حظي ناقص

زاد الاردن الاخباري -

انا بحب شب تقريبا من خمس سنين وهو خلص دراسات عليا من فترة كتير قريبة المشكلة انو حاسيته بلش يتهرب من موضوع الخطبة طبعا انا اهلي كلهم بيعرفو عنه وصرت كتير انحرج لما يسألوني متى بدو ييجي وهو ما حدا من اهله ولا من صحابو ولا حد من معارفه بيعرف عنه!!

انا ضليت متحملة الوضع هدا خمس سنين لانه محترم ومنيح ولاني بحبه اما برودة اعصابه مش عاجبيتني بالمرة يعني بس ييجيني عريس بيصير يحكيلي انتي لساتك صغيرة ليش بدك تخطبي هلأ ولسا في بنات اكبر منك مش خاطبات!!

مع اني متأكدة انو ما بيعرف بنات غيري ولا اهله رح يجبروه يخطب عكيفهم والله تعبت بدي اتركو بس مش قادره بس اقرر اتركو بيصير يعاملني كتير منيح وانا عمري ما رح اتركك ومن هالحكي
وبنفس الوقت حاسة حالي مستحية من اهلي انهم بيستنوه ييجي يخطبني وفجأه أحكيلهم بطل !!!

ومش قادرة اخد منو كلمه (انا لسا ما بشتغل ولسا ما معي مصاري) مع انه وضع اهله منيح واصلا انا ما بدي شي بس بدي علاقتنا تكون رسمية وبسهولة رح يلاقي شغل كمان شوي بس هو معقد الأمور !!!

شو أعمل صعب تنسى حد ضليتك معه خمس سنين وكيف بدي اخطب واحد تاني واعمل حالي قدامو عمري ما حبيت ولا عرفت حدا وانو هوا اول حد بحياتي !!!

لو كنت بعرف هيك رح يصير كان عمري ما فكرت احب بس كنت صغيرة وهيني بشوف الكل بيحب وبيخطب بس انا شكلو حظي ناقص مع العلم انه اكبر متي ب ٣ سنين