الأفعى اللي هي حماتك حاولي بكل ما أوتيت من قوة أن تكون معك وفي صفك وشوفي شو بصير بعدين لكن ابعدي عن هذا الذئب الماكر

  الى اروما كلامك عسل 0هذا الكلام منطقيوالشافي 0وشكرا الك0

  لا طبعا لانه رح تصير مشاكل وما رح يتزوج اصلا
ورح يصير يعاير فيكي حبيبتي فش حد منيح كله بس شغل حكي والحكي ما عليه جمرك واحكي اربعه؟؟؟

  اي علاقه من خلال النت فهي فاشله واذا انت مش مرتاحة الان واتبعتي شخص النت فستندمي كثير...... علاقات النت غير صادقه واخذري

  بصراحه انا مشكلتك زي مشكلتي مش عارفه شو اعمل لا بس انا اكتر منك بشوي تعرفت عليه وانا ببلد الغربه مع انو زوجي منيح وبحبني والحمد لله انا ما بدي اياه الشب كل ما احكيله ابعد عني بحكيلي بموت حالي وما بقدر ابعد عنك وصرت اتهرب منه وهو مش مقتنع وحكيتله انا متزوجه وعندي بنت حرام اللي بنعمله كمان ع الفاضي مش عارفه شو احكيله وخايفه زوجي يعرف مع العلم الشب مصري والله ضميري بانبني كل دقيقه
طيب اني ما عندك ضمير؟علقي اللي بدك اياه

  شوفي أختي....
رح إحكيلك قصة...
الشيطان بعت أولاده ليفسدوا بين الناس...
لما رجعوا سألهم شو عملتوا
واحد قال خليت فلان ما يصلي
رد الشيطان عادي
التاني قال خليت فلان يصرخ عأبوه وأمه
رد الشيطان عادي
التالت قال فتنت بين زوج وزوجة وتطلقوا
رد الشيطان إنت حبيبي
شاب النت هيدا حقير لو فعلا بده ينصحك ما بقلك تطلقي
فوق الخراب خراب يعني؟؟؟
ما تنسي عندك بنت أنا متزوجة وعندي بنت وولد ومتحملة من زوجي قسما بالله إنت نقطة ببحر اللي عايشيته قدامي
وحدي الله وإستغفري ربك وبالنسبة لأهل زوجك قللي مخالطتك مههن...
في متل بقلك قربوا لنكرهكن وبعدوا لنحبكن..
فكري ببنتك قبل ما تتخذي أي قرار

  اذا اتطلقتي من زوجك عشان تتزوجيه ما رح يتزوجك خذي مني.. لأن رجل وسوف يقول لنفسه زي ما تركت زوجها عشاني بكره بتتركني عشان واحد تاني..يعني انتي في نظره ما فيكي خير..
هيك تفكير الرجال وانا ضد انك تهدمي بيتك عشان واحد حتى لو انه احسن رجل في العالم..
زوجك رح يتغير في يوم من الايام صدقيني
(بقاء الحال من المحال)والله على كل مساوء جوزك بضل احسنلك من صديقك.. والدين النصيحه..