أعمل في شركة وأشعر بالخجل من زملائي

  try to change your location in job else

  الشعور الزائد بالخجل هو قلة ثقه بالنفس حلو الوحده

يكون عندها خجل الحياء اما انه يتحول الى شعور

بالخوف من المحيطين فيكي فهاد اسمه ضعف بالشخصيه

المفروض تكوني قد حالك اجتماعيه بحدود في خطوط حمر مش

مسموح تجاوزها لا منك ولا من الموظفين الاخرين شو يعني

مدردحه يعني تتحولي الى قليلة ادب او تكوني

بايعيتها بتصيري اموره وكرموشه وعين الله عليكي

واجتماعيه لأ انتي تعينتي لكفاءتك مش لمواهبك الاخرى

واذا انتي جديه بشغلك اكيد بتفرضي احترامك على الجميع

واولهم المدير وبعدي ليش هو لازم اللي بتشتغل في شركه تاكل

وتشرب مع الموظفين كل واحد حر شغله مش اجباريه وما

يهمك رأيهم فيكي المهم انتي رضيانه عن تصرفاتك!!!

بس بنصحك نصيحه

اخويه الجديه لازم يكون معها لطافه وابتسامه دائمه

مش لازم الوحده تبين انها لئيمه الجديه اشي تاني

وشويه شويه انتي عوديهم على مزاجك وطريقتك بالتعامل

واذا مو عاجبهم الارزاق بايد الله مو بايد الناس

ابتسمي الدنيا حلوه وانت باخلاقك احلى مع السلامه حبيبتي .

  أختي الفاضلة
بإختصار : " خر الأمور أوسطها " وكوني معتدله في تصرفاتك مع اجن الآخر ممن حولك فلا تكوني جريئة جداً ولا تكوني معقدة ومقوقعة على نفسك كثيراً .......
تعاملي معهم بالحد المعقول فإذا دعوكي للغداء إذا كان الجو مناسب وليس فيه أي تجاوز للحدود الشرعية فلا مانع من منه . ولا يجب أن تنتناولي الغداء يومياً معهم ولكن مرات معينة ....وخلي علاقتك فيهم سطحية يعن كل ما تشوفي حد منهم أو يشوفك : مرحبا كيفك ؟ شو أخبارك ؟ وبس
همسة أخيرة : أي شيء قبل ما تعمليه إسألي نفسك : هل يرضاه الله ورسوله ؟ فإذا كانت الإجابة بالايجاب فعليك بفعله دون أي تردد وإذا كانت بالنفي فلا تفكري مجرد التفكير في الأمر
مع دعواتي لكي بالتوفيق والنجاح
وتقبلي تحياتي

  بالعكس يا اختي انتي بنت ناس ومؤديه وللاسف شركات هالايام بدهم بنات وقحات مش مدردحات على رايهم . في كتير بنات زيك وبشتغلوا وما في اي مشكله وبالعكس الخجل اللي عندك طبيعي لبنت مودبه بتشتغل مع موظفين رجال . فلا تفكري برايي بالموضوع كتير والله يوفقك

  بالنسبه الي انا مش شايف فيكي مشكله واللي عاجبو عاجبو واللي مش عاجبه يلئط حواجبو
وانا بئلك ضلي متل ما انتي ولا تتغيري علشان حدا
اوكي
تحياتي
ايـــاد العـــــزام

  أختاه

السلام عليكم

سأبدأ من حيث انتهيت في طرحك. فأنت ذكرتي المشكلة وبذات الوقت قدمتي الحل فقلتي انك تعانين من الخجل مع زملاء العمل وبنفس الوقت ذكرتي ما عليك فعله تجاههم فقد قلتي عبارة (لأن العمــل لا يتطلــب خجـــل ولا جـــرأة زائـــدة) نعم هذا الحل . وشيء آخر هو لماذا اسميتي الرجال بالجنس الخشن ( ليس تعصبا" مني) أهل كانت هناك تجربة لك أو لأحد يخصك أو سمعتي عن حادثة جعلتك تكنين الرجال بالجنس الخشن . أنصحك بكل تواضع أن تعتبري جميع موظفي الشركة بمثابة إخوانك فهم زملاء عمل كزميل الدراسة . فكيف كنت إذن أيام دراستك ما بعد الثانوية .
الخجل مطلوب شرعا" ولكن بحدود معينة بحيث لا يصل الخجل إلى حد إلغاء الشخصية . حاولي كسر حاجز الرهبة بالتعامل مع زملاء العمل . بل أطالبك بإلغاء لفظة ( الجنس الخشن) من قاموسك , فإذا قدرتي على ذلك سيندثر خجلك الزائد .

