تفاصيل جريمة الزرقاء التي راح ضحيتها فتاة بحجة جرائم الشرف .. الاب اشترك بالجريمة مع ولديه

  مع احترامي الشديد لا زلت اناشد بتشديد العقوبات بحق مرتكبي جرائم القتل بمختلف انواعها ، فالقتل قتل مهما تعددت اسبابه، و لا بد من مواجهة جرائم القتل بقوه و تشديد العقوبة بغض النظر عن السبب سواء كانت بحجة الدفاع عن الشرف او التعدي على الغير و سلب حياى الاخرين، قانون الجنايات الاردني بحاجه لتعديل

  لماذا يا مجلس النواب ترفضون تعديل القانون.... هل قتل الفتيات بحجة جريمة الشرف مشرف لكم... هل تعرفون ان معظمهن بريئات للاسف يكتشفون ذلك بعد تشريح الجثه.
ام انتم مبسوطين على سمعه الاردن ما ان تتحدث مع اي شخص من خارج الاردن الا ويصفنا بالهمجيه والقتل على الطالع والنازل.

  الي بحكي هاي جريمة دفاع عن الشرف .........بكون مجرم

اخطأت نعم ........لكن عقوبة المكياج والكلام مع الشبان القتل ؟؟؟؟؟؟؟؟؟؟؟؟؟؟؟

معناها لازم كل بنات الجامعات يقتلن ؟؟؟؟؟؟؟؟؟؟؟؟؟؟؟؟؟؟اكتر من 95% منهم متبرجات ويكلمن الشباب

  عقوبات جرائم الشرف صارت معروفة حال الإدانة...

جناية القتل القصد وعقوبتها الأشغال الشاقة مدة 15 سنة تخفض إلى عقوبة جنحية تصل إلى السجن مدة 6 أشهر بعد الأخذ بالأسباب المخففة التقديرية في المادة 340/ عقوبات وإسقاط الحق الشخصي.

نسبة جرائم الشرف مرتفعة بالأردن لعدم وجود عقوبة رادعة ..

  لا حول ولا قوة الا بالله
شو هاد ولكم حرام الي بصير
والله اتمنى لو يتم اعدامهم بالضرب بالاحذية لأنه هاد اقل شي ممكن يصير الهم

الاسلام قال 80 جلدة
الله يرحمها برحمته
قولو امين

  الله يرحمها..
رآها تتحدث مع شاب وهي تضع مساحيق التجميل؟؟؟
فقط00 ولا إشي ثاني؟؟
وعند ساعة الغضب يجب على الإنسان أن يستعيذ بالله من الشيطان الرجيم 00حتى لا يتملكه الشيطان ويسيطر عليه0
يجب التحقق من الموضوع قبل استخدام أي عقوبة والتي انا مقتنع ان حلها يجب ان يكون آخره الضرب غير المؤذي عندما يعجز عن
إصلاح الشخص0

  صارت موضة عادية بكرا القضاء بحكمهم سنة على الاكتر وبعتبروها من جرائم الشرف

ال شرف ال يا عيب الشوم

  مش عارفه شو هالتصرف الحيواني وادوات ضرب عنيفه كانها عامله جريمه كبرى ليلتمو كل العيله ويضربو من غير وعي.
المصيبه انها لاتزال لم تدرك بصوره تامه ..
يارب تهدي الحميع

  سوف تحصد ما زرعت
هذة هى الحياه فكيفما تزرع تحصد وكيفا تربي تجني
يكون الاب والاخوه بعيدين كل البعد عن التربيه الاسلاميه وبعد انحراف الفتاة يقومون بقتلها
يا سيدي انت من ربى البنت فهو ذنبك بالدرجه الاولى قبل ان يكون ذنب البنت
والله المستعان

  اذا جاءكم فاسق بنبأ,فتبينوا ان تصيبو قوما بجهالة ,فتصبحوا علي ما فعلتم نادمين.صدق الله العظيم

  ولله يا اخوانا اولا مش لازم يتعدل القانون لانوا في بنات و الله ما بيستحوا يعني صصار البنت لما تطلع تحكي مع شب اشي عادي و بلاش ما نضحك على حالنا صارت النسبة عالية في مجتمعنا الاردني للاسف و هذا كله من ورا الحريات طبعا انا ما بحكي هذا الاشي تقليل من قيمت الجنس الاخر بس المشكله انوا الاناث بيتفاعلوا مع العاطفة اكثر بكثير من الشباب و هون المصيبة الي بتسوي كل المشاكل
اذا بدكوم تغيروا القانون غيروه بس طبقوا الشريعة الي هي احسن من مية قانون من الانسان

  طبعا الطفر وقلة الدين بتساوي اكثر من هيك

  بلا شرف بلا قرف
ربو بناتكو كويس ما بتحتاجو كل هالحكي

  الله يرحمها بس كيف اجتهم قوة القلب والتشنيع في بنتهم حسبي الله ونعم الوكيل لا دين ولا ضمير والله الدنيا خربت يا اخوان وصار شايفها وهي بتحط مكياج؟ هاي عشان مايحكوا انه كان شاك انها بتعمل اشي فبهروا الموضوع وشافوها وهي بتحط مكياج عشان الدفاع عن الشرف يكون بسبب وطبعا هاي كلها من الجهل وقلة التوعيه والتعليم وكثيرا من شبابنا للأسف الشديد يشوه سمعة الفتاه بسبب رفضها للتعرف عليه وبعد ذللك تكون الضحيه بسبب شخص قام بالتبلي عليها وسمع شقيقها بذللك وقام بقتلها وهي مظلومه وحصلت منذ شهور وعند الطب الشرعي تبين ان الفتاه لايوجد بها شيئ اطلاقا

  اظن ان التربية لها دور كبير في تصرفات الشباب والشابات,
ولا أظن ان الفتاة لوحدها مسؤولة

  تخلف وهمجيه يعني هيك احسن ستروا على حالهم وعلى سمعتهم

  حسبي الله ونعم الوكيل
وبشر القاتل بالقتل لو بعد حين
الى متى هذه الظاهرة الكذابة كل واحد بدو يخلص من اخته او بنته او امه بقتلهم بداعي الشرف اللهم ارحم الفتاه وابوها واخوانها ان شاء الله جهنم وبئس المصير

