الماضي يلاحقني

زاد الاردن الاخباري -

أعزائي رواد زاد,,,السلام عليكم ورجمة الله وبركاته :

بدي اطرح مشكلتي وبعرف إنه كتير تكرر هاد النوع من المشاكل بس حابه افضفض ,,,أنا فتاة متزوجه وعندي طفل ولكن قبل الزواج كنت على علاقة بشاب وتقدم لخطبتي ولكن ما صار نصيب لعدة أسباب أنا كنت احبه لشده حبه الي وكان هالشي واضح من كلامه وتصرفاته وبعدين تعلقت فيه عالرغم من اني شخصية اقرب الى الجديه من الرومانسيه وبعت أهله لعنا وما صار نصيب,,,بعدين هو تزوج وأنا تزوجت واللي فهمته من ناس مقربه اله إنه مو مرتاح بزواجه وبالمقابل أنا مو مرتاحه بزواجي لإنه زوجي طلع بشرب وعنده كتير صفات سيئه بس متحمله عشان ابني ,,,المهم قبل فتره حكى معي الشب على تلفون الشركه وخبرني إنه شركتهم اخدت عطاء عنا بالشركه ورح يصير يداوم معي بنفس الشركه طبعا هو بعرف رقم مكتبي من أيام ما كنا على علاقه وبعرف كل شي عن طبيعه عملي ,,,شو أعمل أنا بعرف إني مارح يكون في حكي بينا لإنه قلبي مطفي ويئسانه من الحياة وما عاد الي نفس لا فيه ولا في غيره بس مجرد وجوده معي بالشركه رح يسبب لي مشاكل لإنه رح يضل يراقبني وأنا ما بقدر اترك شغلي أو اتجاهله بحكم إنه رح يصير زميلي وما بدي الفت نظر باقي الموظفين إنه بعرفه من قبل ,,,شو اعمل تعبانه ويائسه من الحياة