الخجل الزائد غالبا ما يؤدي إلى إتعاب الحالة النفسية لدى الشخص نفسه بسبب شعوره بالضعف والعجز والكبت والصراع بين ما يرغب فغله وما يفعله وقد توصل أحيانا إلى الانطوائية والبعد عن التجمعات والناس .
بعض الاقتراحات



1. أول شيء واهم شيء الثقة بالنفس فيجب أن تزيدي من ثقتك بنفسك فقد يحتاج الأمر في البداية لان تبني ثقتك على أشياء ظاهرية وبعد ذلك اعتمدي على نفسك فيما تملكيه داخل نفسك وذكري نفسك دائما بما انجزتيه بحياتك لكي تزيد ثقتك بنفسك .

2. عودي نفسك على أن تبدئي الكلام وحاولي توضيح وجهة نظرك بأي موضوع ودعي الناس في البداية تنتقدك فاهم شي عبري عن نفسك وما راح يصير شي من ذلك فقد تجدي صعوبة بالبداية ولكن مع الأيام سيهل الأمر عليك . وأنصحك لو كان الأمر صعبا عليك أن تبدئي ذلك في البداية مع الأطفال .

3. عودي نفسك على المواجهة واتركي أسلوب الهروب والابتعاد وحاولي مواجهة الناس والرد مباشرة فقد تخطئين في البداية لكن مع الوقت سيكون من السهل التحكم في ردود فعلك .

4. غيري مفهومك عن نفسك وغير اعتقاداتك القديمة واقنعي نفسك انك تستحقين التعبير عن النفس وتستحقين قول ما تريدينه وبالطريقة التي تحبيها وان رأي الناس دائما في كلامي ليس بالضرورة صحيحا


وفقك الله

أخيك – الدارفوري

  ما في مشكلة احسن البنت تكون خجولة . اصلا بتكبري بعينهم انك محترمه وانتي اشرحيلهم وضعك اكيد رح يفهموكي

  بالعكس اختي .. انت قمة الاخلاق والحياء يلي غايب من جيل بنات هادي الأيام . يعني لما تستحي من الخلوة مع شب او تستحي توكلي معهم على طاولة وحدةفهادا انت قمة بالاخلاق والحياء وانا امنيتي اني الاقي وحدة متلك . اما يلي بقولو بدهم مدردحة خصوصا في عصرنا هادا عصر الاختلاط والبلاوي الزرقة يلي اتغيرت فيه المفاهيم .. صارت الانثى المعتبرة بعصرنا هادافي يلي بتختلط وتتغنوج وتتمكيج للكل وووو الخ . اما البنت الراكزة الخجولة غير مرغوب فيها . على فكرة انا متلك صرت كبير بالعمر ومابتزكر اني حاكيت بنت او حتى اطلع ببنت مش لاني بطبيعتي خجول ولكن ليش لأفتح بواب علي . ابقي متل منت اختي والله يوفقك

  نصيحة أخوية اتعاملي أنت كما أنت be ur selfبعفوية وعلى طبيعتك واعتبريهم اخوانك وعائلتك اللي بتمضي معهم وقت أكثر من بيتك ..

وصدقيني حترتاحي أكتر وحيكون وقت العمل ممتع وغير روتيني .

  لا عيب بالخجل
+
الحذر واجب ممن لا يقربك أو تعرفيه من مده طويله (سنوات)
+
من غير الطبيعي أن تعملي بشركه فقط رجال و أنتي الوحيده فقط بالشركه!!!

  اختي في الله
شرحك للمشكلة غير واضح تماما يعني شو بتشتغلي وشو طبيعة شغلك بتاثر فاذا كان كلو اختلاط بالرجال فطبيعي تكوني مدردحة لانو طبيعة الشغل يمكن بدو وحدة ملحلحة شوي على قولتهم
وانا بعتقد انو المشكلة مو فيكي فيهم
يعني احنا سرنا بمجتمعات كلشي عندها صار عادي واحنا لمعقدين
انت بطبيعة شغلك لا تزيدها كتير بتعامل ولا تشددي كتير
يعني اتعاملي معهم ضمن اطار الشغل لا اكتر ولا اقل
وشكرا

  مرحبا
الخجل حلو على البنت وحلو كتير بس مو لطريقه انه يعيق مسيرك بالحياه يعني انتي لازم تخففي منه على الاقل بالعمل انت عم تتعاملي معهم بنطاق الشغل ولازم تكوني شوي جؤيئه بلا ما يفكروكي ما عندك شخصيه وبتعاني من شي بس سوال ازا انتي بتخجلي لهدره عدم المواخده فيه شغلات كتر ممكن تشتغلي فيها ما يكون فيها رجال متل المعلمه متلا هادا طبعن لانه خجلك مسببلك مشكله بشغلك فيكي تتركي الشركه وتشتغلي معلمه او مجال على الاقل يكون فيه نسبه الاناث معقوله مو لحالك البنت الوحيده
وبالاخير انت لزم تكوني جريئه شوي لانه حياتنا بده هيك الخجول صار فيها اهبل سمري على التعبير بس هادا هوه التعبير بهيك مجتمع والله يوفقك بشغلك وحياتك
احترامي للجميع