  يبدلون قول اللة ليرضون غضبهم
اليس اللة باحكم الحاكمين .......لو كان هناك اسمة قضايا شرف وثورة غضب لوجدناها بالكتاب المجيد
يا جماعة ابعثوا في حرمة قتل النفس انها اشد الحرمات واشد من حرمة الزنا وغيرها لا سمح اللة
وان الموضوع مبني على شكوك وضنون ...ولنفرض انة مبني على حقيقة ...
اسفي على شباب الامة .... كيف ستلاقون ربكم عندها قل للة انك اقدمت على فعلتك دفاعا عن شرف وانك غيرت شريعتة دفاعا عن شرف وانك لا تامن بة دفاعا عن شرف....وانك غيرمقتنع بكتابة دفاعا عن شرف؟؟؟؟؟

  يعني هذا قمة الظلم....

  والله قله عقل هاي الشغله بموت بنتو مشان طلعت مع شب

كما تدين تدان
لو انت ما كنت تطلع مع بنات الناس بنتك ما بتطلع

ولا محلل الك و محرم عليك

ناس سخيفه و قله عقل عندها

الله يهدينا جميعا

  لا حول ولا قوة الا بالله



الله يرحمها

مو كل شي بصير بالعنف القوة ربنا انعم علينا بنعمة العقل عشان يميزا عن باقي المخلوقات

  في البداية رحم الله الفتاه انا من سكان الزرقاء واعرف الغويرية واعرف السخنة ( تعتبر السخنة متطرفة عن المناطق السكنية في الزرقاء نوعا ما )صحيح يجب الاستماع للفتاه ولايجب ان تكون القاضي والجلاد في نفس الوقف وان هناك قانون في البلد بس شومودي البنت عالسخنه مع شاب غريب عنها والطب الشرعي عرف انه في نزيف تحت الجمجمة وماعرف انه البنت انها مازالت عذراء اما لا وما هي الظروف التي شاهد الولد اخته فيها في منطقة بعيده عن سكنه وعندما خرجة من البيت وشاهدها اخوها تطع كثير من المساحيق اكيد راقبها لانه المكان الذي شاهدهافيه بعيد عن السكن .

واخيرا ارجو من الجميع مراقبة اهل بيته وان لانطع الوم على البنات دائما وانت ايها الاب تفتح التلفاز على جميع القنوات الهابطة التي تنشر الرذيله كنار في الهشيم واهل البيت ليسو حجارة فعندما تشاهد فتاه هذيه القنوات والعريو العالاقات الغراميه وفي نفس الوقت غير متزوجة ماذا تريدها ان تفعل وهي بعدة عن الدين ومع صحبة من الفتايات الغير ملتزمات
فالحرى بنا ان نصلح الاسباب قبل ان نصلح النتائج والله يستر عالجميع

  انشالله انو البنات يعضوا ويستحوا على دمهم ويدير بالهم على حالهم وعلى اهلهم وما يوطو روس اهلهم وابوهم الي بحرث طول النهار لحتى يأمن الهم حياة كريمة . بس شو بدك تعمل لا حياة لمن تنادي . على كل حال هذا الاشي مش ذنب الاهل ولا ذنب المسكينة الذني هو ذنب انحلال الاخلاق العالمي والعربي على وجه الخصوص . والسم الذي ياتي من الفضائيات والقنوات العربية الحقيرة التي تعلم البنات الانحلال. كل واحد في راسه عقل لازم يدير باله على اهله واول اشي لازم يعمله يطلع على السطح ويرمي صحن الستلايت على الارض ويلغي اشتراك النت وما يخلي ولا تلفون خلوي في بيته وابنه قبل المغرب يكون مرمي على فرشته بالبيت . هذا هو الحل وغير هيك ما حدا بعرف شو بصير .

  وحوش بشريه

  لا حول و لا قوة إلا بالله العلي العظيم يجب التروي و التأكد أولاً و عدم استعمال الضرب المبرح، ماذا استفادوا غير إنهم قتلوها هالمسكينة، الله يرحمها و يرحمنا جميعاً

  لا حول ولا قوة الا بالله ...
يعني ملابسات القضيه مش مفهومه جريده بتقول عمها لقيها وانت بتحكو اخوها شافهت , يا ريت يكون في موضوعيه بطرح الخبر مش كل واحد بحلل على كيفه ...
اما بالنسبه للقضيه نفسها مافهمت منها اشي هو لقو بالشارع ولا لقوه بسياره مع واحده ..
على كل حال لازم الواحد يتحقق من امر قبل القيام باي فعل ..

  جنون اب مجنون يقتل بنته طيب وين دور الام في الموضوع شو هاد دنيا آخر زمن

  هذه الأعمال لا تمت بديننا الحنيف بأي صلة ، أهذا الذي دنت أنفسكم على إرتكابه،أبهذه الوحشية تلقون من هم أقرب الناس إليكم، كيف ستلاقون الله عز وجل بهذه القلوب القاسية، فبأي ذنب قتلت هذه المسكينة، اللهم لا تؤاخذنا بما فعل السفهاء منا..يا رب العالمين

  يعني ما وضح الخبر ........... كيف تاكد الاب والابناء انه كان في شي بشرف البنت والطبيب الشرعي ايش حكا .......... بناءا عليه بيتحدد اذا كانت جريمه شرف او لأ

  الناس ما في قلوبها رحمة.. ما اختلفنا دفاع عن الشرف ماشي .. بس قبل القتل .. ضرب و تهديد و مراقبه سلوكها .. ممكن تبطل تحكي معو و توعى لحالها.. و بعدين ازا كان حكي البنت مع الشب تسبب بقتلها كيف لو عملت شي تاني ..
المفروض يتأكدو من عذريتها لحتى تنقتل بها الطريقة..

