في حيرة من امري

زاد الاردن الاخباري -

السلام عليكم ورحمة الله وبركاته،،،،،،،

اعزائي قراء زاد المحترمين،،،،

اريد ان اخذ رايكم بموضوع يؤرقني كثيرا....

انا فتاة متزوجة لا يوجد عندي اولاد ( صارلي سنة متزوجة) اعمل بشركة منذ 5 سنوات راتبي جيد جدا والحمد لله مشكلتي تكمن بان هذه الشركة تؤخر راتبي بشكل كبير جدا يعني راتب شهر 8 اليوم اخذته وبس اجي اطلب راتبي عموعده بصير كانه عم بشحته شحته على بكرة بنعطيكي الراتب. بيجي بكرة وما بيجي المدير ع الشركة يعني بيضل يماطل في راتبي لنص الشهر .المشكلة بالاول ما كانت تفرق معي اذا اخر راتبي لانه كنت بنت وما عندي هالالتزامات . بس هلا صارت تفرق معي لانه عندي التزامات وعم بساعد جوزي بديونه .وكتر تأخير راتبي عم بيخليني اداين من اشخاص عشان امشي اموري وبس اقبض برجع بسكر الي اداينته يعني من الاخر بطلع مش مستفيدة من راتبي بسبب هالتاخير...حاولت اشوف بشركات تانية بس رواتبهم كتير ضعيفة ما بتزبط معي..بس هلا انا صرت اعطي دروس خصوصية بالبيت(انجلش) وصار عندي عدد طلاب منيح وبحصل راتب منيح كتير وبدون ما ادفع مواصلات بس موضوع التاخير بالراتب مستمر فعم بفكر اترك الشركة واكمل مع الطلاب..بس المشكلة هون لاني جديدة ع موضوع الخصوصي خايفة ما تستمر الامور معي ولا تزبط معي هون ولا هون ..والاغلب بيحكيلي انه الكل بيصير يدل عليكي مع الوقت ...انا بدي نصيحتكم اترك الشركة واستمر بالدروس الخصوصية ولا ما اترك الشركة..مع العلم انه شغلي بالشركة عم بيأثر عنفسيتي كتير ..وبياخر رواتب ع الكل مو بس علي باقي الموظفين مو فارقة معهم عندهم دخل تاني ...شو بتنصحوني اعمل