  دردحة؟
يختي لو ...... ما بتوافقي عليه من أصلو.
.........عفكرة أنا بشتغل بمكان فييو رجال اكتر من 20
و انا بجتمع معهمو مسوؤله عنهم و كلهم اكبر مني و انا البنت الوحيدة فيهم,لهيك اللي أد حالها ما بتتظلع عالعدد.....

لازم تقوي شخصيتك أكتر لو سمحتي

  اختي العزيزة معظمنا يعمل باماكن يتواجد فيها الجنسين واذا كنت تعرفين نفسك جيدا انك ستحافطين على حدود اللباقة في الكلام وانك واثقة من نفسك فلا داعي للخجل فالمجاملة موجودة وتبدأ بتبادل اطراف الحديث عن قضايا عامة سواء بالعمل او غيره ورويدا رويدا ستتعودين على هذه الاجواء شريطة ثقتك بنفسك ووضع حدود لنفسك وللاخر في اداب الحديث

  الحل من الاخر

انا مش من المشجعين انو بنت تشتغل بمكان مع شباب لحالها اكيد هذا خطأ وحران شرعا اذا انت مسلمه

بغض النظر عن الخجل والانوثه يعني اذا وانا شب لما اشتغل بمكان كله بنات بخجل وببطل فكيف وانت بنت بين شباب بدك تشتغلي

شوفي شغل غيرو ويكون في بنات معك افضل الك

نصيحه من مجرب وبس

  اختى الدردحة في ايامنا هاي الها مفهوم اخر نصيحتي الك دوري عشركة فيها بنات زيك واشتغلي فيها .

وازا ما لقيتي انا بشغلك .

تحياتي الك .

  قالوا من اشرف النساء؟؟ قالت البعد عن الرجال .
نصيحتي الك ما في داعي يكون الاكل مشترك فوجودك هناك للعمل والعمل فقط .

اما بالنسبة للخجل فأنا شخصيا وضعت يوما في قاعة كلها بنات وبالاضافة الى الاستاذة فكان الموقف محرج جدا لي ..

  والله عندك حلين اما انك بتغيري مكان شغلك وبتدوري على مكان يكون فيو بنات وترتاحي فيه اكتر وهاد اكييد اشي مش سهل او انك تتغيري..اذا اخترتي انك تتغيري لازم تشتغلي على هاد الأشي ودايما تكون فكرة انك بدك تغيري نفسك موجودةببالك يمكن اولها صعبة لكن بالتدريج كل اشي بصير حاولي اولها تحتكي مع شخص واحد مثلا وتبني معاه علاقة زمالة طبعا و بالتدريج رح تبلشي توخدي عليهم.

  اتاكدي انو الانسان لازم يكون زي ما هوا بدو مش زي ما بدهم الناس ، فخليكي على طبيعتك و اتصرفي زي ما انت و ما تنسي انو زملائك بتشوفيهم اكتر ما بتشوفي اهلك و اهم شي ثقتك بنفسك و الله في بنات لما بيختلطو بالرجال بيكونو عن مليون زلمة و قد حالهم و انشاءالله تكوني منهم و الله الموفق .

  شوفي . . بطل في فرق بين البنت و الرجل هاي الايام و بكل القطاعات بتون نسبة الاناث اكثر من الذكور . . دردحي و احكي شو بدهم ياكلوكي

  ما بعرف شو بدي احكيلك بس انت لازم تكوني اجتماعية شو يعني بتشتغل بشركة ما فيها ولا بنت غيرك عادي وبعدين الي بستحي بتروح عليه وكلكلم جايين تشتغلوا شباب وا بنات اصلا انت لازم تفرضي حالك ووجودك ليحترموكي يقدروكي وازا عزموكي تاكلي معهم كلي وصاحبيهم وساعديهم بصيروا يحبوكي

  أستقيييييليي احسن ........

  مش شايف انو عندك مشكلة,,,,بالعكس اللي عندك خصال جميلة و تعزز من انوثتك و مكانتك بنظر الاخرين,,,,و برأيي الشخصي انه لما الاسلام حرم الاختلاط فلأنه في حكم و فوائد و محافظة على الرجل و المرأة,,,,,لا تعتبريها مشكلة و حاولي قدر الامكان توصلي اللي بدك اياه من الشغل عن طريق زميلاتك او الايميل و شوي شوي بتتعودي على الجو و لكن لا تكسري خجلك,,,,جمال المراة هو خجلها و حياءها,,,لانك انتي مش غلطانة,,,و اللي مش عاجبة يعمل اللي بدو اياه,,,,ثقي بنفسك.