  هذا هو البعد عن الدين , لماذا لا ينظرون الى قصة الغامدية التي اشاح رسول الله صلى الله عليه وسلم عنها وجهه الكريم اكثر من مرة رغم انها اعترفت بذنبها وكانت لها فرصة ان تنجو بفعلتها و تستغفر الله و تتوب اليه

  ok bs ma t2kado enha 3njd kant m3 shb ymkn a5oha betbala 3leha 7aram hek....

  لا أملك سوى حسبي الله ونعم الوكيل
ولا حول ولا قوة إلا بالله ...

رحمة الله عليها

  يعتقد الكثيرين ان المادة/340 من قانون العقوبات هي التي تفتح المجال أمام أي شخص بارتكاب جريمة تحت تأثير سورة الغضب، إلا أن نص المادة هذه لم يطبق في المحاكم إلا نادراص جداً حيث أن شروط ومتطلبات النص تقتضي حالة التلبس بالفعل، إلا أن مشكلة قانون العقوبات تدور حول نص المادة/98 والتي تتعلق بارتكاب جريمة تحت تأثير سورة الغضب وأن كل الجهود التي بذلت من كل الجهات لتعديل نص المادة/340 لا علاقة لها بما يسمى بجرائم الشرف،
كما أن مفهوم جرائم الشرف هو مفهوم دخيل يقرن كلمة (الجريمة) وهي الفعل الذي يعاقب عليه القانون بكلمة(شرف) وهي الكلمة التي تعتبر رأس مال الأدرنيين، فما هذا التناقض، فلو أياص منا حرص على حماية شرفه وعرضه عن طريق الجريمة لأصبحت الحياة هي حياة الغاب، فأين نحن من دولة القانون، ومن قال لك أيها الأب أن الشعب الأدرني الواعي سيصفق لك على هذه الفعلة ويقول فلان غسل شرفه؟
لا فإن دولة القانون هي الكفيلة بأن تأخذ لك أي حق يشكل مساساً بشرفك أو مالك أو حياتك.
ولا تنسى قبل كل شيء أن ديننا الحنيف لم يقبل إلا البينة القاطعة على أي فعل حتى تقام العقوبة بيد ولي الأمر ..

  طيب مش الاصل يكون في مصداقية في العنوان وين التفاصيل
... لا حول ولا قوة الا بالله

  لا حول ولا قوة إلا بالله

لا ادري اين ذهب حنان الاب ورحمة الاشقاء باختهم

واين نحن من ديننا الحنيف الذي اوجب شهادة اربعة شهود في جريمة الزنا، واين التبين من الخبر قبل اطلاق الاحكام.

حينما اسمع عن هذه الجرائم لا أتذكر سوى العصر الجاهلي!!!

ولا أتخيل مرتكبيها إلا وحوشا نزع الشيطان من قلوبهم كل المشاعر الانسانية.

حسبي الله ونعم الوكيل
رحم الله هذه الفتاة وامثالها ممن قتلن لا لسبب وانما لمجرد الشك دون التبين والتيقن وتطبيق ما أمر به الرحمن من وجوب شهادة اربعة شهود في جريمة الزنا قبل اقامة الحد...وابدلهن بدورهن المسكونة باشخاص نزعت من قلوبهم الرحمة، دار مليئة بالرحمة والسعادة في جنات النعيم آمين

  أهم شيئ في الخبر هل البنت عذراء أم لا
مصيبه إذا كانت عذراء وقتلت بغباء مراهق

  لا حول ولا قوة الا بالله
يعني لو كانت البنت بجد فعلت فعلتها تلك فحدها في الاسلام الجلد 80 جلدة . وانا لا اشجع بكلامي هذه على الزنا ولكن قال تعالى" ومن تعدى حدود الله ..........."

  لا حول ولا قوة الا بالله !! هذا هو ( الــوأد ) الذي كان يمارس في الجاهلية ... انما الان بطرق متحضرة .. قتل وضرب !! يا عالم قسما بالله حراام ... حرراااام ! اكيد هناك تربية وضرب اذا لزم الامر .. هناك اساليب عقاب كثيرة , أما القتل فوالله حراام .

  مو كل اشي بنتشر بكون صح ما حدا بهونه ببنته ومو معقول انه بس لأنه شافها مع شب في السخنه الامر بكون اله ذيول وتاريخ صحيح انه ما لازم يكون القتل دون تحقق وقبل استخدام كل الوسائل لمنع حدوث الامر بس كمان ما بصير نتهاون للدرجة الي صرنا نشوفها يعني عدم الغيرة على الاعراض ادت انه اصبح التصوير على الموبايل والفتاة بتصور وما حاسبة حساب وقوع هذا الفلم بيد ذويها لأنه ما حدا لحدا

  هذا سبب الكبت. الأمور من حولنا في انفتاح ونحن نطالب الشباب والبنات بالالتزام.
حسبي الله ونعم الوكيل

ضرب حتى الموت!!!!! الله أكبر

  وين النواب يسمعوا ويقرأوا ويشوفوا؟؟؟؟؟؟؟

  يا سلام ما اسهل القتل , هذا الاب لو ما كان مجرم بالاصل كان ما قتل ابنته وطبعا هو معتمد على القانون البالي (جريمة شرف) وانه طالع منها بسهولة . استغرب فقط لقيمة حياة امرأه هو 6 أشهر يا بلاش

  انو شرف اللي قتلوها علشانو ، ليش هيك اب واخوة عندهم شرف ، اللي بستقووا على وليتهم وبقتلوها بدافع الشرف ، ياللي ربيتها 19 سنة مش عارف اذا بنتك بريئة ولا لا !!!

  مين هل الشب الي من السخنة

  السلام عليكم,
رسولنا الكريم مات وهو يوصي بالمرأة.
وأستوصوا بالنساء خيرا, ورفقا بالقوارير.

رفقا بالقوارير....

لكن ...... للأسف انكسرت القارورة.... مش حرام.
يعني لو بذل كل هاذ الجهد بدلا من الضرب في الكلام وتشغيل العقل....
حرام والله حرام...... هاد وما عملت شي لسه. كان ممكن يأدبها يضربها ضرب تأديبي.... يحكي معها يحبسها يمنعها ..... بس للأسف بعد شووووووووو......
مهو متى بيصحا الواحد بعد فوات الاوان.