  الى قلب طيب - المغتربة

لخصتي ما اود قوله باربعة اسطر . شكرا


الدارفوري

  يمكن تعليقي متأخر بس حابة احكيلك شي اختي

ضلك زي ما انتي وغيري شغلك لانو وضعك كبنت لحالك بالشركة يعني شوي مو ملائم

انا كنت اشتغل بشركة وطبعاً الشركة بدهم وحدة ملحلحة بس انا ما كان عاجبني على الرغم من وجود بنات في الشركة لكن انا ما بقدر اغير نفسي لاشي ما برضاه

هل انتي راضية تتخلي عن خجلك من شان شغلك ؟؟؟
انا بالنسبة الي تركت الشغل مع انه في كتير مميزات بس ما بقدر اكون متل ما بدهم
تركت الشغل وانا عارفة اني ما رح الاقي شغل في الفترة الحالية وقعدت في البيت فترة طويل شوي

الى ان وفقني الله ولقيت شغل بمميزات اقل بس مع ناس بحترمو طبيعة البني آدم اللي قدامهم

استخيري والخيرة فيما اختاره الله

  اختي الغالية00000

انا نفس حالتك بس مش مشكلتك

انا مهندسة و بشتغل بشركة كل الادارة( وانا من الاداريين وعمري 24 سنة) من الجنس الخشن الا انا

و مع هيك بحكي و بناقش و بعمل اجتماعات و بكون الرئيسة بالاجتماع لانو هادا مش غلط ولا عيب بس لازم يكون عندك جرأة ضمن الحدود يعني احكي مع الكل و اتناقشي و اضحكي و امزحي بس ضمن حدود والله كل المهندسسين الي معي معجبين بشخصيتي و بالتزامي الاخلاقي و الديني و انا فتاة ناجحة بشغلي ولحمد لله

حبيبتي الي بدي اوصله انو الشغل بين الرجال ما بخجل لازم اتكوني واثقة بنفسك وقد حالك و بتعرفي شو بدك ولايش بدك توصلي بشغلك

نصيحتي شوفي دكتور نفسي مش غلط ولا عيب عادي


الى تعليق 17 فاضي

مع احترامي الك مش شرط البنت تشتغل مكان بس للبنات شو انها تشتغل مع الرجال عيب بالعكس هادا اسمو تكافؤ لفرص بين الشب والبت

الى تعلبق 18 نصيحة

البنت ازا راحت تشتغل في مكان كله بنات هيك بتكون عم تهرب من المشكلة مش عم بتحلها

  شـــكراً لكــل من قــدم لي نصيحــة بجــد رفعتوا من معنويــاتي بتشكــركم من كل قلبـي

  اختي انا اعمل في شركة واغلب الموظفين من الشباب واتحدث اليهم في نطاف العمل فحسب وانا مسؤولة عنهم ومشرفة عليهم وبالرغم من ذلك لا اتعدى اية حدود واستطعت خلال فترة ان اثبت نفسي اتركي الخجل جانبا لكن دون ان تتخلي عن اخلاقك

  خليكي هيك احسنلك .... الدردحة الي بدهم ياها شركات هالأيام هيه قلة الأدب وتطلعي مع هاد وتروحي مع هاد ....

خليكي هيك بس اعطي الشغل حقة كشغل واجتهاد واحترام للمدرا و الموظفين (((بس)) مش اكتر من هيك

ولا تعتبري حالك معقدة او شي ... الخجل اصلا لازم يكون في كل البنات بس بنات هالأيام قطعو شرش الحيا وبطلو يخجلو ونسبة كبيرة منهم قليلات ادب وبدهم تربية من اول وجديد

  بالبدايه يجب ان تحافظي على نفسك فالفتاه المحترمه تفرض احترامها على الجميع ولكن بما انك البنت الوحيده بالشركه وانت من النوع الخجول وغير معتاده على هكذا وضع وبما انه من الضروري ان يكون الموظف مرتاح ببيئه العمل التي يعمل بها بامكانك البحث عن عمل اخر يكون فيه عداله بنسبه تعيين الاناث الى الذكور ومع الزمن والخبره بالحياه تتقوى شخصيتك

  مــــــــــــــــا شـــاء الـله ,,, و الله كترانين الدكاترة النفسيين و الخبراء الاجتماعيين
ماشا لله الكل صار يحكي و يتفلسف ,, ولا شوفو كــل واحد بحكي حكي انا متأكد انو بستحي يحكيه علنا

................

  شوفي حبيبتي لو انك عن جد مدايئه من الوضع ومو عاجبك كان ما وافئتي عليه من اول انك تشتغلي في هيك مكان كلو رجال بصراحه كتير صعب ويلي بدها تشتغل بمكانك لازم تكون واثقه بنفسها كتير وعندها جرئه لحد (........)الدردحه
وازا انك كتير خجلانه متل ما بتحكي فما في حل برايي غير انك تتركي الشغل هاد وتشوفي غيرو يكون في ناس من جنسك يمكن يدردحوكي



ع فكره انت نادره ومهدده بالانقراض فبتمنا انهم يحطوكي بالمتحف لحتى يحافظو عليكي


بس انا حاسه انو طايبلك الوضع متل ما حكيت بالاول لو انك بتخافي من هيك مكان كان ما اشتغلتي فيه

  إلى السر الدفين انا بدي اشتغل شغليني اذا بتقدري
انا مكملة بكالوريس

  اللةيوفقك واتوكلي على اللة يااختي

  صفاتك مطلوبة في كل بنت، وماتحاوليش تغيري حالك، بس أنا عندي نصيحة بسيطة: عاملي زملاءك بالعمل كما لو كان الواحد منهم ابن عمك أو ابن خالك، بمعنى تحافظي على حد من الحياء بتعاملك مع الواحد منهم، وبنفس الوقت تعامليه بنوع من الثقة المحدودة، كمان لا تحاولي تبني جدران حواليك (برسم تكشيرة على وجهك أو تفادي التقاء عينيك بعيني أي واحد منهم) وأهم شي ابدئي انت بإلقاء التحيةعلى من تصادفيه أو تلتقيه منهم داخل الشركة.. وشوي شوي بتلاقي حالك تعودت، وبدأ يذوب الثلج بينك وبينهم، وربنا معاك ويحميك.

  صباح الخير الى الدارفوري و جميع القراء


الى الدارفوري : شكرا الك عالثقة في كلامي و تعليقي .

مع تحياتي .

  طيب ايش يعني انا ضد كل الاراء الي تدعو الى الاستقالة لانو هذا التصرف بيذكرني بالنعامة يا نعامة

البنت اذا اشتغلت مع شباب لازم تكون قد حالها مش سهلة ولازم يكون الها السبيس الخاص الي ما حدا بيقدر يتخطاهابدا اي انها مش تكون تستحي من حقها لانو في شباب بيشوفو البنت خجولة يركبو عحيطها ويستوطو ويا ستي ادردحي ايش الغلط مش قايليلك خبصي والا شي تاني ومن تجربتي الشخصية انا بشتغل بمكتب في خمس شباب 3متزوجين واحد خاطب واحد عزابي اتخيلي جميع الفئات الي تشكل المجتمع وعادي انا بشتغل الي علي وبيمزحو مع بعض هم حرين انا مش جاي احرمهم انهم يوخذو راحتهم وممكن انا شخصيتي القوية خلقت حاجز دفاعي انهم عارفيني قد حالي مش هبلة بستحي من الزلم ليش بدهم يوكلوني الا اذا سمحت لهم واعطيتهم مجال طبعا كلنا بنعرف مافيش حق عالرجل بأي شي لانو الحل والربط من عند البنت ومش مهم تفكري في رايهم فيكي ما بيهم واذا قالولك تعالي على الغدا بدك تروحي روحي ما بدك بلاش شي طبيعي انا مديري زمان اول ما اشتغلت كانو جر غصب عني يوخذوني عالغدا هلا بطلع قبلهم بطلت استحي من الغدا لا والاحلى سرت استنى شوي اكنكن مع بيبي شوية ونروح سوا عادي واقل من عادي ماشي اخذ لساني على الدواوين والكلام يعني بفهم ايش بيفكرو الشباب ومزحاتهم ولما يتغامزو عبنت اكون بعرف العلم بالشيء ولا الجهل به اوكي حلو تكوني تستحي بس مش من شيء انتي محتاجيتو والي بيستحي من بنت عمو ما بيجي ولاد والي استحوووووو ماتو فطسوووو والشباب مستحيل ما يعلقو ابدا سوسة بدمهم مش مشكلة لا تهتميخليكي مرحة بس محترمة لانها قاعدة الي بيضحك معك بوجهك بيحكي بظهرك انك مش كويسة وحتى لو ما مزحتي راح يألفو فا انشبي واشتغلي واسكتي مش عاجبك اشتغلي الي تشتغلييييييييييييييييييييييييييييه أعمى ينادى أطرش لا ده شايف و لا ده سامع