اه على طعنة اتت من الخلف
اودت بي طريحا للموت
التففت بشاش ابيض مخضب بالدم
نسجه لي ابي
وكل من شقيقاي الحدث
اغسل بالماء فيمسح كحلة العين
وحمرة الخدود تبدلت بالدم
ابي جنيت علي دونما ذنب
اقتل به او يعاب به شرفي
قتلتني في الامس بالضرب
واليوم تقتلنيبقولك...دفاعاعن الشرف
فاوالله ما انت باحرص عليه مني
ولكن استعجلت علي بالحكم
وارتاحت دماءك بإراقي دمي
فما كفتك صرخاتي
ولم تردعك توسلاتي
بل ها أنت ثانية تتهمني
بأنك دافعت عن الشرف
فوالله لأقاضيك امام العزيز المتعالي
فلن ترفع امامه يدك ولا صوتك بل
ولن تهمس حتى يأذن لك الباري
وحتى خيرزاننتك عليك ستشهد
واولادك عليك تسخط
مما جنيت به علي
فوالله لن تقبل منك توبة حتى ربي يفصل
و لن يطيب لك عيش ولا هناء في نوم ولا مرقد



شكرا........ H.H

  صح يا ذكرى كلامك 95% قتل للبنات معك حق والله

لا حوله ولا قوة الا بالله العلي العظيم

قمة الظلم

  الموضوع مش موضوع حكم او قانون اوعقوبة الموضوع هو موضوع فكر وثقافة سطحية متخلفة غبية لدرجة القرف والعصبية القبلية الهمجية الى ما بتفكر الا بسطحية ووفق اعراف العادات والتقاليد الى جنانونا فيها حتى لو طبق اقوى العقوبات سيظل هناك من هو يعتقد بهذه الامور المتخلفة ، وانا اوجه كلامي لوالد هذه الفتاة المسكينة انه كان من الافضل ان تقتل نفسك لتدافع عن شرفك لانك انت المسؤول الوحيد عن هذا التصرف ، من سيدخل النار برأيكم ، الاب القاتل المجرم هو واولاده والا ابنته التى قابلت شب ، هذا مش دفاع عن الشرف هذا دفاع عن الحقد والتخلف الداخلي في نفس مثل هيك اشخاص ، والاجدى بالمسؤولين بدل ما جمعيات التنمية فاتح ابوابها على الفاضي تجمع هالناس وتوعيهم وعمل ورش مناقشة ولقاءات حتى الناس تفهم كيف تعيش ، للاسف اشعر بالقرف لما اسمع متل هي خبر

  ياناس يالي في الأردن زوجواالبنات لمن ترضون خلقه ولمن تريده الفتاة وخففوا طلبات ومهور حتى لا تنتشر الفاحشة مع ان الفاحشة منتشرة بين البنات والشباب على الطرقات في الأردن وهذا كله من وراء الأهل الي بيصعبوا الزواج الحلال ، اطالب بشده رجال الدين فهم المسؤولون امام الله مع الأهل على انتشار الفاحشة على باجبار الأهل على تزويج بناتهم الى من يرضوا خلقهم لا من يرضوا ماله ويخففوا طلبات العرس والأشياء الفاضية الي بطلبوهافي تزويج بناتهم

  انتشرت الفاحشة في معظم الدول الإسلامية بسبب عدم تسهيل الزواج وغلاء المهور

  مجلس النواب اصلا بحاجة لقانون جديد يجبرهم تعديل المادة ولانهم .12%منهم ذكور شو بدوا يطلع منهم
الى متى ينتظروا وما هي المبررات وهل هي مقنعة واين الحكم الشرعي بالقاتل مادام القانون ما زال ظالما للفتاة ومهما كانت الدوافع يجب ان لايصل لهذة المجزرة تعذيب وقتل- وحكم الاعدام على الثلاثةقليل لربما كفر اللة عنهم يوم الموقف العظيم

  اللة يكسرايد كل انسان بمد ايدو على انثى

  ارحمونا يا بنات استرو حالكو ضبو حلكو و شرفكو و شرف اهلكو صار الواحد يخاف يتزوج الأيام هاي عندي تعليق حتى لو الطب الشرعي قال انها بريئه هذا لا يعني انها بريئه فهمين شو بحي صح يا بنات بدكو تعيشو حياة الغرب هيك راح ايصير فيكو احن مس مانعينكو تطلعو و تشمو الهوا هذا حقكو لكن ب احترام مش ب قلة شرف انا شفت نسبه كبيره جدا من البنات بسكرو بحششو و اكثر من هيك لم تقتل هذه الفتاه عشان مكياج اكيد لأ ولله اعلم

  متخلفين......لازم ينعدموا الثلاثة...أو أحسن عقاب ينضربواحتى الموت زيها حتى يدوقوا إلي داقته....

العالم ماضٍ من أسوء إلى أسوء....

  صارو الشباب يقتلوا خواتهم على شان الورثة ويحسبوها شرف وكلها سنه ان كثرت ويطلعوا ولا كانه صار اشي

عيب عيب هيب عيب

  من منكم بلا خطيئه فليرجمها بحجر

  والله يا اخوان لا حد يزعل مني ... انا مع الاب بالضرب المبرح لابنته لكن لا يصل لدرجة القتل... ولو عادت البنت تطلع مع الشب... عادي خليه يقتلها قتل موت لانه صدقوني لما تقع الوقعة الكبيرة ما حدا ينذل وينحط راسه بالطين الا ابوها واخوانها .... وسامحوني

  زاد ليش ما بشوف تعليقاتي

  انا مع اهل البنت لانه كثير من بنات البلد ما بيحترمو اهليهم اخدو حريه زياده وفي النهايه هاي جزاء كل بنت ما بتحترم البيت يلي هيه فيه انا اسفه لا كلامي بس يلي بيعطي بنته حريه زياده بتنقلب على راسه

  هدا أب لازم يتحاكم مرتين..مرة على جريمة القتل و مرة علىإجرامة في حق الأبوة و كل المشاعر الإنسانية الي بطل إلها معنى بسبب هيك أشكال ما بتخاف ربهاولا عندها ضمير و لا دين و لا أخلاق..أحكام مغلظة بيلزمهم والله مش مخففة..