ليست مشكـلتي إنْ لم يفهم االبعض ماا أعنْيه... وليس باالضروره ماا أرسله يعكـس حيااتي...االشخصيه ليست مشكلتي إن لم يفهم البعض مااعنيه
وليست مشكلتي .. إن لم تصل الفكرة لأصحابها
فهذه قناعاتي .. وهذه افكاري
وهذه كتاباتي بين يديكم
أكتب مااشعر به .. وأقول ماأنا مؤمنة به
انقل هموم غيري بطرق مختلفه


أن تكون فرداً في جماعة الأسود خير لك من أن تكون قائداً للنعام

ذوو النفوس الدنيئة , يجدون اللذة في التفتيش عن أخطاء العظماء

اعمل على أن يحبك الناس عندما تغادر منصبك , كما يحبونك عندما تتسلمه

ولا تتقمصي شخصية غيرك ولا تذب في الآخرين. إن هذا هو العذاب الدائم، وكثير هم الذين ينسون أنفسهم وأصواتهم وحركاتهم، وكلامهم، ومواهبهم، وظروفهم، لينصهروا في شخصيات الآخرين، فإذا التكلف والصلف، والاحتراق، والإعدام للكيان وللذات .
وآدم إلى آخر الخليقة لم يتفق اثنان في صورة واحدة، فلماذا يتفقون في المواهب والأخلاق .
أنت شيء آخر لم يسبق لك في التاريخ مثال ولن يأتي مثلك في الدنيا شبيه .
أنت مختلف تماماً عن زيد وعمرو فلا تحشر نفسك في سرداب التقليد والمحاكاة والذوبان .
انطلق على هيئتك وسجيتك (( قد علم كل أناسٍ مشربهم )) (( ولكلٍ وجهة هو موليها فاستبقوا الخيرات )) عش كما خلقت لا تغير صوتك، لا تبدل نبرتك، لا تخلف مشيتك، هذب نفسك بالوحي، ولكن لا تلغي وجودك وتقتل استقلالك .
أنت لك طعم خاص ولون خاص ونريدك أنت بلونك هذا وطعمك هذا، لأنك خلفت هكذا وعرفناك هكذا " لا يكن أحدكم إمعة " .
إن الناس في طبائعهم أشبه بعالم الأشجار . حلو وحامض، وطويل وقصير، وهكذا فليكونوا . فإن كنت كالموز فلا تتحول إلى سفرجل ؛ لأن جمالك وقيمتك أن تكون موزاً ، إن اختلاف ألواننا وألسنتنا ومواهبنا وقدراتنا آية من آيات الباري فلا تجحد آياته .

قد يشك الناس فيما تقول ، ولكنهم سوف يؤمنون بما تفعل




8 نصائح التزم بها في حياتك المهنية


- الخلط بين الفكاهة وتقليل الاحترام
2- القيام بأقل مجهود دائما:
- لا تتزحزح عن وصف وظيفتك:
4- نسيان طبيعة عملك:
5- إهمال سلسلة المراجع:
تعمل على ساعتك الخاصة
- توقف عن الثرثرة والنميمة:
لا تتوسع في علاقاتك

  تعليق32بتشكــرك على كلامك اللي بجـرح لولا الظروف ما انحطيت بهيك مكان وبعدين انا تم فصلي من شركة قبل هادي يعني ما كان في مجال ادور شغل واتمزمز ولانو كمان كانت أقرب شركة لمكان بيتي بتمنـى وضحت الصورة وانك لا تحكمي على ناس ماشفتيهم ولا عرفتيهم

  اوعك تتغيري علشان حدا خليكي متل ما انتي مؤدبه وخلوقه وخجوله
يعني شو احسن لما البنت تكون مدردحه لا تردي على حدا او متل ما حكى الاخ اياد العزام اللي عاجبو عاجبو واللي مو عاجبو يلئط حواجبو....

  يا خيتي ما اكثر هالمهندسين اللي بعلقوا فاضيين شكلكم فش شغل يلا اريح يابا

  السلام عليكم
على فكرة انا نفس طبيعة شغلك بنت لحالي بين شباب ونفس المشكلة بعاني بس الحمدلله مابهمني حد ومابيهمني تعليق اي حد عني بأني معقدة او ماشابه والكل معي بالشغل بيحترمني وبيقدر هالشي وبعدين اجمل شي بالبنت خجلهاوأدبها وبالذات هالأيام لأنو للأسف قليل الواحد يلاقي بنات محترمين وخجولين فلا تخافي ولاتفكري بهالموضوع بالعكس انتي بنت مشالله عنك مؤدبة وبتفهمي وان شاء الله بتتوفقي حبيبتي