  الله يرحمها برحمتة , ويشفع عن والدها واخوانها.

الشرف مهم لمواطن العربي المسلم , وتعليق على شباب تخيل ان اختك فقدت شرفها ما تفعل , فاقل ما تفعلو هو قتلها , فهذه عاداتنا وتقاليدنا والي ينكرها بنكر حالو , اما بالنسبة لتبريج وكلام مع شباب فهذا ليس سبب لفقد البنت شرفها ولكن لو نبتهو لقصصة فهو عملية ضرب مما ادى الى موتها لمى يطلقو عليها رصاص ولم يستخدمو مواد حادة , افضل لك ان تترحمها من انك تدعي الى الفجور والفسق.

  كلام ذكرى .. رقم 3 صحيح

البنت اخطأت... ولو كان هذا هو العقاب لكل من رأى ابنته او اخته تضع المكياج او تكلم احد الشباب لقتلت 80% من بناتنا... ولما تزوج 40% منهن.

الموضوع بحاجة للمزيد من التثقيف والوعي... والرحمه.

لا اقول دعو بناتكم تتبرك وتكلم الشباب... انا تماما ضد هذا الشيء... ولو كان الامر بيدي لمنعت الاختلاط بالتدريس والعمل... كل ارحمو ترحموا... أدبو انفسكم واهل بيتكم قبل ان تقومو بقتلهم وقتل انفسكم... ادعو الله تعالى ان يغفر لها ويرحمها وان يصبر والدتها على فقدان الاربعه ....

  طيب الوحد اذ شف اختو او بنتو بتمشي مش بطال شو يعمل واذ الكلم ما فادش معهه

  ولكم هاي مش جريمة شرف هاي جريمة قلة شرف يعني إلي بتمشي مع شب ما عندها شرف إلي بيقتل عندو شرف!!!!!!!!!!!!!!!!!!!!!!!!!!!!!!!!!!!!!!!ولكم ما الكم تاخدوا روح حدا و تتصرفوا فيها ما بياخد الروح غير خالقها،
الحق مش عليكم الحق على القوانين إلي بتتساهل مع هيك مخلوقات -لأنو حرام نحكي انهم بشر لأنهم أبعد ما يكون عن الصفة الإنسانية- لونهم حطو قوانين صارمة و حبسوهم مؤبد و عاملوهم معاملة أي واحد قاتل مع سبق الإصرار كان الباقيين اتعظوا و عدّوا للمليون قبل ما يتصرفوا هلتصرف الغبي ، و طالما القوانين ما تغيرت ما تتوقعوا الجرائم تقل بالعكس رح تزيد لأنهم ما رح يتعظوا و رح يقولولك يا سيدي بننحبسلنا كم شهر و بنطلع هادا ازا ما طلعنا لأنو مدعومين و إلنا ظهر، لازم يكون الهم رادع، لازم تدّخلوا و ما تتركو الأمور فالتة كل مالهاهاي القصص عم بتزيد،أستغرب من مجلس النواب إلي ما حرك ساكن لتعديل هاي القوانين البالية بالرغم من كل هادي الجرائم.

  لعنة الله على هؤلاء الوحوش

هل هذه جريمة يرتكبها إنسان ضد غنسانة ولدت من نفس البطن الذي ولد منه ؟؟؟

لعنة الله عليكم وعلى أمثالكم

هذا القتل حرام شرعا (حتى لو زنت فعلا مع الشاب وهي غير متزوجة فالشرع يقضي بالجلد وليس القتل) ولكن هؤلاء الوحوش لا يعرفون شرع الله

إلى جهنم أنت وأبنائك وبئس المصير

  يعني السؤال اللي بيطرح نفسه لو كان هاد المعتوه شاف اخوه مع بنت و طالع من البيت لابس سنسال ومسحل البنطلون ورافع شعراتو سبايكي ومجمعلو عشرين جلدة ومطاطة بايدو وقاعد بدخن كريم هل با ترى كان بيبلغ ابووووو
واذا بلغ ابوووووو هل يعني كانوا باااجرو بقتلو؟؟؟؟؟؟؟؟؟؟؟!!!!!!!!!!!!!!!!

  السلام على كل من هو غيور على دين الله
بداية رحم الله الفتاه وغفر لنا ولها
لكن أي قضية بمثل هذه القضايا لا تعالج قطعاً بالقتل ولكن تعالج بالحكمة والموعظة الحسنة
لكن اللوم كل اللوم على أبيها قبل أي أنسان الاصل التربية السوية والمعاملة بالاخلاق وبعده إن أخطأ ولدك عليك بالعلاج كما قال حبيبنا (ص) علموا أولادكم...
لذا يجب علينا أن نتعلم ماهي التربيه الحسنة قبل أن نقبل على الزواج وقبل أن نظلم أولادنا
غفر الله لنا
عزام

  يعني بدكم الواحد يلاقي أختو ولا بنتو بترتكب الفواحش وبتوطي راسو يسكت أو يحاورها بهدوء كأنو في ندوة ثقافية أنا مع الحكم المخفض بحالات الشرف بكفي فساد بس كمان الأهل لازم يتأكدو

  الدعاء للفقيده رحمها الله واسكنها الجنه الفقر قانون الغاب العزوف عن الزواج هد بنيه المجتمع البعد عن الدين افقد الناس القلب الطاهر البنت مخطأه نعم لكن العقوبه تكون بالارشاد واختيار زوج صالح كما امرنا دين الاسلام
مالفائده الان السجن لاب وولدين يا حرام خسر بنته وذكراها التي صارت مؤلمه في باله بنتك لن تعود يا ابوها راحت ماتت يا حرام

  رحمت الله عليها

  الله يكسر ايديهم و يعمي عنيهم وينتقم منهم.. ولك بنتك واختك يا همجي كيف بتضربها اصلا... وبالقنوة كمان؟؟؟؟؟ كيف جلدك بسمحلك هيك تعمل؟؟ وحوش انتو حرام تعيشوا مع الناس!! لازم اعدام مع تعذيب عشان تتعلموا كيف تتعاملوا مع البشر!! االله لا يسامحكوا بس!!

  لازم يادبوها بس مش يقتولها , وكل بنت بحكي مع شباب لازمها تأديب , و ظاهره انو البنت تتعرف عشب صارة ظاهر شائعة , واخر اشي اشب بيضحك علية بكل اشي وبوهمها بالزواج ؟؟؟؟؟؟؟؟

ولازم الشباب يتقو الله بعراض الناس النو عندهم خوات يخفوا عليهم
والسلام عليكم

  الله يرحمها . ويهدي هالناس الجبارين

  طيب خلينا نشوف وحده من خواتكم بتطلع تقابل الشباب شو راح تعملو ... راح تكونو اكثر اجراما وعنفا ..اللي ايده بالميه مش زي اللي ايده الدم ... وما خفي أعظم

  القاتل يقتل مهما كانت الاسباب
يجب اجراء تعديلات على القانون الاردني
لانه الزمن تغير ..... الزمن القديم راااااااح

  لا حول ولا قوة الا بالله والله فعلااشي بيخجل يعني الاهل بيتركو البنت بدون تربيه عشرين سنه او اكثر بعدين لما تغلط بيقتلوها عشان الغلطه تصير غلطتين وانا برايي ان الدي يستحق القتل هم ابوها وامها اللي لما طلعت من البيت ما سالتها وين رايحه بس هاي نتيجه الاهمال وعدم الانتباه والمفروض نكون مجتمع اوعى من هيك ونعرف كيف نتعامل مع هدا النوع من المشاكل اجارنا الله واياكم منها وشكرا00000000000

  يا الله شو هالناس يللي بتسلب ارواح أغلى الناس عندها بدون تفكير ؟؟؟ يعني هلأ شو استفادوا ؟؟؟؟

  انا عندي إستفسار
لو كان العكس ؟؟ يعني لو البنت شافت أخوها مع بنت وقتلتوا بتعتبر جريمة للدفاع عن الشرف ؟؟؟

  اي شرف الي بحكو عنو اصلن الي بعمل هيك هوه نفسو ما عندو شرف بأخلاقه ولا [شخصيته وهدول الناس حرام يكونو على شكل اب شو كيف كان الو قلب بس حسبي الله فيهم شو بدو يصير فيهم هدول يوق القيامه يعني ما في حدا بيتخيل عذابهم

  شافها مع شب؟ بس؟ شو هالتخلف؟؟؟؟ الله ينتقم منه و من ابنه ... يا ويلهم من الله,,, يا رب متى نخلص من النظرة المتخلفة؟متى تصير النظرة للبنت متل النظرة للشب؟ ليش الشب مسموح يحكي مع بنات؟ عنجد شي بخجل,,,,,,

  لا حول ولا قوة الا بالله

الله يرحمها

  السلام عليكم انا بعرف انه حكم الزنا الجلد فقط فلا اظن ان حكم الكلام القتل والله يرحمها ويغفر لها ولاموات المسلمين

  بس نفسي أعرف ليش ما حطيتو تعليقي ؟ تعليقي لا يتضمن اساءة أوخروجاعن الموضوع المطروح ،و لم يتضمن اسماء اية شخصيات او يتناول اثارة للنعرات الطائفية والمذهبية او أنا ما اجيت بحدا بهادا التعليق المفروض في حرية في ابداء الرأي.

  مين يثبت كلام اخوها انو شافها واقفة مع شاب و بعدين المفروض جرائم الشرف تكون في حالة البنت التي فقدت عذريتها قبل الزواج و مش المفروض عشان كانت واقفة مع شاب يعتبر قتلها جريمة شرف بل بلعكس ترك هؤلاء القتلة دون عقاب يعتبر جريمة شرف في حق القانون الاردني و بعدينمع او بدون عذرية لا يوجد حق بقتل انسان و الله يكون بعون مخو لابوها

  لا حول ولا قوة الا بالله العلي العظيم طبعا يجب تعديل القانون ولا حياو الانان سايبه كل واحد في يقتل بعدها يقول دفاع عن الشرف مابصير اتأكد بالاول لو انها بالفعل ضيعت شرفك حاسبها هادا حرام شرعا الله يستر على الجميع

  ربنا ما حاسب البنت الي بتزني و هي غير متزوجة بالقتل و عاقبها بالجلد فمين الي اعطاكم الاذن تقتلو بناتكم اصلا الي زي هيك شرف ما عندو من الاصل والله يرحم البنت و بكفي تشوهو سمعة هل البلد الطاهر بتذكرو الشرف باشي واشي الناس وصلت المريخ واحنا هاي حكت مع شب طخوها لعنة الله على الاب و الاولاد وكل من سار على طريقهم

  اكيد ما راح يعتبروها جريمة شرف كان اعتبروها جريمة قتل من الدرجة الاولى وتستحق الاعدام


هاهاهاهاهاهاها

  مع احترامي لبعض الأخوان الي بحكوا انه تصرف الأب والأخوان صحيح اسمحولي اني احكيلكم انكم فعلا عنكم تخلف وبعد عن الدين والي مش عاجبه كلامي يخبط راسه بالحيط

  مش قادر أفسر كيف هالهامل أخوها شافها في السخكه؟ يعني لحقها بالسياره وراها للسخنه؟ ليش ما فار دمه لما شافها مع الشب؟ أكيد هذا ألهامل مقهور منها لأشي ثاني وشكاها لقبرة أبوه عشان ينتقم. وبشر القاتل بالقتل والزاني بالزنى. فعلاً عيلة معاتيه.