  يكون بعلمك انهم مبسوطين عليكي لانك مؤدبة وغير الكل.اسمعي يختي لا تتنازلي عن شرفك او كرامتك عشان شغل وحتى لو كان راتبك مليون .خلي عندك مخافة الله .وانتي مو معقدة بالعكس انتي مؤدبة ومربية وبنت عالم وناس .وعشان كل الاسباب المذكورة ما راح تمشي مع اي عمل كان .لانه وبكل بساطة بدهم وحدة ليست مدردحة وبس لا بدهم () افهميها انتي لحالك .سلام

  يا أختي العزيزة مشكلتك بإنك البنت الوحيدة أنا كنت متلك اشتغلت 5 سنين وانا البنت الوحيدة في عدة شركات ولكن اذا حسيت في شي راح يمس اخلاقي اترك على طول واحكي الرزق على الله وبالنهاية الحمدلله حصلت على الشغل اللي كنت أحلم فيه , ما تهيني حالك ولا نفسك ولا كرامتك نصيحتي الك تعاملي معهم بكل جدية وما تختلطي فيهم كتير تعاملي رسمي معهم... وماتفكري انك تهيني حالك ع شان الراتب أو الشغل كل الرزق على الله "وفي السماء رزقكم وما توعدون" فلا تغضبي الله ع شان المادة ...
تمنياتي لك بالتوفيق

  يا بنتي شو بدك بشغل و وجعت الألب خليك في البيت احسنلك

  يا اختي ان ا بشتغل بمكتب محاسبه كله شباب وانا االوحيده بنت ومودبه اول ما اشتغلت خليت علاقتي بالشباب رسميه والشباب فهمو علي هلء كتير مبسوطه معهم والله الشغل مع الشباب كتير كويس خاصه لما تكوني ملتزمه بلبسك وتصرفاتك بحترموكي كتير ما احسنهم كتير معي بتكوني ملتزمه ما بتعدو حدودهم معك والله اني بحس كلهم اخواني حتي تعودو على وصارو كلهم يحكولي عن ظروفهم ومشاكلهم واسعادهم على حلها

  مرحبا انا بنصحك انك لازم تكوني شخصيتك اقوى من هيك و لابضيعي انا ما بحكي عن الشغل بس بكل مجالات حياتك
الى السر الدفين انا ما بشتغل في مجال تشغلني

  انا اولا شب مو بنت ... وازا معك بكالوريوس بقدر اساعدك تشتغلي .

abed_natsha@yahoo.com

  صديقتي انا كنت مثلك كنت اخجل كتير لما اشتغلت لكن بعد مده تعودت عليهم وصارو اصدقاء مثل الاخوه وبعدين تركت الشغل لانتقالنا الى بيت تاني بعيد وبلشت ادور على شغل قريب من البيت ونزلت السي في على الانترنت و في يوم اتصل معي شخص سالني انتي محجبه اجبته ايوه حكا لي طيب شكرا يعني ما بدهم محجبات

  اختي موضوعك لفت انتباهي واللفت انتباهي اكثر هو ردود البعض ممن يدعون التقدم والرقي في حياتنا العمليه لكن للاسف ردود لا ترتكز على قواعد دينيه فكل شخص يعبر عن واقعه وواقع حياته... انا اقول من وجهة نظر شخصيه..الادب والخجل مايميز البنت المتدينه التقيه غير انك قد كسبتي تقوى الله الا انك كسبتي ايظا احترام الناس لك فكوني كما كنتي كوني كما ربيتي من قبل اهلك لا تجعلي الماده هو العنوان الرئيسي لمجرى حياتك فرزقك على الله ليس على العباد.. اقسم ان كثير من البنات يعملون بنفس الشركة اللي اعمل فيها فقدوا انوثيتهم وخجلهم بسبب الاختلاط واقسم انهم هم من صنعوه لأنفسهم وبأيديهم... ( من يتق الله يجعل له مخرجا ويرزقه من حيث لا يحتسب)
نصيحتي لا تغيري طبعك واذا مابدهم غيري شغلك فيكفيكي جزء من المال بينما تكوني قد كسبتي رضا الله بأكمله ان شاء الله

  انا بشوف الحل سهل او بسيط
بس بدي لعرف معلومات اكثر في مجال نتحاكى على chat
chop_sue_2000@yahoo.com

  أختي صاحبة المشكلة ،،
أولاً أنا مش شايف أي مشكلة بموضوعك ، لسببين :
الأول :
انك عارفة وجعك او ألمك وبما انه الشخص يعرف أنه يحدد مشكلته وبالتالي أصبحت مش مشكلة لأنه اذا حددنا المشكلة فنحن توصلنا إلى نصف الحل أو أكثر .
الثاني:
الرسول صلى الله عليه وسلم قال وهو المشرع للأمة الإسلامية : ( الحياء شعبة من شعب الإيمان )
فالمفروض انك تنبسطي مش تزعلى انه عندك حياء أسأل الله أن يرزقنا جميعا خصلة الحياء لأننا والله نفتقدها في أيامنا الحالية .