  لكل من كتب تعليق يشد فيه على أيدي هؤلاء القتلة أقول أتقوا الله

هذا القتل حرام شرعا حتى لو مسكوها معه في نفس الغرفة وبالتلبس 100% الجزاء الشرعي هو الجلد وليس القتل ... فلا تخفوا إجرامكم وراء الدين لأن الدين منه بريء

فالحكم الشرعي واضح تماماً على البنت العزباء لا تقتل والرسول صلى الله عليه وسلم سامح الزانية والمسيح عليه السلام سامح الزانية لان الأصل في الدين هو التهذيب والدعوة للأخلاق وإعطاء فرصة لكل مذنب للتوبه عن ذنبه وليس قتله ، وهذا ما علمنا اياه الرسل صلوات الله عليهم فإذا كان للمجتمع رأي أخر فهل هو أهم من رأي الدين ؟

وإذا تضاربت هل تنفذ ما يريده منك المجتمع أم ما يريده الدين ؟؟؟

للأسف ، ما يفعله شعبنا هو أنه يبدي خوفه من كلام الناس والمجتمع ويبدي العادات والتقاليد على حكم الله وأستغفر الله للجميع عن ذلك

أتقوا الله في بناتكم "رفقاً بالقوارير" صدق رسول الله

وإن شاء الله ينال هذا الوحش وأبناءه المفترسين عقاباً عادلاً

  طبع الرجل الانانية
يجوز له ما لا يجوز لغيره ، فاذا كان يكرة مساحيق التجميل لماذا يركض وارء امرأه وعيناه تخرجان من مكانهما عندما يرى امرأة تضع مساحيق التجميل ويتمناها زوجه له.ازا كنت ايها الرجل تكره هذه الامور كلها اغلق جميع قنوات الغناء والرقص ولاتقل اراها للتسلية. كل الرجال افكارهم سوداء مثل قلوبهم، فالرجل هو الرجل يرمي امه داخل بيتت العجزة ، والرجل هو الذي لا يصل رحمه ، والرجل هو الذي يغتصب النساء ، والرجل هو يسلب المرأة حقها حتى في التعليم ، والرجل هو كأن يأد ابنته خوفا من العار ، كأنه لا يجلب عاراً على نفسه بان يفعل ما يريد وينهي فعلته بان يقول الجملة المعهودة وكأنها اصبحت حديثأ يروي عن سيد الخلق (( انا رجل ))
لو كان كلام الاخ صادق ما سكت لغاية وصول اخته للبيت دليل كذبه
رحمها الله

  يا رقم 73 - النساء اخوات الرجال ومش كل واحدة بتحكي مع شاب ولا رجل يعني حبته - شو هالتخلف ، يعني اذا واحد مش عارف الطريق وما وجد غير هالبنت قدامه يسألها - صار في علاقة بينو وبينها - شو هالتخلف يا عمي والله قمة الانانية والحقد - والله المستعان

  كلما سمعت عن جريمة شرف جديدة، اعود الى ذكريات الجاهلية، عندما كانت قريش تأد البنات، وكان هذا قبل الاسلام، اي حوالي قبل 1430 عاما، الم يكفينا 1430 عام لتغيير عقليتنا، الم ينفعنا الدينا العظيم واحكامه الواسعة والمسهبة في ايقاظنا من سباتنا العميق الذي لا استفاقة منه، الا يرى مرتكبي جريمة الشرف انه من الافضل وأد جميع النساء والسلام بدلا من انجابهن وتربيتهن وتضييع الوقت عليهن ثم قتلهن بحجة الشرف، اعتقد من الافضل وأدهن وهن في المهد بدلا من (توسيخ) شرف العائلة العظيمة،وهل اصبح الذكر الحدث ذو كلمة ثقة لتؤدي كلمته الى قتل اخته التي تكبره سنا، ارجو ان لا نقرا غدا خبر الافراج عن الوالد وولديه بحجة ثورة الغضب، التي اصبحت حجة الجميع في القتل

  اولا الى الوردة البيضاء انت شايفة انوا البنت تحكي مع شباب و تطلع معهم اشي عادي!!!!!!!!!!!!!!!!!!!!!!!!!!!
اولا احنا مجتمع اسلامي محافظ عربي اله تقاليده و عاداته يعني كل هل المشكله من ورا ايش يعني السبب الرئيسي تاعها ايش عدم التزام البنت بالتقاليد و العادات يعني الحرية الي بطالبوا فيهاوهذا كان ممكن كله ما يحدث لو انوا البنات بيفكروا شوي قبل ما بفعلوا اي اشي غلط مثل التبرج او انها تكلم شب لانها هي الطرف المستضعف في الموضوع بس لانكم دائما بتفكروا بعاطفتكم هذا الي بيسب الكم المشاكل .
اما بخصوص شهد فانا بعتقد ممكن واحد يشوف بنت من هل فايعات يحكي معها (يكنكن معها) لاكن انوا يتزوجها تاكدي لا .
طبعا انا بحكي عن نسبة 90% من الشباب
لانوا الشب لما بدوا يتزوج بدور على الاخلاق قبل كل اشي و بخصزص التعليم الجامعي فقط المشاكل بلشة مع تعليم المراة جامعيا. الاختلاط و التقليد الاعمى لمعتقدات الغرب و الاشياء هاي.
و الرجال بالاغلب ما بيكون ناكر لجميل اهله الا بتحريض من الزوجة و اسمعي القصص الواقعية بتفاصيلها و لحالك رح تحكمي

  تخلف .. وبعدين مع جرائم عدم الشرف هاي
انا بقرأ في القران يا جماعة انه القاتل يقتل صح؟؟ وما مر عليي انه المكياج او الحديث مع الشباب او حتى الزنا عقابه القتل الا للمتزوج للمتزوج .. فاهمين لمين؟؟ ليش لانو فهم معنى الخطأ ..
ربي اهدينا وعافينا ويلعن الجهل وسنينه