وأنت صاحبة القرار ، مع تحياتي

  اسمعي اول شي الثقه في النفس وهاي اهم شي وبعد هيك حتى تصرفاتك لازم يكونلها حد يعني بالعربي خلي كل اللي حوليك يحكو عنك ( اخت زلام ) فهمت اظن شو بحكي

  بتعرفي اني بقرأ تعليقاتك وبطلع...بس......درر

arch_gnim

  جربت متلك هاد الشعور كنت لحالي بشركة مع موظفين شباب بصراحة ما صمدت شهر بالكتير وكنت تاركة بس ما في يومين والله عوضني بشغل احسن . مش معنى كلامي انك تهربي او تتركي بس ما تيجي على حالك وتضغطي على نفسيتك لانه الارزاق على الله وبما انك كتبتي مشكلتك معناها الموضوع مأرقك كتير وبتفكري فيه بكتأب
بدك نصيحتي اشتري راحتك والا متلاقي شغل فيه بنت تانيه على الأقل وبترتاحي معها

  اسمعي لازم تكوني مدردحة و هاد اهم اشي
يعني خليكي ستايل بس مش زي العسكري

  انا بحكي للي بدوه يستفيد ... الزواج و القعدة بالبيت ابركللك بلا شغل بلا وجع راس و اضراس ؟!؟!؟ هلا عمي

  يا اختي كتير شباب و بنات بتمنو تيجيهم فرصة عمل وانا واحده منهم وديري بالك علا حالك و خليكي قوية و جريئة بس بحدود و متطلبات عملك

  حبيبتي خليكي على طبيعتك ولا تتاثري بكلام الناس الحياء مطلوب وتاج المراه حيائها هيك مجتمهنا بفهم انو الخجل تعقيد وعيب وبتبلش التعليقات ومع المده لما بتكون ثقتك بنفسك كبيره وتحسي انو رزملائك بالعمل وزميلاتك اسره واحده رح تتغيري لحالك بس بدك تصبري اي مجتمع جديد بتدخليه بكون فيه شوية تحفظ بالتعامل ومع المده رح تاخدي على الوضع

  أتصرفي عطبيعتك و ألتزمي حدود الأدب و قله الكلام مع الرجال أفضل في كل الأحوال بتريحي راسك .

  خليكي متل ما انتي المهم انك منيحة بشغلك ما حدا الو عندك ودايما خلي حدود بينك وبين الموظفين بنات كانو او شباب

  قصدك ملحلحة , من وين جايبيتها هاي مدردحة

  بكل بساطة وبدون حيرة الجواب بسيط.....اتركي الشغل...

  من الاخر اتركي الشغل مش مجبوره اتضلي يهيك وضع او دوري على شغل ما فيو اختلاط لانك لو مشكلة الخجل لنحلت رح يقولو البنات يلي بشتغلو مه شباب قويات متل مابتحكي حماتي ما بقدر عليهم بلاش ينقطع نصيبك هههه

  أجمل ما في الفتاه خجلها

خليكي زي ما انتي ولا تغيري من نفسك

واللي عندك مش ضعف بالشخصية

هذا بالفطرة , الفتاه بفطرتها خجولة

لو ضلهم وراكي لحد ما يفصلوكي أتمنى ما تغيري من حالك


الله اللي بيرزق...وخليكي بجمالك الأنثوي أحسن من المزح والضحك مع الموظفين اللي انا متأكد لو الواحد بصحله شئ ما بوفره لو كان شريف الجاردنز :)

  اعتبري كل اللي قدامك بنات واتعاملي معهم على هذا الاساس وبعد وقت راح تلاقي حالك بدرغلي مع الموظفين
انا شاب اعمل في شركة معظمها بنات وكنت اواجهة نفس المشكلة فنصخني طبيب نفساني بهذا الحل وهلاء انا بدرغل وبمزح وبتخوت مع هالصبايا وما بخلي وحدة من شري

  انت حاولي تكوني بنت قد حالها تتعامل مع الامور بطريقة سلسة بس بنفس الوقت جدية حاولي احكي معهم بس لكل اشي حدود يعني خلي الك شخصية قوية لانو الشغل بدو شخصية كتير قوية مشان تتقدري تتعاملي مع اللي حواليكي

  اللة يعينك

  لا تشتغلي واقعدي في البيت ..