  أولاً إلى عربي و أفتخر ، يا أخ عربي الشرف كلمة كبيرة ما بنقدر نقول عن فلان بشرف و فلانة بلا شرف إلا لما تكون متأكد 100 بالمية لأنو هادا عرض ما بنمزح فيه أنا ضدّ انو البنت تطلع تقابل شباب برا و بمناطق بعيدة كمان بس لو كان هاد الموضوع عادي عند أهل البنت ممكن تحكي لأمها و أبوها ان فلان حابب يتعرف علي و بدو يجي يزورنا بالبيت(مش أحسن من الطلعة معو برا البيت من ورا أهلها)هون ازا الشب محترم و قصدو شريف (الإرتباط) بيجي علبيت أما ازا كان بلا أخلاق رح يقولها ما بدي آجي عبيتكم وقتها البنت ازا كانت واعية رح تعرف انو هاد الشب كان بدو يتسلى عليها و ما بتفرق عندو سمعتها و مش لازم تتطلع تشوفو،و هاي البنت أكيد مزنبة لأنها طلعت بدون ما تحكي صح وين رايحة بركي عمل فيها اشي؟؟؟؟ بلاش بركي شافوها الناس شو رح يحكو؟ احنا هون عايشين ببلد بتحكمها عادات و تقاليد ما بنقدر نتجاوزها عشان نقلد الغرب طب أقولك إشي تاني ممكن البنت تكون لا بتحكي مع شباب ولا بتطلع من باب البيت بس شغالة على التلفونات مع الشباب و على الإنترنت ماهي بالكاميرا بتقدر تشوف شباب حتى تقول بس و النت عندها بالبيت 24 ساعة غير الأشياء المقرفة إلي ممكن تشوفها(انت بتعرف أكيد شو في مصايب بالنت )و بس يشوفوها أهلها بكبسة زر بتسكر الصفحة ولا كأنو بتعمل اشي يعني إلي بدو يعمل غلط بعمل برجع للبنت قديش مربية صح احنا مابنقدر نحبس بناتنا و نمنعهم من الطلعة و نمنعهم من النت و من التلفزيون بس بنقدر نربيهم تربية صالحة عشان لما نبقى ندير ظهرنا نكون متأكدين أنو بناتنا ما بغلطوا لأنو بناتنا مربيين صح.

  يعني انتو احن من ابوها ؟ كل واحد ادرى بأهل بيته صحيح ما كان لازم تصل للموت بس البنت ال بتجيب لحالها الحكي مش غلط تنضرب

  اللهم اعز الاسلام والمسلمين .....
الجاهلية تعيد نفسها
اللهم نور طريقنا بالاسلام

  this is just crazy .. and shouldnt be tolerated.. the father and his sons should be tortured the same then to be shot and this dad shouldnt be called a dad in the first place might have done this to cover for somethin else like he might have her and regardless of what she's done she should have been given the benifit of the doubt am sure we all know how people living in poot areas tend to act !

  جرائم الشرف زايده مي الاردن
لأنه كثير ناس بتفتقده
هاي حجج باطله و منفد للجريمه

  جرائم الشرف زايده في الاردن
لأنه كثير ناس بتفتقده
هاي حجج باطله و منفد للجريمه

  m3hm 7g sho m6l3ha m3 shb bmn6ga 5alyeh ? sho kant t3ml ?

  جرائم الشرف ازدادت بشكل كبير جدا ولكن هل تسائلنا يوما مالذي حصل بمجتمعنا جميعنا يعرف السبب نعم انه الابتعاد عن الدين الاسلامي الذي حثنا على الخلق الكريم وللاسف ايضا انغماسنا في هذه العولمه التي لم ناخذ منها الا كل مايسئ ويضيع اخلاقنا فاصبح قمة الرقي والبرجوازيه ان تخرج الفتاه ببنطال ضيق وملابس ملتصقه بالجسد لابراز انوثتها اكثر والاب والام لا يكترثون بذلك ابدا لا بل يشاهدونها وهي ترتدي ذلك نصيحتي للجميع عودوووووووووووا الى دينكم وربكم واستانسوا به فقط ليصلح هذا العالم

  إنني أتساءل..كم عدد الفتيات اللواتي كلموهن أخوا الفتاة المقتولة؟!مع كم فتاة وقفوا و تكلموا و و ..
العقوبة! الشرف !!؟؟؟
أم أن ديننا اقتصر العقوبة والشرف على الفتيات فقط؟؟
وكما أضاف أحدهم

لو قتلت كل فتاة تكلم شابا فستقتل 95% من فتياتنا
لو أن الأخوان جلسا مع أختهما وفهما مع من كانت واقفة وما الحديث الذي دار بينهما..؟؟
ربما حل سوء التفاهم..ولم تحدث جريمة في ذاك البيت الصغير..

  والله حرام وهادا مش سبب انهم يقتلوهاكان لازم يفهمو منها بلاول شو هادا قتل نفس مو لعبه وعطول بحكولك جريمة شرف وبتكون البنت طاهره ومش عامله شي خليهم يخافوه الله

  هذا التخلف بعينه ..حسبي الله ونعم الوكيل

  الاردن طلعت مثل السعوديه هذا بسبب الجهل و التخلف من الأهالي إذ لايوجد تقيف ولا منطق
سلب روحها و استراح اهم شي صار مجرم هو و ابنائه رحم الله والديه

  من منكم كان بلا خطيئة فليرمها بحجر (من أقوال ...
المشكله في هذا المجتمع انه لا يدرك ولا يستوعب.
الصراخ في البيوت عمل المرجله دفش الام وضربها على وجهها. كل تصرفات تقلب المعده.
وبعدين قضية الشرف . كلنا في البيت مسؤولين عن الشرف للجنسين يعني الولد يعربد (والله زلمه)والبنت تحكي مع رجل(سحقت الشرف). هناك ميزان وتوازن مهم واهم.
يا ناس عاركم عليكم ...
من أنت لتدين الاخرين...........
اتقو الله حبو ولادكم .... لا تدخلوا في علاقات إجتماعيه مع سفله... لا تكونوا عبيدا للمال بل لله.......
وانا متأكد إنه في الاسلام غير مكتوب قتل الفتاه المسكينه بالطريقه هذه.. متأكد ولو كان الرسول موجود لقطع رؤوسكم...
يا حرام يا هاي البنت الله يرحمك وانا ما بعرفك. بس بعرف وبشعر باللحظة الموحشه التي كنت فيها إذ اوقفو ساعة الحياة عندك... يا حرام يا هالام... الله يصبرنا على تخلف هذه الامه.

  الله لا يمفق اهلها .

وحسبي الله ونعم الوكيل

  الله لا يوفق اهلها .

وحسبي الله ونعم الوكيل

  انا لله وانا اليه راجعون

  تصرف همجي ...................